އިހަވަންދޫ މޮނިޓަރިންއަށް ލައިފި
31 ޑިސެމްބަރު 2021 | ހުކުރު 18:11މިވަގުތު 12 ރަށެއް އޮތީ މޮނިޓަރިންގައި
ހއ.އިހަވަންދޫ- މިހާރުވެސް އެރަށުން 44 މީހުން ޕޮޒިޓިވްވެފައިވާކަމަށް ކައުންސިލުން ބުނޭ
ކޮވިޑް-19 ގެ ބަލިމަޑުކަމުގެ ހާލަތަށް ބަލައި ހއ އިހަވަންދޫ މޮނިޓަރިންއަށް ލައިފިއެވެ.
އެކަމާ ގުޅޭގޮތުން ރާއްޖެއެމްވީން ސުވާލު ކުރުމުން އިހަވަންދޫ ކައުންސިލަރ އަބްދުﷲ ޚަލީލް ވިދާޅުވީ، އެރަށް މޮނިޓަރިން އަށް ލާފައިވަނީ ހުކުރު ދުވަހުގެ ވަގުތެއްގައި ކަމަށެވެ. މިހާރުވެސް އެރަށުން 44 މީހުން ޕޮޒިޓިވްވެފައިވާކަމަށް އޭނާ ވިދާޅުވިއެވެ.
އިހަވަންދޫގެ އިތުރުންވެސް ބައެއް ރަށްތައް މޮނިޓަރިން އަށް ލާފައިވެއެވެ. އެގޮތުން މިވަގުތު 12 ރަށެއް މޮނިޓަރިންގައި ވާކަމަށް ހެލްތު އިމަރޖެންސީ އޮޕަރޭޝަން ސެންޓަރ (އެޗްއީއޯސީ) އިން ބުނެފައިވެއެވެ.
މިވަގުތު މޮނިޓަރިންގައި ވާ ރަށްތަކަކީ މ މުލައް، ދ ކުޑަހުވަދޫ، ނ ލަންދޫ، ތ ވިލުފުށި، ގދ ވާދޫ، ކ ތުލުސްދޫ، ހދ ނައިވާދޫ، ދ ހުޅުދެލި، ގދ ހޯޑެއްދޫ، ގދ ގައްދޫ، ކ މާފުށި އަދި ހއ އިހަވަންދޫއެވެ.
ރާއްޖޭގައި މިފަހަކުން ވަނީ ކޮވިޑްގެ ކޭސްތަކުގެ އަދަދު އިތުރުވެފައެވެ. ފާއިތުވި ދުވަސްތަކުގައި ރިސޯޓްތަކުން ކޮވިޑަށް ޕޮޒިޓިވްވާ މީހުންގެ އަދަދު ވެސް ވަނީ އިތުރުވެފައެވެ.
