ރައީސް ނަޝީދާއި ރައީސް ޞޯލިޙް އަދި ރައީސް ޔާމީންގެ ބައްދަލުވުން

ސަރުކާރުން ހަދަމުންދާ ގޯސްތައް މިހާރުން މިހާރަށް ހުއްޓާލުމަށް ކުރީގެ 3 ރައީސުންކަމަށްވާ ރައީސް މުޙައްމަދު ނަޝީދު، ރައީސް އަބްދުﷲ ޔާމީނު އަދި ރައީސް އިބްރާހިމް މުޙައްމަދު ސާލިޙު ގޮވާލައްވައިފިއެވެ.

ޤައުމު ހަމަ މަގަށް އެޅުވުމަށް 3 ރައީސުންވެސް ގުޅިގެން މަސައްކަތް ކުރުމަށް އެއްބަސްވެވިފައިވާކަމަށް ގުޅިފައިވާ ބަޔާނުގައި ވަނީ ބުނެފައެވެ. އަދި މިހާރު ޖަލު ބަންދުގައި ތިބި ނޫސްވެރިން މިނިވަން ކުރުމަށާއި، ނޫސްވެރިންގެ މައްޗަށް ހިންގާ ޣައިރު ޤާނޫނީ ޝަރީއަތްތައް ހުއްޓާލުމަށްވެސް ސަރުކާރަށް ވަނީ ގޮވާލާފައެވެ.

ސަރުކާރުގެ ތެރޭގައި ނުރަނގަޅު އެތައް ކަމެއް މިއަދު އަށަގެންފައިވާކަން ފާހަގަކޮށް 3 ރައީސުންގެ ބަޔާނުގައި އިތުރަށް ބުނެފައިވަނީ، އެކަންކަން އިސްލާޙު ކުރުމަށްވެސް ސަރުކާރު ނުކުޅެދިފައިވާ ކަމަށެވެ. އަދި ރައްޔިތުންގެ ފައިސާއާއި މުދާ އަމާންކަމާއި ރައްކާތެރިކަމާއެކު ބެލެހެއްޓޭކަމުގެ އިތުބާރު ގެއްލި، ރައްޔިތުންގެ ބާރު ކެނޑި، އެތައް ޒަމާނެއްވަންދެން ދިވެހިން މަސައްކަތް ކޮށްގެން ހޯދި ޑިމޮކްރަސީގެ ހަމަތައް ރާއްޖެއިން ފުހެވިގެންދާތަން ފެންނަމުންދާކަމަށްވެސް ވަނީ ފާހަގަކޮށްފައެވެ.

ތިން ރައީސުންގެ ތާރީޚީ ބައްދަލުވުމަށްފަހު ނެރުނު ގުޅިފައިވާ ބަޔާނެއްގައި ބުނެފައިވަނީ، ރައްޔިތުންގެ އާންމު ޙާލަތު ދަށްވެ، އިޤްތިސާދު ހީނަރުވެ، ތަކެތީގެ އަގު އެތައް ގުނައަކަށް އުފުލިފައިވާކަމަށް، އަދި މި ޙާލަތުގައިވެސް ސަރުކާރުގެ އިސްރާފު އިންތިހާއަށް ބޮޑުކަމަށް ބަޔާނުގައިވޭ.

ތިން ރައީސުންގެ ބަޔާނުގައި އިތުރަށް ބުނެފައިވަނީ، މިނިވަން ނޫސްވެރިކަމަށް ހުރަސް އެޅުމާއި، ނޫސްވެރިން ޖަލަށްވެސް ލަމުންދާ ކަމަށް.

މީގެ އިތުރުން، ރައްޔިތުންގެ އާންމު ޙާލަތު ދަށްވެ، އިޤްތިސާދު ހީނަރުވެ، ތަކެތީގެ އަގު އެތައް ގުނައަކަށް އުފުލިފައިވާކަންވެސް ވަނީ ފާހަގަކޮށްފައެވެ. އަދި މި ޙާލަތުގައިވެސް ސަރުކާރުގެ އިސްރާފު އިންތިހާއަށް ބޮޑުކަމަށް ބަޔާނުގައިވެއެވެ.

ހަމައެއާއެކު، ސަރުކާރުގެ ތެރޭގައި ނުރަނގަޅު އެތައް ކަމެއް މިއަދު އަށަގެންފައިވާކަން ފާހަގަކޮށް ބަޔާނުގައި އިތުރަށް ބުނެފައިވަނީ، އެކަންކަން އިސްލާޙު ކުރުމަށްވެސް ސަރުކާރު ނުކުޅެދިފައިވާ ކަމަށެވެ.

ތިން ރައީސުންގެ ތާރީޚީ ބައްދަލުވުމަށްފަހު ނެރުނު ބަޔާނެއްގައި ބުނެފައިވަނީ، ރައީސް ޑރ މުޙައްމަދު މުއިއްޒުގެ ސަރުކާރުން ޤާނޫނުއަސާސީން ރައްޔިތުންނަށް ކަށަވަރުކޮށްދޭ އަސާސީ ޙައްޤުތަކަށް ފާޅުގައި އަރައިގެންފައިވާ ކަމަށާއި، ޝަރުއީ ކޯޓުތަކަށްވެސް ނުފޫޒު ފޯރުވަމުންދާ ކަމަށް. އަދި ރައްޔިތުންގެ މަޖިލީހުގެ ބާރު ކަނޑުވާލައި، ދައުލަތުގެ މުއައްސަސާތަކުގެ މުސްތަޤިއްލުކަން ގެއްލުވާލާފައިވާކަމަށްވެސް ވަނީ ފާހަގަކޮށްފައި. 

ތިން ރައީސުންގެ ތާރީޚީ ބައްދަލުވުމަށްފަހު ނޫސްވެރިންނާ ވާހަކަ ދައްކަވަން ތައްޔާރުވަމުން އެބަދޭ، އެކަމުގެ އިންތިޒާމުތައް މިހާރު އެބަ ކުރިއަށްދޭ. 

  ތިން ރައީސުންގެ ތާރީޚީ ބައްދަލުވުން: މިއީ މި ތިން ބޭފުޅުން އެކުގައި ބައްދަލުކުރައްވާ ފުރަތަމަ ފަހަރު. މި ބައްދަލުވުމުގައި ޤައުމަށް މިހާރު ކުރިމަތިވެފައިވާ ބޮޑެތި ގޮންޖެހުންތަކާއި މުހިންމު މައްސަލަތަކާ ގުޅޭގޮތުން ފުޅާ ދާއިރާއެއްގައި މަޝްވަރާކުރައްވާނެ ކަމަށް ބެލެވޭ. އަދި ބައްދަލުވުން ނިންމަވާލެއްވުމަށްފަހު، މީޑިއާތަކަށް މަޢުލޫމާތު ދެއްވުމަށް ނޫސްވެރިންނާ ބައްދަލުކުރައްވާނެ.   

ތިން ރައީސުންގެ ބައްދަލުވުން ފެށިގެން ކުރިއަށްދާއިރު، ހޯލުގެ ބޭރުގައި ސަޕޯޓަރުން ތިބީ އިންތިޒާރުގައި، އެގޮތުން އެމްޑީޕީއާއި ޕީއެންއެފްގެ އިސް ބޭފުޅުން އެތަނުގައި އެބަތިބި. 

ތިން ރައީސުން ބައްދަލު ކުރައްވާ ސަރަޙައްދުގައި ފުލުހުން ޙަރަކާތްތެރިވާން ފަށައިފި، ފުލުހުން ގެންދަނީ އެ ސަރަޙައްދުގައި ތިބި އާންމުން އެ ސަރަޙައްދުން ދުރުކުރުމަށް މަސައްކަތް ކުރަމުން، އެކަމުގެ ސަބަބުން ކޮންމެވެސް ވަރަކަށް އެތަނުގައި ތިބި އާންމުންގެ މެދުގައި ނުރުހުންވުން ވަނީ އުފެދިފައި. 

ތިން ރައީސުންގެ މަޝްވަރާތައް މިހާރު ވަނީ ފެށިފައި، މިއީ ކުރީގެ ތިން ރައީސުން މިފަދަ ގޮތަކަށް ބައްދަލު ކުރައްވާ ފުރަތަމަ ފަހަރު. 

ކުރީގެ ތިން ރައީސުން ބައްދަލު ކުރަން ނިންމާފައި މި ވަނީ، ނޫސްވެރި ކަމުގެ މިނިވަން ކަމަށް ރައީސް ޑޮކްޓަރު މުޙައްމަދު މުޢިއްޒުގެ ސަރުކާރުން ހުރަސް އަޅަމުން އަންނަ ވަގުތެއްގައި، އެގޮތުން ނޫސްވެރި ކަމުގެ މިނިވަންކަން ދިފާއު ކުރުމަށް، އެކުގައި މަސައްކަތް ކުރުމަށް ތިން ރައީސުންގެ ޝައުޤުވެރިކަން އޮތް ކަމަށް ވަނީ ހާމަ ކޮށްފައި.

ކުރީގެ ރައީސް ޔާމީނުވެސް ދާދި ދެންމެ ބައްދަލުވުމަށް ވަޑައިގެންފި، މި ބައްދަލުވުމުގައި މުހިއްމު ގިނަ މަޝްވަރާތަކެއް ކުރެވިގެންދާނެ

ކުރީގެ ރައީސް ސާލިޙާއި ކުރީގެ ރައީސް ނަޝީދު މިހާރު ވަނީ ބައްދަލުވުމަށް ވަޑައިގެންފައި، އަދި ދެބޭފުޅުން މިހާރު ގެންދަވަނީ ވާހަކަފުޅު ދައްކަވަމުން

ތިން ރައީސުންގެ ބައްދަލުވުމަށް ތައްޔާރުވުމަށް ބާއްވަމުންދާ އިންތިޒާމުތައް ދަނީ ކުރިއަށް، މިވަގުތު އެ ސަރަޙައްދުގެ ތައްޔާރީތައް އެބަ ކުރިއަށްދޭ.