މަޖިލީސް ޖަލްސާ

ޖަލްސާ ނިންމާލީ ގުޅިފައިވާ މެންބަރުން އަޑުގަދަ ކުރަމުންދަނިކޮށް

އިންޑިޔަން އޯޝަން ރީމް އެސޯސިއޭޝަންގައި ރާއްޖެ ބައިވެރިކުރުމަށް ފާސްކޮށްފި. ވޯޓުގައި ބައިވެރިވެފައިވަނީ 27 މެންބަރުން

ސްރީލަންކާގެ ސަފީރު ކަމަށް މުހައްމަދު ހުސައިން ޝަރީފު އަހުމަދު ހޮވިއްޖެ ކަމަށް ކަނޑައަޅައިފި. ލިބުނީ 28 ވޯޓު. މެންބަރުންދަނީ ހަޅޭ ލަވާ އަޑުގަދަކުރަމުން.

ވޯޓުލުމަށް ހުޅުވާލީ ސްރީލަންކާއަށް ކަނޑައަޅުއްވާފައިވާ ސަފީރު ކަމުގެ މަގާމަށް މުހައްމަދު ޝަރީފު އަހުމަދު އައްޔަނުކުރުމަށް.

.މަޖިލީހުގެ ޖަލްސާ ފަށައިގެން ކުރިއަށްދާ އިރު. ގުޅިފައިވާ ސިޔާސީ ޕާޓީތަކުގެ މެންބަރުން ދަނީ އަޑުގަދަކޮށް، ހިތްހަމަނުޖެހުން ފާޅުކުރަމުން.ސްރީލަންކާގެ ސަފީރަށް ރުހުން ހޯދުމަށް ހުށަހެޅި ރިޕޯޓަށް 10 މިނެޓްތެރޭގައި ބަހުސް ނިންމާލައިފި!

މަޖިލީހުގެ ޖަލްސާ ފަށައިފި. ޗެމްބަރު ތެރޭގައި ގިނަ އަދަދެއްގެ ސެކިއުރިޓީން. ސެކިއުރިޓީން ކުރިމަތީގައި ސަރުކާރަށް ނިސްބަތްވާ މެންބަރުންވެސް ސަފެއް ހަދައިގެން.

މަޖިލީހުގެ ރައީސް މަސީހު ޗެމްބަރަށް ވަޑައިގަންނަވަނީ ސެކިއުރިޓީންނާ އެކު.

މަޖިލީހުގެ ޗެންބަރު ބޭރުގައި، ގުޅިފައިވާ ސިޔާސީ ޕާޓީތަކުގެ މެންބަރުންނާއި ސަރުކާރަށް ނިސްބަތްވާ މެންބަރުން ޒުވާބުކޮށް ބަހުގެ ހަމަލާތައް ރައްދުކުރަނީ.

މަޖިލީސް ޖަލްސާ ފެށުމަށް ހަމަޖެހިފައިވަނީ 09:00 ގައެވެ. މަޖިލީސް ޖަލްސާގައި މިއަދު ކުރިއަށްދާ ކަންކަމަށް ބަލާ އިރު ސްރީލަންކާއަށް ކަނޑައަޅުއްވާފައިވާ ސަފީރު ކަމުގެ މަގާމަށް މުހައްމަދު ޝަރީފު އަހުމަދު އައްޔަނުކުރުމާމެދު ރައީސުލްޖުމްހޫރިއްޔާ ހުށަހަޅުއްވާފައިވާ މައްސަލަ ގައުމީ ސަލާމަތު ކޮމިޓީން ދިރާސާކުރައްވާ ނިންމެވި ގޮތުގެ ރިޕޯޓް ހުށަހެޅުމަށް ވަނީ ހަމަޖެހިފަ އެވެ.