ފަލަސުރުހީ

ރައްޔިތުންގެ މަޖިލީހުގެ މަސައްކަތް ކުރެވޭނީ، މަސީހުގެ އިތުބާރު ނެތްކަމުގެ މައްސަލައަށް ފަހު. މަޖިލީސް މިހާރު އެވަނީ ހުއްޓިފައި، ޕެރެލައިޒްވެފައި. އެކަމަށް ފުރުސަތު ނުދީ މަޖިލީހުގެ އެއްވެސް ކަމަކަށް ހައްލެއް ނާންނާނެ. އަބުދއްރަހީމަށް އޮތް ވަރަށް ވެސް މަސީހަށް މަޖިލީހުގައި އިތުބާރެއް ނެތް.

ކަމަދޫ ބައި-އިލެކްޝަނުންވެސް ސަރުކާރަށް ތާއީދު ނެތްކަން ވަރަށް ސާފުވެއްޖެ. ރައީސް ޔާމީނަށް ކަމަދޫ ފަދަ ކުޑަ އާބާދީއެއްގެ ރަށުން 25 ވޯޓު ލިބުނަސް އެވާނީ ވަރަށް ބޮޑުވަރު ވުމަށް.

މާދަމާގެ މަޖިލީސް އެޖޭންޑާގައިވާ ގޮތަށް ކުރިއަށް ގެންދިއުމަށް ފުރުސަތު ނުދޭނަން.މަޖިލީހުގައި ޖަލްސާގައި އޮންނަންޖެހޭ ރައްޔިތުންގެ މަޖިލީހުގެ ރައީސް މަސީހުގެ އިތުބާރު ނެތް ކަމުގެ މައްސަލަ އެންމެ ފުރަތަމަ އެޖެންޑާ ކުރަންޖެހޭ.

އުއްތަމަ ފަނޑިޔާރަށް ބުނެލަން އޮތީ ރައްޔިތުންނަށް ބިރު ދެއްކުން ހުއްޓާލާށޭ.ސުޕްރީމް ކޯޓަށް މިނިވަންކަމާ އެކު ހުކުމް ކުރަންޖެހޭ. ކޯޓުތަކުގައި އަމަލުކުރަނީ މިސްކިތްތަކަށް ވުރެ ވެސް މަތީގައި.

ރައީސްގެ މަގާމު ގެއްލިއްޖެކަމަށް ސުޕްރީމްކޯޓުން ކަނޑައަޅާއިފި ނަމަ، ރައީސް ބަނޑޭރި ކޮށީގައި ބަހައްޓައިގެންވެސް ވެރިކަން ދިފާއުކުރުމަށް ރައީސަށް އެހީތެރިކަން ފޯރުކޮށްދޭނެ ކަމަށް ޖެނެރަލް ޝިޔާމް ވަނީ ބުނެފަ. އެފަދަ ހާލަތަށް ގޮސްފި ނަމަ، ސިފައިން ލައްވާ ފާރުމަތިން އަރާވެސް ރައީސް ޔާމީން ބަލިކުރާނަން

މިއަދާ ހަމައަށް ވެސް އިލެކްޝަންސް ކޮމިޝަނުން މަޖިލީހުގެ މެންބަރުންގެ ގޮޑި ގެއްލުނުކަމަށް ބުނި ނަމަވެސް އެއްވެސް ސަރުކާރުގެ މުއައްސަސާތަކުން އެއްވެސް ރަސްމީ ލިޔުމެއް ފޮނުވާފައެއް ނުވޭ. ގޮނޑި ގެއްލުނު ކަމަށް ބުނާ މަޖިލީސް މެންބަރުންގެ ގޮނޑި ގެއްލޭނެ ކަމަށް ގަބޫލެއް ނުކުރަން.

ބިރުދެއްކުމަށް ކިތައްމެ ފިއްތުންތަކެއް ކުރިމަތި ކުރި ނަމަވެސް ރައީސް ޔާމީނަށް އެއްވެސް ކާމިޔާބީއެއް ނުލިބޭނެ. މަޖިލީހުގެ މެޖޯރިޓީގެ ތާއީދެއް ދެނެއް ރައީސް ޔާމީނަކަށް ނުލިބޭނެ ކަން. މިއީ ވަރަށް ސާފު ކަމެއް.

ކުއްލިޔަކަށް ލިބުނު ޝޮކެއްގެ ސަބަބުން ރައީސް ޔާމީން ފަހަރަކު މެންބަރެއްގެ ފަހަތުން ދުވަނީ. މި ގައުމުގައި ހަމަހަމަކަމެއް ނެތް. މަޖިލީހުގެ މެންބަރުން 24 ޖުލައި ގައި މަޖިލީހަށް ވަދެފައިވަނީ 12 މެންބަރުންނެތް ނޫން. 30 ހަކަށް މެންބަރުން ވަނީ ވަދެފަ. މިކަން މިކުރަނީ މަޖިލީސް މެންބަރުންނަށް ބިރުދެއްކުމަށް.

މިރޭގެ ފަލަސުރުހީގެ މެހެމާނަކީ ގަލޮޅު ދެކުނު ދާއިރާގެ މެންބަރު އަހުމަދު މަހުލޫފު. ޕްރޮގްރާމުގެ މައުލޫއު އަކީ މެންބަރުންނަށް ކުރާ ދައުވާތައް ފުނިޖެހުން.