22:03
ރައީސްޔާމީން ދެއްކެވި ވާހަކައާއި، އެމަނިކުފާނު ދެއްވާފައިވާ ބަޔާނުގައި ހުރި ކަންތައްތައް ދިމާވޭތޯވެސް ބަލަންޖެހޭ
އަޅުގަނޑު ގަބުލުކުރާ ގޮތުގައި މިހާރު އެށީސީން ކުރި ތަހުޤީޤް އަލުން މުރާޖަކުރައްވަންޖެހޭ. ރައީސް ޔާމީންގެ ވާހަކަތަކާއެކުގައި މިކަން ތަހުޤީޤްކޮށްފިނަމަ ވަރަށް ފުރިހަމަވާނެ. ރައީސްޔާމީން ދެއްކެވި ވާހަކައާއި، އެމަނިކުފާނު ދެއްވާފައިވާ ބަޔާނުގައި ހުރި ކަންތައްތައް ދިމާވޭތޯވެސް ބަލަންޖެހޭ. އޭސީސީގެ ރިޕޯޓް ޕީޖީއަށް ފޮނުވާފައިވާނަމަ އެ އަނބުރާ ގެންނަންވެސްޖެހޭ.
19 އޯގަސްޓް 2017 | ހޮނިހިރު 22:03
21:53
އަޅުގަނޑު ގަބޫލުކުރާ ގޮތުގައި މުއައްސަސާތަކުގައި ތިއްބަވާ ވެރިންގެ އިހުލާސްތެރިކަމެއް ނެތް. އެ ބޭފުޅުން ބޭނުންވެގެން އުޅެނީ އެ ބޭފުޅުންގެ މުސާރަ. އިތުރު އެއްޗެއް އެ ބޭފުޅުން ބޭނުންވާ ކަމަކަށް ގަބޫލެއް ނުކުރެވޭ. އެ ބެފުޅުން ނޫޅުއްވާ ހަރާބުވެފައިވާ ދުސްތޫރީ ނިޒާމް ހަރުދަނާކުރާކަށް.
19 އޯގަސްޓް 2017 | ހޮނިހިރު 21:53
21:46
ފިނޭންސް މިނިސްޓަރު އަމަލުކުރައްވަނީ މާލިއްޔަތު ޤާނޫނާއި ހިލާފަށް. އަޅުގަނޑުމެން ފައިސާ ނުލިބިގެން އިލެކްޝަންސް ކޮމިޝަންގައި އެދުމުން، އެ ކޮމިޝަނުން ބުނަނީ ފިނޭންސް މިނިސްޓްރީއަށް ފޮނުވާފައިވާކަމަށް. ނަމަވެސް ފިނޭންސް މިނިސްޓްރިގައި އެދި މިނިސްޓަރާއި ބައްދަލުކުރުމަކީ އަޅުގަނޑުމެން ކުރަންޖެހޭ ކަމެއް ނޫން.
19 އޯގަސްޓް 2017 | ހޮނިހިރު 21:46
21:41
ބަޖެޓް ފާސްކުރާތާ 90 ދުވަސް ތެރޭގައި ސިޔާސީ ޕާޓީތަކަށް ފައިސާ ދޫކުރަންޖެހޭ.
ބަޖެޓް ފާސްކުރާތާ 90 ދުވަސް ތެރޭގައި ސިޔާސީ ޕާޓީތަކަށް ފައިސާ ދޫކުރަންޖެހޭ. ނަމަވެސް މިހާތަނަށްވެސް ސިޔާސީ ޕާޓީތަކަށް އެއްވެސް ފައިސާއެއް މިހާތަނަށްވެސް ދޫކޮށްފައެއް ނުވޭ. ނަމަވެސް ޕާޓީ ޖޫރިމަނާކޮށް ފައިސާ ދައްކަން މި އަންގަނީ 7 ދުވަހުގެ ތެރޭގައި. އެގޮތަށް ކަންތައްތައް ކުރާތީ އަޅުގަނޑުމެން ކަންބޮޑުވުން އެބަ އޮތް. ޤާނޫނުގައި ބުނާ އެއްޗެއް ނުދީ، އަޅުގަނޑުމެން ޖޫރިމަނާކުރަމުންދަނީ.
19 އޯގަސްޓް 2017 | ހޮނިހިރު 21:41
21:37
ގުޅިފައިވާ ސިޔާސީ ޕާޓީތަކަށް އޮތް ތާއީދު ފެނިގެންގޮސްފާނެތީ، އެކަމަށް ފުރުސަތެއް ނުދޭ. އަޅުގަނޑުމެން ދައުލަތުގެ އެކި އިދާރާތަކަށް ހުށައެޅިން ޖަލްސަތަކާއި އެއްވުންތައް ބޭއްވުމަށް. ނަމަވެސް އެކަމަށް އެއްވެސް ފުރުސަތެއް ނުދެއްވާ. އަޅުގަނޑުމެން ކާނިވާ ސަރަހައްދުގައިވެސް ޖަލްސާ ބޭއްވުމަށް ތަފާތު އެކި ފަހަރުމަތިން ހުށައަޅާފައިވާނެ. ނަމަވެސް އެކަމަށް އެއްވެސް ފުރުސަތެއް ދެއްވާފައެއް ނުވޭ.
19 އޯގަސްޓް 2017 | ހޮނިހިރު 21:37
21:30
އަޅުގަނޑުމެންގެ މަޤްސަދުތަކާއި ހަމައަށް ވާސިލްވުމަށް މާ ގިނަ ދުވަސްތަކެއް ނެތް
ސިޔާސީ ހުރިހާ ލީޑަރުން މި ކުރާ މަސައްކަތަތކަކީ އުސުލެއްގެ މައްޗަށް އެއްބަސްވެ ކުރިއަށްގެންދާ މަސައްކަތްތަކެއް. ސިޔާސީ ލީޑަރުން އެއްބަސްވެފައިވަނީ ކޮރަޕްޝަނާއި އަނިޔާވެރިކަން ހުއްޓުވުމަށް. އެކަމަށް ކުރަމުންގެންދާ މަސައްކަތްތަކެއް މިއީ. މިކަމުގައި ކާމިޔާބުތައް ލިބެމުންދެ. ކާމިޔާބުތައް އެކި ސިފަ ސިފައިގައި ފެންނަމުންވެސްދޭ. އިންތިހާބުގެ ނަތީޖާތަކަުންވެސް ކާމިޔާބުވާތަން ފެންނަމުންދޭ.
19 އޯގަސްޓް 2017 | ހޮނިހިރު 21:30
21:27
ސަރުކާރުގެ އަނިޔާވެރިކަމާއި ދެކޮޅަށް ރައްޔިތުން މިއަދު އެ ވަނީ ބަސްބުނެފައި
ސަރުކާރުގެ އަނިޔާވެރިކަމާއި ދެކޮޅަށް ރައްޔިތުން މިއަދު އެ ވަނީ ބަސްބުނެފައި. ރައްޔިތުންގެ ވިސްނުން އޮތީ ސަރުކާރާއި ދެކޮޅަށް. ސަރުކާރުން ހިންގާ ކޮރަޕްޝަނާއި ދެކޮޅަށް. ސަރުކާރުގެ އަނިޔާވެރިކަމާއި ދެކޮޅަށް. ރައްޔިތުންގެ ވިސްނުން ބަދަލެއް ނުވޭ. ގުޅިފައިވާ ސިޔާސީ ޕާޓިތަކުން ކުރާ މަސައްކަތް ބަލައިގަނެފައިވާކަން މިއަދު ވަނީ ހާމަކޮށްފައި.
19 އޯގަސްޓް 2017 | ހޮނިހިރު 21:27
21:22
ސަރުކާރުގެ ސިޔާސަތުތަކާއި ގުޅެގޮތުންވެސް ފަލަސުރުހީގައި އަނަސް ވާހަކަދައްކަވާނެ
Mireyge #FalaSurukhee gai @anasabdulsattar | @Raajje_tv pic.twitter.com/3sZ84Lxd1A
— raajje.mv (@raajjemv) August 19, 2017
19 އޯގަސްޓް 2017 | ހޮނިހިރު 21:22
21:14
ރާއްޖެޓީވީގެ މިރޭގެ ފަލަސުރުހީ ޕްރޮގްރާމްގެ މެހުމާނަކީ އެމްޑީޕީގެ ސެކެރަޓަރީ ޖެނެރަލް އަނަސް އަބްދުއްސައްތާރު އެވެ. މިރޭގެ ޕްރޮގްރާމްގެ މައުމޫއަކީ ކަމަދޫ ރައްޔިތުން ސަރުކާރަށް ނޫނެކޭ ބުނުން އެވެ. އެގެއިތުރުން އެމްޑީޕީ ޖޫރިމަނާކުރުމާއި ގުޅޭގޮތުންނާއި، ސިޔާސީ ޕާޓީތަކަށް ފައިސާދޫކުރުމާއި ގުޅޭގޮތުން ވާހަކަދައްކަވާނެ އެވެ.
19 އޯގަސްޓް 2017 | ހޮނިހިރު 21:14