ޖިނާއީ އިޖްރާއަތުގެ ޤާނޫނަށް އަމަލު ކުރަން އަދިވެސް ފަސް ކުރާނެ. ޤާނޫނު އަދިވެސް މިދަނީ ބަދަލު ކުރަމުން. މިހާރުވެސް މިޤާނޫނަށް ކަރުދާސްތައް އިތުރުކޮށްފައިވާ ކަމަށް މެމްބަރުން ދަނީ ބުނަމުން. ޕީޕީއެމްގެ ޕީޖީ ގުރޫޕު ތެރޭގައި ބޮޑެތި މައްސަލަތައް އެބަހުރި. މިސަރުކާރުން މިދަނީ އޮޅުވާލަމުން. ސަރުކާރުން ކޮންމެ އެއްޗެއް ހުށަހެޅިއަސް މެމްބަރުންނަށް މައްސަލަތަކެއް ނެތް ކަމަށް ފެނޭ،
ސަރުކާރުން ލޯން ނަގާއިރު އެބަ އަހަން ޖެހޭ. މިކަން އެބަ ސާފްކޮށްދޭންޖެހޭ. ބޭނުންއިރަކު ޤާނޫނަށް ބަދަލު ކުރަމުންމިދަނީ. މުސާރަދޭން ލޯން ނަގާ ކަމަށްވާނަމަ ރައްޔިތުންނަށް ބޭންކުން ކޮށްދޭން ހުންނަ ކަންކަމަށް ބުރޫއަރާނެ.
ލާރިދޭ ފަރާތަކާއި ކައިރިވެފައި ލާރި ނުދޭ ފަރާތަކާއި މިގައުމުން ގުޅުން ބަދަހިކުރަނީ. އެހެން ނަމަވެސް އިންޑިޔާއަކީ މި ސަރަހައްދުގެ ބާރު ގަދަ ގައުމެއް. ރައީސް ނަޝީދުގެ ސަރުކާރުންވެސް ވަނީ އިންޑިޔާއާއި ގާތް ގުޅުމެއް ބޭއްވުމަށް ހާއްސަ ސަމާލުކަމެއް ދީފައި.
ހާރިޖީ ސިޔާސަތު މިއޮތީ ފެއިލްވެފައި. އެހެންކަމުން މިނިވަންކަމާއި މެދު ސުވާލު އުފެދޭ. އިންޑިއާއަކީ ވަރަށް އެހީތެރިވާ ގައުމެއް. މިގުޅުން ގޯސްވެފައިވަނީ ކީއްވެގެންތޯ ބަލަން އެބަޖެހޭ. އިންޑިޔާއަކީ އެންމެ ކައިރީގައި އޮންނަ ގައުމުކަމަށް އަބަދުވެސް ބަލަންޖެހޭ. ހުރިހާ ސަރުކާރުތަކުންވެސް މިކަމަށް ބަލަން އެބަޖެހޭ. އިންޑިއާއި އޮތް ގުޅުން ކެނޑެމުންދަނީ އެމީހަކު ޖީބަށް ލެވޭ ވަރު ގިނަ ކުރަން މަސައްކަތް ކުރާތީ ކަމަށް ޤަބޫލުކުރެވޭ.
އާއިލާތަކުން މިދަނީ އިންސާފް ހޯދުމަށް މަސައްކަތް ކުރަމުން. އެހެން ނަމަވެސް ފުލުހުން ކުރަމުންދާ އެއްވެސް ތަހްޤީގެއްގެ ފުރިހަމަ މައުލުމާތެއް ނުލިބޭ. މިދަނީ ބާރުތައް ނަގަމުން. ޕީޕީއެމްގެ މެމްބަރުން ދަނީ އިދިކޮޅު ފަރާތްތަކާއި ގުޅެމުން. މިދަނީ ރަނގަޅު މަގަށް.
މިނިވަން މުއައްސަސާތަކުގައި ތިބެން ޖެހޭނީ ވަކި ފަރާތަކަށް ނުޖެހޭ ބޭފުޅުން. ވަކި ޕާޓީއަކަށް ނިސްބަތްނުވާ މީހުން. ފުލުހުން ބޭނުންވަނީ ސަރުކާރު ހިމާޔަތް ކުރަން. ރައީސް ޔާމީން ވިދާޅުވާ ކޮންމެ ކަމެއް ފުލުހުން ކުރާކަށް ނުޖެހޭ. ފުލުހުންގެ މުއައްސަސާގައި މިއޮތީ ވަރަށް ބޮޑަށް ސިޔާސީ ކުލަ ޖެހިފައި. ސެކްޝަންތަކުން މުއައްޒަފުން ބަދަލުކުރަމުންދާ މަންޒަރު އެބަފެނޭ. އެތަނުގެ މަސައްކަތް ހިނގަންޖެހޭ ވަރަށް ނުދެވި މިދަނީ ސިޔާސި ކުލަވަރާއި ހެދި. ފުލުހުންގެ މުއްދަތު ޖަހަން ގެންދާ ބައެއް މީހުންނަށް ވަކި ގޮތެއް މިވަނީ.
ރައީސް ޔާމިން ބޭނުންފުޅުވާ ގޮތަށް ކަންތައް ކުރަމުންދާ ބައެއް އެބައުޅޭ. މިސަރުކާރެއް ދެމިއެއް ނޯންނާނެ. މިނިވަން މުއައްސަސާތައް މުސްތަގިއްލު ކަމާއި މެދު ޝައްކު. އެކަން ނުކުރާ ފަރާތްތަކާއި މެދު ކޮންމެވެސް ދުވަހަކުން ފިޔަވަޅު އެޅޭނެ. އަދީބް މިއަދު ދޫނިދީގައި ބަހައްޓާފައި ހުރީ ޤާނޫނާއި ޙިލާފަށް. މިކަމަށް ޒިންމާވާންޖެހޭނެ ފަރާތްތަކެއް ތިބެން އެބަޖެހޭ.