ފަލަސުރުހީ

އަޅުގަނޑު ގަބޫލެއް ނުކުރަން ތަރައްޤީއަކީ ކޮންކްރިޓް ތަރައްޤީކަމަކަށް. ރައީސް ނަޝީދު ވިދާޅުވިގޮތަށް ތަރައްޤީއަކީ އިންސާނާއަށް އަންނަ ތަރައްޤީއެއް. މިއީ އަޅުގަނޑު ގަބޫލުކުރާ ބާވަތެއްގެ ތަރައްޤީއެއް ނޫން. ރައްޔިތުން ބޭނުންވާނީ ކާޑުގެ ބާވަތްތައް ހެޔޮ އަގުގައި ލިބުމަށް. ކަރަންޓުގެ އަގު ހެޔޮވުމަށް. ނަމަވެސް އެއިން އެއްވެސް ކަމެއް ނުވާއިރު. ރައްޔިތުން ބޭނުމެއް ނުވޭ މި ތަރައްޤީއެއް.

ކޮރަޕްޝަންގެ ވާހަކަ ނުދެއްކީ އަމިއްލައަށް އޮރިޔާންވާނެތީ. ރިޔާސީ ބަޔާނުގައި ނެތް ސަރުކާރުން ވިއްކަމުންދާ ރަށްރަށުގެ ވާހަކައެއް. ކޮރަޕްޝަންގެ ވާހަކަ ނުދެއްކީ އެކަށީގެންވާ މިންވަރަށް އެ ބޭފުޅުން ކޮރަޕްޝަންގައި ޝާމިލްވާތީ.

އަމިއްލަ ވިޔަފަރިތަކަށް ސޮވެރިން ގެރެންޓީ ދިނުމަށް ވިސްނުމަކީވެސް ސަރުކާރުގެ ހީލަތްތެރިކަން ހާމަވެގެންދާ ކަމެއް. އާބިޓްރޭޝަންގައި މައްސަލަ އޮތް ބައެއް ފަރާތްތައްވެސް ސަރުކާރުން އެބަ މަސައްކަތް ކުރޭ. ރާއްޖޭގެ ސަރުކަރުން ފޭކް ކުންފުންޏަށް 300 މިލިއަން ޑޮލަރުގެ ސޮވެރިން ގެރެންޓީއެއް ދިނީ. އިންޑިއާގެ ސަރުކާރުންވެސް އެވަރުގެ ގެރެންޓީއެއް ދިނުމަށް ޖެހެލިން ވާނެ. ރާއްޖޭގައި ނެގޭ އެންމެ ބޮޑު ޓެކްސްއަކީ ކޮރަޕްޝަން.

ލޯނު ނެގުމުގެ ސަބަބުން ދަރަނި އިތުރުވަމުން އެބަދޭ. މިއީ ހަމައެކަނި އަޅުގަނޑުމެން ދައްކާ ވާހަކައެއް ނޫން. އައިއެމްއެފްއިން ދާދިފަހުން އާންމުކުރި ރިޕޯޓެއްގައިވެސް އެކަން ކަންބޮޑުވާކަމެއްގެ ގޮތުގައި ފާހަގަކޮށްފައިވޭ. މިހާރު އަޅުގަނޑުމެންނަށް މި ފެންނަނީ މެޓާ ބަހާ އުސޫލުން ސޮވެރިންގ ގެރެންޓީތައް ބަހަމުންގެންދާ މަންޒަރު. އަޅުގަނޑުމެންނަށް ދާދިފަހުން އެކަމާއި ދެކޮޅަށް ފިނޭންސް މިނިސްޓްރީގެ މުވައްޒިފުން މަސައްކަތްކުރި މަންޒަރު ފެނުނު. އަޅުގަނޑު އެ މުވައްޒިފުންގެ އެ މަސައްކަތަށް ސާބަސްދެން. އެފަދަ ކަންކަމަށް ފުރުސަތުދީގެން ނުވާނެ

ކޮންމެ ޕްރޮޖެކްޓަކީ ނާޖާއިޖް ފައިދާތަކެއް ހޯދުމަށްޓަކައި ކުރަމުންގެންދާ ކަންތައްތަކެއް ކަމަށް އަޅުގަނޑު ގަބޫލުކުރަނީ. އަޅުގަނޑުމެންނަށް މި ފެންނަނީ ރައްޔިތުން ނިކަމެތި ކުރަމުންގެންދާ މަންޒަރު. ރައީސް ނަޝީދު ވިދާޅުވިގޮތަށް ގްރޭޑް ދިހައެއްގައި ކިޔަވާފައި ނިކުމެ މި ފެންނަނީ ރާއްޖޭގެ އިޤްތިސާދު ހަލާކުކުރާ މަންޒަރު. އަޅުގަނޑުމެން ޤައުމުގެ ދަރަނި އިންތިހާއަސް އިތުރުވެއްޖެ. ހަރަދުތައް އިންތިހާއަށް ބޮޑުވެއްޖެ. ދަރަނި ނަގަމުންދަނީ ލިބޭ އާމްދަނީއަކަށް ބަލައިގެނެއް ނޫން: ނާޒިމް

އައިހެވަން އަކީ ވާން އޮތްކަމެއް ކަމަށް އަޅުގަނޑެއް ނުދެކެން. ކުޅުދުއްފުށީގައި ހޮސްޕިޓަލެއް އަޅާ ވާހަކައިގެ އިތުރުން، އެ ރަށުގައި އެއާޕޯޓް އަޅާނެ ވާހަކައަކީ މާކުރިންވެސް ރައީސް ޔާމީންވެވަޑައިގެންނެވި ވައުދެއް. ނަމަވެސް އެ ވައުދެއް އަދިވެސް ނުފުއްދޭ. އެހެންކަމުން ހޮސްޕިޓަލްވެސް އެޅިދާނެ ކަމަށް ގަބޫލެއް ނުކުރެވޭ: މެމްބަރު ނާޒިމް

އަޅުގަނޑުމެންގެ ޤައުމުގައި ސިޔާދަތުގެ ދަރަނި އިއުލާން ކުރާ ހިސާބަށް ކަންތައްތައް ހިނަގއިދާނެ. ދުނިޔޭގެ ބޮޑެތި ޖަމިއްޔާތަކުންވެސް އެގޮތަށް ފާހަގަކުރައްވަމުން އެބަގެންދަވާ. އެހެންވީމަ އަޅުގަނޑުމެންގެ އިޤްތިސާދު އޮތް ހާލަތު އެ އެނގިގެންދަނީ. ވަރަށް ނާޒިކު ހާލަތެއްގައި އޮތީ. ރައީސް އަބްދުﷲ ޔާމީން އެ ފާހަގަކުރައްވާގޮތަށް ވަޒީފާތައްވެސް އުފެއްދިފައެއް ނުވޭ. އިޤްތިސާދީގޮތުން އެއްވެސް ކުރިއެރުމެއް ނުލިބޭ: އަމީރު

ރައީސް ޔާމީން ރިޔާސީ ބަޔާނުގައި ފާހަގަކުރައްވާފައިވޭ ގިނަ ވިޔަފާރީތައް އަންނަ ވާހަކަ. އެއި ހަޤީޤަތެއް ނޫން. ފޮރިންގ ޑައިރެކްޓް އިންވެސްޓްމެންޓްގެ ގޮތުގައި ރާއްޖެއަށް 200 މިލިއަން ޑޮލަރުގެ އިންވެސްޓްމެންޓްވެސް އަންނާނެ ކަމަށް އަޅުގަނޑު ގަބޫލެއް ނުކުރަން. ރައީސް ޔާމީން އެ ވިދާޅުވިގޮތަކަށް ކަންތައްތަކެއް ނުހިނގާނެ. މިސާލަކަށް ބްރިޖް ހަދަނީ ލޯން ނަގައިގެން. އެއީ ފޮރިން ޑައިރެކްޓް އިންވެސްޓްމެންޓެއް ނޫން. ނިމުނު 3 އަހަރުގައިވެސް އިންވެސްޓްމެންޓެއް އައިސްފައެއް ނުވޭ: އަމީރު

އައްދޫ ސިޓީގައިވެސް އަދި އެހެން ރަށްރަށުގައިވެސް އެޅި ނިމިފައި އެ ހުރީ ރައީސް މުހައްމަދު ނަޝީދުގެ ސަރުކާރުގައި އަޅަން ފެށި ފްލެޓްތައް. މި ސަރުކާރުން އަލަށް ފަށައިގެން އަޅަން ފެށި އެއްވެސް ފްލެޓެއް ފެންނާކަށް ނޯންނާނެ. އެމްޑީޕީގެ ސަރުކާރުގެ އެންމެ އިސް ވައުދަކަށްވީ، ރައްޔިތުންނަށް އަގު ހެޔޮގޮތުގައި ބޯހިޔާވެހިކަން ފޯރުކޮށްދިނުމަށް. ނަމަވެސް މިއަދު އެކަންތައްތައް އެގޮތަށްކުރަމުންދާތަނެއްވެސް ނުފެނޭ. އަޅުގަނޑުމެންނަށް މިއަދު ފެންނަނީ ފްލެޓްތައް ވިއްކައިގެން ސަރުކަރުން ފައިދާތަކެއް ނެގުމަށް މަސައްކަތްކުރަމުންގެންދާ މަންޒަރު: އަމީރު

ރައީސް އަބްދުﷲ ޔާމީން ވެރިކަމަށް ވަޑައިގެން އެއްވެސް ވައުދެއް ނުފުއްދާ. އެމަނިކުފާނު ދައްކަވާ ވާހަކަފުޅުތަކަކީ ރައްޔިތުންނަށް ހެވާއި ލާބަޔަށް ދައްކަވާ ވާހަކަފުޅުތަކެއް ނޫން. ރައްޔިތުން މިއަދު ތިބީ ހަލާކުވެދާ ފަދަ ހާލަތެއްގައި. ރައްޔިތުން މިއަދު ގަބޫލެއް ނުކުރޭ ރައީސް ޔާމީން އެ ދައްކަވާ ވާހަކަފުޅުތަކެއް: ނާޒިމް

ރާއްޖެޓީވީގެ މިރޭގެ ފަލަސުރުހީ ޕްރޮގްރާމްގައި ބައިވެރިވެވަޑައިގަންނަވަނީ ރައްޔިތުންގެ މަޖިލީހުގެ މެމްބަރު މުހައްމަދު ނާޒިމާއި، އެމްޑީޕީގެ އިޤްތިސާދީ ކޮމޭޓީގެ ނައިބް މުޤައްރިރު އިބްރާހިމް އަމީރެވެ.