''މަލަންގް'' ނެޓްފިލިކްސް އަށް
އާއްމުންގެ ބޮޑު ތަރުހީބެއް ވަނީ ފިލްމަށް ލިބިގެން ގޮސްފައި
މަލަންގް ގެ ޕޯސްޓަރު
މި އަހަރުގެ ފެބްރުއަރީ މަހު ނެރުނު ހިންދީ ފިލްމު ''މަލަންގް'' ނެޓްފްލިކްސް އިން ސްޓްރީމް ކުރަން ފަށައިފި އެވެ.
ފިލްމު ނެޓްފްލިކްސް ގައި ސްޓްރީމް ކުރަން ފެށި ހަބަރު ފޭނުންނަށް ހިއްސާ ކުރީ އެ ފިލްމުގެ ބަތަލާ ދީޝާ ޕަޓާނީ އެވެ. ކާމިޔާބު ފިލްމުތައް އުފައްދާފައިވާ މޯހިތު ޑައިރެކްޓް ކޮށްފައިވާ ރޮމޭންޓިކް ސައިކޮލޮޖިކަލް ތްރިލަރ ފިލްމު ''މަލަންގް'' ގެ ލީޑު ރޯލުން ފެނިގެން ދަނީ ދީޝާގެ އިތުރުން އަދިތުޔަ ރޯއި ކަޕޫރް އެވެ.
އިންޑިއާގެ ގޯއާގެ އިތުރުން މޮރީޝަސް ގައި މަންޒަަރުތައް ނަގާފައިވާ މި ފިލްމު ވަނީ 84 ކްރޯޑް ރުޕީސްގެ އާމްދަނީއެއް ހޯދާ ފައެވެ. މި ފިލްމަށް އާއްމުންގެ ވަރަށް ބޮޑު ތަރުހީބެއް ލިބިގެން ދިޔައެވެ. އަދި ކްރިޓިކްސްގެ ވެސް ވަރަށް ބޮޑު ތަރުހީބެއް ފިލްމުން ވަނީ ހޯދާފައެވެ.
