ސިއްހަތު
ރޯދަ އާއި ސިއްހަތު
ނަމާދު: ފުރިހަމަ ކަސްރަތެއް
ނަމާދު ކުރުމަކީ ސިކުނޑީގެ ބަލިތަކަށާއި ހިތުގެ ބަލިތަކަށް ވެސް އޮތް އެންމެ ރަނގަޅު ޝިފާއެވެ.
ރިފްޤާ އަބްދުލް ވައްހާބް, ރާއްޖެ އެމްވީ | 7 ޖޫން 2018 | ބުރާސްފަތި 06:48
ބަޔަކު މިސްކިތެއްގައި ނަމާދުކުރަނީ
އިސްލާމް ދީނުގެ ފަސް ރުކުނުގެ ތެރެއިން ނަމާދަކީ ދެ ވަނަ ރުކުނެވެ. ނަމާދުގެ ސަބަބުން އިންސާނާއަށް ޖިސްމާނީ ގޮތުންނާއި ރޫހީ ގޮތުން ލިއްބައިދޭ ގިނަ ގުނަ ފައިދާތަކެއްވެ އެވެ.
- ފަރުޟު ފަސް ނަމާދު ބަރާބަރަށް ކުރާ ކަމުގައި ވަނީނަމަ ހަށިގަނޑުގައިވާ ބޭކާރު ކެލޮރީސް ތައް ވިރުވައިދެއެވެ. މިއީ ބަރުދަން ލުއި ކުރަން ބޭނުންވާ މީހުންނަސް އޮތް އެންމެ ފަސޭހަ ކަސްރަތެވެ.
- ޤަވާއިދުން ނަމާދު ކުރާނަމަ މީހާގެ ހަށިގަނޑުގެ ބައްޓަން ރީތި ވެގެންދެއެވެ.
- ނަމާދު ކުރުމަކީ ސިކުނޑީގެ ބަލިތަކަށާއި ހިތުގެ ބަލިތަކަށް ވެސް އޮތް އެންމެ ރަނގަޅު ޝިފާއެވެ.
- ހަމައެއާއެކު، ހަށިގަނޑުގައި ލޭ ދައުރުވުން ފަސޭހަކޮށްދީ، ފައިގެ މަސްތައް ވަރުގަދަކޮށްދޭ ކަމެއްވެސް މެއެވެ.
- ރުކޫޢު އަކީ ބުރަކަށީ ގައި ރިއްސުން ފަދަ ބަލިތަކުން ދުރުކޮށްދޭ ހަރަކާތެކެވެ. އަދި ރުކޫޢު ގައި އޮތުމަކީ ކިޑްނީ އަށް ވެސް ލިބޭ ކުޑަ މަސާޖެކެވެ. އޭގެ ސަބަބުން ކިޑްނިއަށް ޖެހޭ ބަލިތަކުން މީހާ ސަލާމަތް ކޮށްދެއެވެ.
- ސަޖިދައިގައި އޮތުމަކީ އޭގެ ސަބަބުން ސިކުނޑިއަށް އެކިގޮތް ގޮތުން ފައިދާ ކުރާ ކަމެކެވެ. ސަޖިދަ ކުރުމުގެ ސަބަބުން ސިކުނޑިގައި ލޭހިނގުން ފަސޭހަކޮށްދެއެވެ.
