އިބޫގެ މައްސަލަ ފައިލްކޮށްފި

އިދިކޮޅު މައި ޕާޓީ އެމްޑީޕީގެ ޕާލަމެންޓްރީ ގްރޫޕްގެ ލީޑަރު ހިންނަވަރު ދާއިރާގެ މެމްބަރު އިބްރާހިމް މުޙައްމަދު ސޯލިޙް (އިބޫ) ގެ މައްޗަށް ދައުވާ ނުކުރަން ނިންމައި މައްސަލަ ފައިލް ކޮށްފިއެވެ.

ފެބްރުއަރީ މަހުގެ 16 ވަނަ ދުވަހުގެ ރޭ މާލޭގައި ބޭއްވި 'ހުއްޓުވާ' އިހްތިޖާޖުގެ ތެރެއިން އިބޫ ހައްޔަރު ކޮށްފައި ވަނީ ކުއްލި ނުރައްކަލުގެ ހާލަތުގެ ދަށުންނެވެ. އޭގެ ފަހުން އިބޫގެ ބަންދާ މެދު ގޮތެއް ނިންމުމަށް މާރްޗް މަހުގެ 19 ވަނަ ދުވަހު ކްރިމިނަލް ކޯޓަށް ހާޒިރު ކުރުމުން ކޯޓުން ވަނީ އިބޫގެ ބަންދަށް 09 ދުވަސް ޖަހާފަ އެވެ. ފުލުހުން ވަނީ އިބޫގެ ބަންދުގެ މުއްދަތު އިތުރު ކުރުމަށް ކޯޓަށް ހާޒިރު ކުރުމުގެ ބަދަލުގައި ދޫކޮށްލާފަ އެވެ.

މި މައްސަލަ ތަހްގީގު ކުރުމަށް ފަހު އިބޫގެ މައްޗަށް ދައުވާ ކުރުމަށް ޕްރޮސިކިއުޓާ ޖެނެރަލް އޮފީހަށް ފޮނުވިއެވެ. އެހެންމަވެސް ޕީޖީ އޮފީހުން ވަނީ ދައުވާ ނުކުރުމަށް ނިންމާފައެވެ.

މި މައްސަލައާއި ގުޅިގެން ބައެއް މީޑިއާތަކަށް މައުލޫމާތު ދެމުން ފުލުހުން ބުނީ އިބޫގެ މައްސަލަ ފައިލްކުރީ ޕްރޮސިކިއުޓަ ޖެނެރަލްގެ އޮފީހުން ދައުވާ ނުކުރަން ނިންމުމުން ކަމަށެވެ.