"ކިކް" ސީރީޒްގެ ދެވަނަ ފިލްމު "ކިކް 2" ގައި ސަލްމާން ޚާން އާއި އެކު ފެންނާނީ ދީޕިކާ ޕަދުކޯން ކަމަށް ޚަބަރުތައް ބުނެފިއެވެ.
"ކިކް" ގެ ފުރަތަމަ ފިލްމުން ފެނިގެން ދަނީ ޖެކުއަލިން އާއި ސަލްމާން ޚާންއެވެ. އެހެން ނަމަވެސް ޚަބަރުތައް ބުނާގޮތުގައި "ކިކް 2" ގައި ޖެކުއަލިން ނުފެންނާނެއެވެ.
ޚަބަރުތައް ބުނާގޮތުގައި ސަލްމާނާއި ދީޕިކާ "ކިކް 2" ގެ ޝޫޓިން ފަށާނީ މިއަހަރުގެ ފަހުކޮޅެވެ. ދެ ތަރިންވެސް މިހާރު ދަނީ އެހެން ފިލްމުގެ މަސައްކަތް ކުރަމުންނެވެ.
އެގޮތުން ސަލްމާންޚާން ދަނީ "ޓައިގާ ޒިންދާހޭ" ގެ މަސައްކަތް ކުރަމުންނެވެ. އަދި ދީޕިކާ ދަނީ "ޕަދްމަވަތީ" ގެ މަސައްކަތް ކުރަމުންނެވެ.
ދީޕިކާއާއި ސަލްމާން އެކީގައި ފިލްމަކުން އަދި މިހާތަނަށް ފެނިފައެއް ނުވެއެވެ. އެހެންކަމުން އެދެމީހުންގެ ފޭނުން ތިބީ "ކިކް 2" ނެރޭނެ ދުވަހަކަށް އިންތިޒާރުގައެވެ.
