ރ ފުއްގިރި ކުއްޔަށް ދޫކުރުމުގެ މުއާމަލާތުގެ ތެރެއިން, މަގާމުގެ ނުފޫޒު ބޭނުންކޮށް, ރިޝްވަތު ނެގި މައްސަލައިގައި ކުރީގެ ރައީސް އަބްދުﷲ ޔާމީނާއި، ކްރިކް ރިޒާގެ އިތުރުން 2 ކުންފުންޏެއްގެ މައްޗަށް އުފުލާފައިވާ ދައުވާގެ އަޑުއެހުން އަނެއްކާވެސް ކެންސަލްވެއްޖެއެވެ.

މި މައްސަލައިގައި އީދު ބަންދުގެ ކުރިންވެސް އަޑުއެހުންތަކެއް ތާވަލު ކޮށް ކެންސަލް ކޮށްފައިއެވެ. އެ އަޑުއެހުންތައް ކެންސަލް ކުރީ ދައުވާލިބޭ ކްރިކް ރިޒާ ބަލިވެ އުޅޭކަމަށް ކޯޓަށް އެންގުމާއި ގުޅިގެންނެވެ.

އީދު ބަންދަށް ފަހު ހޯމަ ދުވަހުވެސް އަޑުއެހުމެއް ތާވަލުކުރިއެވެ. ނަމަވެސް ކްރިކް ރިޒާ ބަލިވެ އުޅޭކަމަށް ކޯޓަށް އަންގާފައިވާތީ އެ އަޑުއެހުންވެސް ކެންސަލްކުރީއެވެ.

އެއަށްފަހު އަންގާރަ ދުވަހުގެ 09:00 އަށް އަޑުއެހުމެއް ތާވަލުކުރިއެވެ. ނަމަވެސް މި އަޑުއެހުމަށް ކްރިކް ރިޒާ ހާޒިރުވެފައެއް ނުވެއެވެ. އަދި އޭނާ ހާޒިރުނުވި ވަކި ސަބަބެއްވެސް ކޯޓަށް އަންގާފައެއް ނުވެއެވެ.

މިއީ މި މައްސަލައިގެ އަޑުއެހުން މިފަހުން ކެންސަލްވި 4 ވަނަ ފަހަރެވެ.

މި މައްސަލައިގައި މިހާރު ކުރިއަށްދަނީ ދައުލަތުގެ ހެކިންގެ ހެކިބަސް ނެގުމެވެ.

ކްރިމިނަލް ކޯޓުގައި މި މައްސަލަ ބައްލަވަނީ ގާޒީ އަލީ ނަދީމެވެ.