26 އޭޕުރިލް 2019 | ހުކުރު | 05 ބުރުނު
19 ޝަޢުބާން 1440
ފަތިސް 04:42
އިރުއަރާ 05:55
މެންދުރު 12:08
އަސްރު 15:21
މަޣްރިބް 18:13
ޢިޝާ 19:27

ކްރެޑިޓް ގެރެންޓީ ސްކީމު

އެމްއެމްއޭގެ ކްރެޑިޓް ގެރެންޓީ ސްކީމުގައި އިތުރު ބޭންކެއް ބައިވެރިވެއްޖެ

  • މި ސްކީމުގައި ރާއްޖޭގައި ހިދުމަތްދޭ ހުރިހާ ބޭންކް އަކުން ބައިވެރިވެއްޖެ
ފާތިމަތު ޝަނާ މުހައްމަދު | FathimathShana

| 22 އޭޕުރިލް 2017 | ހޮނިހިރު 18:45 | |

މަގުބޫލް

  1. ލަންކާގެ ބޮމުގެ ހަމަލާތައް: ހަށިގޮއްވާލި ދެބެއިންގެ ބައްޕަ ހައްޔަރަށް
  2. ސްރީލަންކާ ބޮމުގެ ހަމަލާ: އެންމެ ފަސް
  3. މި ހާލަތުގައި ރަނގަޅީ މޫނު ބުރުގާ ނޭޅުން: ލަންކާގެ ޖަމިއްޔަތުލް އުލަމާ
  4. ކުޑަކުއްޖެއްގެ އާދޭސް ދުނިޔޭގެ ލީޑަރުންނަށް!
  5. ކުރީގެ އުއްތަމަ ފަނޑިޔާރު މުހައްމަދު ރަޝީދަށް އިނާޔަތް ދޭން ބިލެއް ހުށަހަޅައިފި
  6. ހަމަލާދިން ނުވަ މީހުންގެ ތެރެއިން އަށް މީހުން ދެނެގަނެވިއްޖެ: ލަންކާ ފުލުހުން
  7. ލަންކާއަށް ދިން ޓެރަރިސްޓް ހަމަލާގައި ސަރުކާރުގެ ބޮޑު އިހުމާލެއް!
  8. ކެންޑިޑޭޓުން މާލީ ބަޔާން ހުށަނާޅައިފިނަމަ ދެ އަހަރު ދުވަހުގެ ޖަލު ހުކުމެއް އައިސްދާނެ


ކްރެޑިޓް ގެރެންޓީ ސްކީމުގެ އެގްރީމެންޓުގައި ސޮއި ކުރަނީ -- އެމްއެމްއޭ

މޯލްޑިވްސް މޮނިޓަރީ އޮތޯރިޓީ (އެމްއެމްއޭ) އިން ތައާރަފްކޮށްފައިވާ ކްރެޑިޓް ގެރެންޓީ ސްކީމުގައި އިތުރު ބޭންކެއް ބައިވެރިވެއްޖެ އެވެ.

ކްރެޑިޓް ގެރެންޓީ ސްކީމުގައި ބައިވެރިވެފައިވަނީ ކޮމާޝަލް ބޭންކް އޮފް މޯލްޑިވްސް އެވެ.

މި ބޭންކާއި އެކު ރާއްޖޭގައި ހިންގާ ގިނަ ބޭންކް އަކުން މި ސްކީމުގައި ބައިވެރިވެވިފައިވާ ކަމަށް އެމްއެމްއޭ އިން ބުނެ އެވެ.

އެގޮތުން ބައިވެރިވި ބޭންކްތަކުގެ ތެރޭގައި ބޭންކް އޮފް މޯލްޑިވްސް އާއި މޯލްޑިވްސް އިސްލާމިކް ބޭންކް އާއި ބޭންކް އޮފް އިންޑިޔާ އާއި ހަބީބު ބޭންކް ލިމިޓެޑާއި ބޭންކް އެފް ސިލޯނުގެ އިތުރުން މޮރިޝަސް ކޮމާޝަލް ބޭންކް ހިމެނެ އެވެ.

ކްރެޑިޓް ގެރެންޓީ ސްކީމަކީ ކުދި އަދި މެދު ފަންތީގެ ވިޔަފާރިތަކަށް ބޭނުންވާ ފައިނޭންސް ފަސޭހައިން ހޯދޭނެ ގޮތްތަކެއް މަގުފަހި ކުރުމުގެ މަގްސަދުގައި މިދިޔަ އަހަރުގެ އޮގަސްޓް މަހުގައި އެމްއެމްއޭ އިން ތައާރަފްކޮށްފައިވާ ސްކީމެކެވެ.

މި ސްކީމަކީ ބޭންކުތައް މެދުވެރިކޮށް ލޯނަށް ހުށަހެޅުމުގެ އިންތިޒާމު ހަމަޖެހިފައިވާ ސްކީމެކެވެ.

އެމްއެމްއޭގެ މި ސްކީމުގައި ގިނަ ބޭންކުތައް ބައިވެރިވުމުން ކުދި އަދި މެދު ފަންތީގެ ވިޔަފާރިތަކަށް ފައިނޭންސް ހޯދުމަށް ފަސޭހަވެގެންދާނެ ކަމަށް އެމްއެމްއޭ އިން ބުނެ އެވެ.

މި ސްކީމުގައި ބައިވެރިވާ ކުންފުނިތަކަށް ރަހުނުގެ ގޮތުގައި މުދާ ބެހެއްޓުމަކާނުލާ އެއް ލައްކަ އިން ފެށިގެން އެއް މިލިއަން ރުފިޔާގެ އަދަދެއް ލޯނުގެ ގޮތުގައި ނެގޭނެ އެވެ.

މިފަދަ ވިޔަފާރިތަކަށް އެމްއެމްއޭ އިން ގެރެންޓީ ދިނުމުގައި ގިނަ ކަންތައްތަކެއް ބެލުމަށް ވަނީ ހަމަޖެހިފަ އެވެ.

މި ސްކީމުގެ ތެރެއިން އާއްމުކޮށް ބޭންކުތަކުން ނަގާ އިންޓްރެސްޓް ރޭޓަށް ވުރެ ކުޑަ އިންޓްރެސްޓެއްގައި ލޯނު ލިބޭ އިރު، ލޯނު ނަގަން ބޭނުންވާ ފަރާތަކީ އެއްލައްކަ އަށް ވުރެ ބޮޑު އަދަދެއްގެ ލޯނެއް ކުރިން ނަގާފައިވާ، އޭގެ ފައިސާ އަނބުރާ ދައްކަމުންދާ ފަރާތަކަށް ވެގެން ނުވާނެ އެވެ.

މީގެ އިތުރުން ލޯނަށް އެދި ހުށަހަޅާ ކުންފުންޏަކީ އިމްޕޯޓް މުދާ ވިއްކާ ފަރާތެއް ނަމަ އެތެރެކުރާ ތަކެތި ވާންޖެހޭނީ ތިމާވެއްޓަށް ގެއްލުން ނުވާ، އާއްމު ރައްޔިތުންނަށް އޭގެއިން ފައިދާތަކެއް ލިބޭ ތަކެތި ވިއްކާ ކުންފުންޏަކަށް ވާންޖެހެ އެވެ.

އަދި ރައްޔިތުންގެ އުފެއްދުންތެރިކަން އިތުރުވެ ވަޒީފާގެ ފުރުސަތު ފަހިވެގެންދާ ފަދަ ވިޔަފާރިތަކަށް އިސްކަންދެވޭނެ ކަމަށް އެމްއެމްއޭ އިން ބުނެ އެވެ.

 

 

އެންމެ ފަހުން އަޕްޑޭޓް ކުރީ: 2 އަހަރު ކުރިން | ރިވިއު ކުރީ: އަޒުމޫން އަހުމަދު

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.


އެންމެ ފަހުގެ


މި ލިޔުން ކިޔާލުމުން


އަންތަރީސް ވެއްޖެ

އުފާ ވެއްޖެ

ދެރަ ވެއްޖެ

ރުޅި ގަދަ ވެއްޖެ

މޮޔަވެއްޖެ

ދެން އަތްޖަހާ


ކޮމެންޓް