16 ނޮވެންބަރު 2018 | ހުކުރު | 04 ނޮރަ
08 ރަބީޢުލްއައްވަލް 1440
އިޝާ 19:05
މަޣްރިބް 17:51
އަސްރު 15:14
މެންދުރު 11:55
އިރުއަރާ 05:51
ފަތިސް 04:36

ކާޑު

މިއަޑާއެކު އެ އަޑު ކެނޑިއްޖެއެވެ

  • އެމްއެމްޕީއާރުސީގެ ހިޔާނާތުުގެ ވާހަކަ ކޮބާ؟
  • ކާޑު ސަބްސިޑީ ކަނޑާލިކަން ހަނދާން އެބަހުރިތަ؟
  • ރައްޔިތުން ތިބީ މޮޅުވާނެ ބައެއްގެ އިންތިޒާރުގައި
ސަހުބާން ފަހުމީ | sahubaan

| 16 އޭޕުރިލް 2017 | އާދީއްތަ 08:42 | |

މަގުބޫލް

  1. ބޮޑު ޖަރީމާއެެއް! ރައީސްގެ ރަސްމީ ކާރުކޮޅު މުސްތަފާގެ ނަމަށް ރަޖިސްޓްރީކޮށްފި
  2. ޖޫރިމަނާ ފާއިސާ އަނބުރާ ލިބިއްޖެ ނަމަ ހަދިޔާކުރާނީ ހާއްސަ އެހީއަށް ބޭނުންވާ ފަރާތްތަކަށް: ރާއްޖެޓީވީ
  3. އަދީބުގެ ކިޑްނީގައި އުފެދުނު ހިލަ ފެންނަ އެކްސްރޭ އާންމުކޮށްފި
  4. އެނބުރި އަންނާނެ ކަމަށް އެމްޑީޕީއިން ވީ ވައުދު ހަގީގަތަކަށް
  5. އިންތިޚާބީ ރައީސްގެ އޮފީހަށް ދައުވަތު ކާޑު ލިބުނީ އެއްބަސްވެފައިވާ ވަރަށް ވުރެ މަދުން
  6. ޤާސިމްގެ އެޑްވައިޒަރުގެ މަޤާމުން އަބްދުﷲ ރިޔާޒް އިސްތިއުފާ ދެއްވައިފި
  7. ހުވާކުރުމުގެ ރަސްމިއްޔާތު ރައީސް ޔާމީން ބޮއިކޮޓް ކުރައްވައިފި
  8. މަނީ ލޯންޑްރިންގގެ މައްސަލައިގެ ތަހްގީގާ ގުޅޭ ގޮތުން ވަކި އެއްޗެއް ހާމަކުރެވޭކަށް ނެތް: ފުލުހުންގެ އިދާރާ


ކުރީގެ ރައީސް މައުމޫން އަބްދުލް ގައްޔޫމް -- ފޭސްބުކް

ރާއްޖޭގައި ޒަމާނުއްސުރެ ދެމުން އައި ކާޑް ސަބްސިޑީ ރައީސް ޔާމީންގެ ސަރުކާރުން ކަނޑާލުމާއި ގުޅިގެން އާއްމު ރައްޔިތުންގެ ރުޅިގަނޑު ފަޅައިގެން ދިޔައެވެ. "ކާޑު ބަލައި މާލެ ދާން" ގޮވާލިއެވެ.

 

ރާއްޖޭގެ އެކި ކަންކޮޅުތަކުގައި ރައްޔިތުން ނިކުމެ އަޑު އުފުލިއެވެ. އެކަމަކާއި ސަރުކާރުން މާބޮޑު ފަރުވާލެއް ހުރި ތަނެއް ނުފެނެއެވެ. ސަރުކާރުން ބުނިހާވެސް އެއްޗަކީ ބޭރުގެ މާލީ އެހީދޭ ޖަމާއަތްތަކުން ސަބްސިޑީ ކަނޑާލަން މަޝްވަރާ ދީފައިވާކަމަށެވެ.

 

ކާޑް ސަބްސިޑީ އާއި އެކު ރާއްޖޭގެ އެކިކަންކޮޅުތަކުގެ ރައްޔިތުންގެ ތެރޭގައި އުފެދުނު އުދާސްތައް މިއަދު މިވަނީ ފިނިވެފައެވެ. ކާޑް އަގުބޮޑުވެ، އާއްމު މުދަލުގެ އަގުބޮޑުވި ހަނދާން ދިވެހިން ނެތިއްޖެއެވެ. ދިވެހިންގެ އެވާހަކަ ދޫކޮށްލައި މިވަނީ އާ ވާހަކައެއް ފަށާފައެވެ. ކާޑް އަގު ބޮޑުވެގެން މަގު މައްޗަށް ނިކުތް ރައްޔިތުން މިއަދު ހުއްޓިލައިގެން ތިބީ މުޅިން އެހެންތަނެއްގައެވެ. ދައްކަނީ މުޅިން ތަފާތު ވާހަކައެކެވެ.

ރައީސް އަބްދުﷲ ޔާމީން ގެ ފެޝަނާއި، ޕީޕީއެމްގެ ރައީސް މައުމޫން އަބްދުލް ގައްޔޫމްގެ ފެކްޝަނުގެ އަރާރުމާއި ކޯޅުމުގެ އަވާގައި ދިވެހިން ރަނގަޅަށް ވެސް ޖެހިއްޖެއެވެ. މި ކޯޅުމާއި ގުޅިގެން އިދިކޮޅު އާ އިއްޔިހާދެއް އުފެދިއްޖެއެވެ. އާ ކަންތައްތަތަކެއް ވަނީ ފެށިފައެވެ. ދުވަހަކުވެސް ވެދާނެހެން ހޯނުވި ކަންތައްތައް ދަނީ ވަމުންނެވެ. އެންމެންގެ ސުވާލަކީ ދެންވާނީ ކިހިނެއް ހެއްޔެވެ؟

މޮޅުވާނީ ރައީސް ޔާމީންގެ ފެކްޝަންތޯ ނުވަތަ ރައީސް މައުމޫންގެ ފެކްޝަން ތޯއެވެ. ނުވަތަ ހަތަރު ލީޑަރުންގެ އިއްތިހާދުތޯއެވެ. އެބަހުސްގައި އެންމެން ތިބި އިރު ބަނޑުހައި ނުވާ ކަހަލައެވެ.

ދިވެހިން އަބަދުވެސް ހަނދާން ހުންނާނީ އޭރަކު ހިނގަމުން އަންނަ ކަންކަމެވެ. މީގެ ކުރިން ވެފައި ހުންނަ ކަންކަން ދިވެހިން ވަރަށް ފަސޭހައިން ހަނދާން ނައްތާލައެވެ. ރާއްޖޭގެ ސިޔާސީ މަސްރަހްގައި ސިޔާސީ މީހުން ހިތު ހުރި ގޮތަކަށް ނާޖާއިޒު ފައިދާ ނަގަނީ އެހެންވެގެންނެވެ. ކިތަންމެ ބޮޑު ގޯހެއް، ވައްކަމެއް ކުރި ނަމަވެސް އެވާހަކަތައް ދިވެހިން ހަނދާން ނައްތާލައެވެ. ބައެއް ފަހަރު ވައްކަން ކުރާ މީހުން ހުދު ކަފަކޮޅަކަށްވާތަން ވެސް ފެނެއެވެ.

ކޮންމެއަކަސް ކާޑް ސަބްސިޑީ ކަނޑާލުމުގެ ރުޅިގަނޑު ރައްޔިތުންނަށް އައީ ދިވެހި ބައިތުލް މާލުން 1.2 ބިލިއަން ރުފިޔާ ގެއްލުން ކޮޅެއްގައި ނުޖެހި އޮތްވައެވެ. އެކަމަކާއި ހެދި ކަންބޮޑުވާ ރައްޔިތަކު ނެތެވެ. ރާއްޖޭގެ ބިންތައް ބޭރު ފަރާތްތަކަށް މިލްކު ކުރެވޭ ގޮތް ހެދި ހަނދާން ވެސް ދިވެހިން މިހާރަކު ނެތެވެ. އޮތީ އެންމެ ވާހަކައެކެވެ. މޮޅުވާނީ ކާކުގެ ސުވާލެވެ.

ޕީޕީއެމްގައި މިއަދު އުފެދިވައިވާ ދެ ފެކްޝަން އުފެދުމުގެ އެންމެ ބޮޑު އަސްލަކީ ކުރިން މިދެންނެވި ކަންކަމެވެ. ގައުމުގެ ހަޒާނާއިން ގެއްލުނު ފައިސާ އާއި ރާއްޖޭގެ ބިން ބޭރުގެ ފަރާތްތަކަށް މިލްކު ކުރެވޭ ގޮތް ހެދުމާއި، އަބުރުގެ ބިލުން ފެށިގެން ގޮސް ކާޑް ސަބްސިޑީ ކަނޑާލުމަކީ ރައީސް މައުމޫން ސީދާ ދެކޮޅު ކަންކަމެވެ. އެމަނިކުފާން އެއްގޮތަކަށްވެސް ރުހިވަޑައިގަންނަވާ ކަންކަމެއް ނޫނެވެ.

ގައުމުގެ ހާލަތާމެދު ރަނގަޅަށް ވިސްނަވާށެވެ. ތިބާގެ ދައުރު ތިބާ އަދާކުރައްވާށެވެ. އަމިއްލަ އެދުން، އާއިލާގެ އެދުން އިސް ނުކޮށް ގައުމު އިސްކުރާށެވެ. އަމިއްލަ ޖީބަށް ލިބޭ ފައިސާގެ ދަހިވެތިކަމުގައި ގައުމު ހަނދާން ނައްތާނުލާށެވެ.

އެންމެ ފަހުން އަޕްޑޭޓް ކުރީ: 2 އަހަރު ކުރިން | ރިވިއު ކުރީ: ހުސައިން ފިޔާޒު މޫސާ

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.


އެންމެ ފަހުގެ


މި ލިޔުން ކިޔާލުމުން


އަންތަރީސް ވެއްޖެ

އުފާ ވެއްޖެ

ދެރަ ވެއްޖެ

ރުޅި ގަދަ ވެއްޖެ

މޮޔަވެއްޖެ

ދެން އަތްޖަހާ


ކޮމެންޓް

ދިވެހިން

2 އަހަރު ކުރިން

ކީއްވެބާ އަބަދުވެސް ދިވެހިން މިހެންވާނޭ އެހެންވާނެ އޭ ކިޔަނީ؟ އިންސާނުންގެ ގޮތް އެއީ ދުނިޔޭގެ ހުރިހާ ތަނެއްގެވެސް ވާނީ ހަމަ އެހެން

1
0