18 ނޮވެންބަރު 2018 | އާދީއްތަ | 06 ނޮރަ
10 ރަބީޢުލްއައްވަލް 1440
ފަތިސް 04:37
އިރުއަރާ 05:52
މެންދުރު 11:55
އަސްރު 15:15
މަޣްރިބް 17:51
އިޝާ 19:06

އޮސްކާ އެވޯޑް 2017

ޓްރަމްޕްގެ އިމިގްރޭޝަން ގަރާރާއި ދެކޮޅަށް އިހްތިޖާޖްކުރި އިރާންގެ ފިލްމު ޑިރެކްޓަރަށް އޮސްކާ އެވޯޑް ލިބިއްޖެ

  • "ދަ ސޭލްސްމަން" އަށް އޮސްކާ ލިބިފައިވަނީ "ބެސްޓް ފޮރިން ލެންގުއޭޖް ފިލްމް" ކެޓަގަރީ އިން
  • ފަރްހާދީގެ ބަދަލުގައި އޮސްކާއާއި ހަވާލުވެފައިވަނީ އިރާނަށް ނިސްބަތްވާ އިންޖިނިއަރެއް ކަމަށްވާ އަނޫޝާ އަންސާރީ
ރުޝްދާ ރަޝީދު | rushdhar

| 27 ފެބުރުވަރީ 2017 | ހޯމަ 15:19 | |

މަގުބޫލް

  1. ރާއްޖެޓީވީގެ ބޭނުމަކީ ހިޔާލުތަފާތު ކުރުމާއި ނަފްރަތު އުފެއްދުން: ރައީސް ނަޝީދު
  2. ރައީސް ޔާމީނާއެކު ސިޔާސީ މަސައްކަތްކުރެއްވި ބޭފުޅުންނަށް މި ސަރުކާރުން ފުރުސަތު ދީގެން ނުވާނެ: ރައީސް ނަޝީދު
  3. ރައީސް ސޯލިހުގެ ކެބިނެޓަށް އަންހެން ހަތް ވަޒީރުން!
  4. ހުވާކުރުމުގެ ރަސްމިއްޔާތު ރައީސް ޔާމީން ބޮއިކޮޓް ކުރައްވައިފި
  5. އަޅުގަނޑަށް ރަނގަޅީ މެޑަމް ނުވަތަ މަހާރެހެންދި ފަދަ ނަންނަމުން މުހާތަބު ނުކުރެއްވިއްޔާ: ފަޒްނާ
  6. އެންމެ އާދައިގެ ރައްޔިތު މީހާއަށް ވެސް ދައުވަތު ލިބުނު އެންމެ މަތީ ފަންތީގެ ހަފްލާ
  7. ބޮޑު ސުވާލެއް: ޝޭޚް އިމްރާންގެ ވަޒީރުކަމުގެ ޝަރުތު ހަމަވޭތަ؟
  8. އާ ސަރުކާރުގެ ވަޒީރުން ހުވާ ކުރެއްވުން މިރޭ


އަސްގަރް ފަރްހާދީ: "ދަ ސޭލްސްމަން" އަށް ލިބުނު އޮސްކާ އަށް ހަވާޅުވުމަށް ހާޒިވުވެފައެއް ނުވޭ -- -- ގޫގުލް

އެމެރިކާގެ ރައީސް ޑޮނަލްޑް ޓްރަމްޕްގެ އިމިގްރޭޝަން ގަރާރާއި ދެކޮޅަށް އިހްތިޖާޖްކުރި އިރާންގެ ފިލްމު ޑިރެކްޓަރ އަސްގަރް ފަރްހާދީއަށް އޮސްކާ އެވޯޑް ލިބިއްޖެ އެވެ.

ފަރްހާދީ އަށް އެވޯޑް ލިބިފައިވަނީ "ބެސްޓް ފޮރިން ލެންގުއޭޖް ފިލްމް" ކެޓަގަރީ އިން އޭނާ ޑިރެކްޓް ކޮށްފައިވާ "ދަ ސޭލްސްމަން" ފިލްމަށެވެ. މިއީ، ފަރްހާދީއަށް ލިބުނު ދެވަނަ އޮސްކާ އެވެ.

ފަރްހާދީ ވަނީ ޓްރަމްޕްގެ ގަރާރާއި ދެކޮޅަށް އިހުތިޖާޖުކުރުމުގެ ގޮތުން އޮސްކާ އެވޯޑް ބޯއިކޮޓް ކޮށްފަ އެވެ.

ފަރްހާދީގެ ބަދަލުގައި އޮސްކާއާއި ހަވާލުވެފައިވަނީ އިރާނަށް ނިސްބަތްވާ އިންޖިނިއަރެއް ކަމަށްވާ އަނޫޝާ އަންސާރީ އެވެ. އަންސާރީ ވަނީ ފަރްހާދީގެ ބަޔާނެއް އިއްވާފަ އެވެ.

ފަރްހާދީގެ ބަޔާނުގައި ބުނެފައިވަނީ އޭނާ އޮސްކާއަށް ހާޒިރުނުވީ އޭނާގެ ގައުމުގެ ރައްޔިތުންނަށް އިހްތިރާމްކުރުމުގެ ގޮތުން ކަމަށެވެ. އަދި، ޓްރަމްޕްގެ ގަރާރަކީ ލާއިންސާނީ ގަރާރެއް ކަމަށާއި އެއީ ބައިބައިވުމާއި ނުތަނަވަސްކަމަށް ފުރުސަތުދޭ ގަރާރެއް ކަމަށް ވެސް އޭނާ ފާހަގަކޮށްފައިވެ އެވެ.

ފަރްހާދީ ބުނީ ފިލްމު އުފައްދާ މީހުންނަކީ އިންސާނިއްޔަތު ދައްކުވައިދެވޭނެ ބައެއް ކަމަށާއި އެކި ކަންކަމާއި މެދު ގަބޫލުކުރެވޭ ގަބޫލުކުރުންތައް ބަދަލުކުރުމުގެ ބާރު ލިބިފައިވާ ބައެއް ކަމަށެވެ. އަދި، ފިލްމު އުފައްދާ މީހުންގެ ދައުރު މިއަދު ވަރަށް ވެސް މުހިންމު ކަމަށް ވެސް އޭނާ ބުންޏެވެ.

ޓްރަމްޕްގެ އިމިގްރޭޝަން ގަރާރަށް އަމަލުކުރުން ވަގުތީ އަމުރަކުން ހުއްޓުވާފައިވީ ނަމަވެސް، ފަރްހާދީ ވަނީ އެމެރިކާއަށް އެތެރެނުވުމަށް ނިންމާ އެކަން އިއުލާންކޮށްފަ އެވެ.

ދެހާސްބާރަ ވަނަ އަހަރު ފަރްހާދީގެ "އަ ސެޕަރޭޝަން" އަށް ލިބުނު އޮސްކާ އޭނާ ވަނީ އިރާންގެ ރައްޔިތުންނަށް ހަދިޔާކޮށްފަ އެވެ.

 

އެންމެ ފަހުން އަޕްޑޭޓް ކުރީ: 2042 އަހަރު ކުރިން | ރިވިއު ކުރީ: ޖުމާނާ ތައުފީގު

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.


އެންމެ ފަހުގެ


މި ލިޔުން ކިޔާލުމުން


އަންތަރީސް ވެއްޖެ

އުފާ ވެއްޖެ

ދެރަ ވެއްޖެ

ރުޅި ގަދަ ވެއްޖެ

މޮޔަވެއްޖެ

ދެން އަތްޖަހާ


ކޮމެންޓް