28 ޖޫން 2017 | ބުދަ | އަދަ 12

ކާނާ ރައްކާކުރުމަށް ދަ ގެސްޓުން ސިސްޓެމާ ބްރޭންޑްގެ ކޮންޓެއިނަރ ރާއްޖޭގެ މަރކެޓަށް ތައާރަފްކޮށްފި

  • ސިސްޓެމާ އަކީ ނިއުޒިލެންޑްގެ ބްރޭންޑެއް
  • މި ޕްލާސްޓިކް ވެޔަރ މިހާރުވެސް 90 ގައުމަށް އެކްސްޕޯޓް ކުރޭ

| | | FathimathShana | |



ސިސްޓެމާ ބްރޭންޑްގެ ކޮންޓެއިނަރ -- ފޮޓޯ:މުހައްމަދު ޝަރުހާން

ދަ ގެސްޓުން ރާއްޖޭގެ މާކެޓަށް ސިސްޓެމާގެ ކާނާ ރައްކާކުރާ ޕްލާސްޓިކް ވެޔަރ ކޮންޓެއިނަރއެއް ތައާރަފްކޮށްފި އެވެ.

ނިއުޒިލެންޑްގެ ބްރޭންޑެއް ކަމުގައިވާ، ސިސްޓަމާ ބްރޭންޑަކީ ރައްކާތެރި ޕްލާސްޓިކް ބޭނުންކޮށްގެން އުފައްދާފައިވާ ޕްރޮޑަކްޓަކަށްވާ އިރު މިއީ މައިކްރޯވޭވަށް ލެވޭ ގޮތަށް ފަރުމާކޮށްފައިވާ ކޮންޓެއިނަރއެއް ކަމަށް ދަ ގެސްޓުން ބުނެއެވެ.

މިކަމާ ގުޅޭ ގޮތުން މައުލޫމާތު ދެއްވަމުން، ދަ ގެސްޓްގެ ސޭލްސް އެންޑް މާކެޓިންގެ މެނޭޖަރ، އިބްރާހިމް ފައިސަލް ވިދާޅުވީ، އަލަށް ރާއްޖޭގެ ބާޒާރަށް ގެނެވުނު މި ޕްރޮޑަކްޓުގެ 27 ސައިޒެއް އެ ފިހާރައިން ލިބެން ހުންނާނެ ކަމަށެވެ. އެގޮތުން ބިސްކޯދާއި، ތަރުކާރީ އާއި ބަތް ފަދަ ތަކެތި ރައްކާ ކުރެވޭނެ ކޮންޓެއިނަރތައް ހިމެނޭ ކަމަށް އޭނާ ވިދާޅުވި އެވެ.

"މި ހުރިހާ އެއްޗަކީ ވެސް ކާނާ ސޭފްކޮށް ބެހެއްޓޭނެ ތަކެތި، މިއީ ކުއަލިޓީ ރަގަޅު ހެޔޮ އަގެއްގައި ލިބެން ހުންނާނެ ޕްރޮޑަކްޓެއް" ފައިސަލް ވިދާޅުވި އެވެ.

ދަ ގެސްޓަކީ ބެޑްޝީޓާއި ތަށި ފަދަ، ތަފާތު ބާވަތްތަކުގެ އިތުރުން ގޭތެރެއަށް ބޭނުންވާ ސާމާނު ވިއްކާ ފިހާރައެކެވެ. މީގެ އިތުރުން މީރުވަސް ދުއްވުމަށް ބޭނުންކުރާ އެކި ޕްރޮޑަކްޓްތައް ވެސް އެ ފިހާރައިން ވިއްކައެވެ.

އެ ފިހާރައިން އަލަށް ތައާރަފް ކުރި ސިސްޓެމާއަކީ 30  އަހަރު ވެފައިވާ މިހާރު ވެސް ދުނިޔޭގެ 90 ގައުމަކަށް އެކްސްޕޯޓް ކުރާ ޕްރޮޑަކްޓެކެވެ.

 

އެންމެ ފަހުގެ
ކޮމެންޓް
ޚަބީރު

3 މަސް ކުރިން

ޚަބަރެއްނޫން އިޝްތިހާރެއް

2
0
އަޙްމަދު

4 މަސް ކުރިން

ތިޔަ ބާވަތުގެ ޚަބަރު ލިޔާއިރު ހުންނަތަނަކާ ގުޅޭނެ ނަމްބަރ އެގެން ބޭނުން.

10
0
ބްރޯ

5 މަސް ކުރިން

މިތަން ހުންނަނީ ކޮންތާކުތަ؟

7
0