25 އޭޕުރިލް 2019 | ބުރާސްފަތި | 05 ބުރުނު
18 ޝަޢުބާން 1440
ފަތިސް 04:42
އިރުއަރާ 05:55
މެންދުރު 12:08
އަސްރު 15:21
މަޣްރިބް 18:13
ޢިޝާ 19:27

ކޮޕާޑެލްރޭ

ކޮޕާޑެލްރޭ: އެޓްލެޓިކޯއާ އެއްވަރުކޮށް އެގްރިގޭޓް ނަތީޖާއިން ބާސާ ފައިނަލަށް

  • ފައިނަލްގައި ބާސާއާ ދެކޮޅަށް ނިކުންނާނީ އަލަވޭސް ނުވަަ ސެލްޓަވިގޯ
  • މެޗުގައި ޖުމްލަ ތިން ރަތް ކާޑު ފެނުނު
  • ކޮޕާޑެލްރޭ ފައިނަލްގައި ސުއަރޭޒްއަށް ނުކުޅެވޭނެ
ލީވާން އަލީ | MrLeevaan

| 8 ފެބުރުވަރީ 2017 | ބުދަ 22:09 | |

މަގުބޫލް

  1. ލަންކާގެ ބޮމުގެ ހަމަލާތައް: ހަށިގޮއްވާލި ދެބެއިންގެ ބައްޕަ ހައްޔަރަށް
  2. ސްރީލަންކާ ބޮމުގެ ހަމަލާ: އެންމެ ފަސް
  3. ކުޑަކުއްޖެއްގެ އާދޭސް ދުނިޔޭގެ ލީޑަރުންނަށް!
  4. ކުރީގެ އުއްތަމަ ފަނޑިޔާރު މުހައްމަދު ރަޝީދަށް އިނާޔަތް ދޭން ބިލެއް ހުށަހަޅައިފި
  5. ހަމަލާދިން ނުވަ މީހުންގެ ތެރެއިން އަށް މީހުން ދެނެގަނެވިއްޖެ: ލަންކާ ފުލުހުން
  6. މި ހާލަތުގައި ރަނގަޅީ މޫނު ބުރުގާ ނޭޅުން: ލަންކާގެ ޖަމިއްޔަތުލް އުލަމާ
  7. ކެންޑިޑޭޓުން މާލީ ބަޔާން ހުށަނާޅައިފިނަމަ ދެ އަހަރު ދުވަހުގެ ޖަލު ހުކުމެއް އައިސްދާނެ
  8. ޖަޕާނުގެ އަސްކަރީ މަނަވަރު ސަމިދާރޭ ރާއްޖޭގައި


ބާސާ ކުޅުންތެރިން ލަނޑު ޖެހުމަށްފަހު އުފާފާޅުކުރަނީ -- އާކައިވް

ކޮޕާޑެލްރޭގައި އެޓްލެޓިކޯ މެޑްރިޑާ އެއްވަރުކޮށް، އެގްރިގޭޓް ނަތީޖާއިން ބާސެލޯނާ މުބާރާތުގެ ފައިނަލުން ޖާގަ ހޯދައިފި އެވެ.

ބުދަ ދުވަހުގެ ރޭ ކުޅުނު މި މެޗުން އެޓްލެޓިކޯއާ ވާދަކޮށް ބާސާ އެއްވަރުވީ 1-1 ގެ ނަތީޖާއިންނެވެ.

ބާސާ ދަނޑުގައި ކުޅުނު މި މެޗު ފެށިގެން ދެޓީމުގެ ފަރާތުންވެސް ވާދަވެރި ކުޅުމެއް ވަނީ ފެނިގެންގޮސްފައެވެ. އެގޮތުން ލަނޑު ޖަހަން ރަނގަޅު ފުރުސަތުތަކެއް ދެޓީމަށްވެސް ވަނީ ލިބި ބޭކާރުވެފައެވެ.

މެޗުގައި ފުރަތަމަ ލަނޑު ޖަހާ ލީޑު ނެގީ ބާސާ އިންނެވެ. މި ލަނޑު 43 ވަނަ މިނެޓުގައި އެޓީމަށް ކާމިޔާބުކޮށްދިނީ މި ސީޒަނުގައި މޮޅު ކުޅުމެއް ދައްކަމުން އަންނަ ލުއިސް ސުއަރޭޒް އެވެ.

މި ލަނޑާއެކު ފުރަތަމަ ހާފް ނިމުނީ 0-1 ގެ ނަތީޖާއިން އެޓްލެޓިކޯގެ މައްޗަށް ބާސާ ކުރިހޯދައިގެންނެވެ.

ބާސާގެ ސުއަރޭޒް އަށް ދެވަނަ ރީނދޫ ކާޑާއެކު ރަތްކާޑު ދައްކަނީ

ދެވަނަ ހާފް ފެށިގެން އެޓްލެޓިކޯ އިން ވަނީ އެޓީމުގެ ކުޅުން އިތުރަށް ރަނގަޅުކޮށްފައެވެ. އެގޮތުން އެޓީމުން ވަނީ ބާސާގެ ހާފަށް ބާރުބޮޑުކޮށް ގިނަ ހަމަލާތަކެއް އުފައްދާފައެވެ.

މެޗުގައި ބާސާ އަށް ހުރަސްތަކާ ކުރިމަތިވީ 57 ވަނަ މިނެޓުގައި އެޓީމުގެ ސާޖިއޯ ރޮބާޓޯ އަށް ރެފްރީ ދެވަނަ ރީނދޫ ކާޑާއެކު ރަތް ކާޑު ދެއްކުމުންނެވެ. އެގޮތުން އެޓްލެޓިކޯ އިން ވަނީ އޭގެ ފައިދާ ނަގާ ބާސާގެ ގޯލަށް ފުލުފުލުގައި ހަމަލާ އުފައްދާފައެވެ.

އެހެންނަމަވެސް 69 ވަނަ މިނެޓުގައި އެޓްލެޓިކޯގެ ޔަނިކް ފެރެއިރާ ކަރަސްކޯ އަށް ރެފްރީ ވަނީ ދެވަނަ ރީނދޫ ކާޑާއެކު ރަތް ކާޑެއް ދައްކާފައެވެ. އެގޮތުން މެޗުގެ ބޮޑުބައި ދެޓީމުންވެސް ކުޅުނީ 10 ކުޅުންތެރިންނާއެކުގައެވެ.

މެޗުގެ 80 ވަނަ މިނެޓުގައި އެޓްލެޓިކޯ އަށް ވަނީ ޕެނަލްޓީއެއް ލިބި ބޭކާރުވެފައެވެ. އެގޮތުން އެޓްލެޓިކޯގެ ކެވިން ގަމީރޯ ފޮނޮވާލި ޕެނަލްޓީ ދިޔައީ ދަނޑިމަތިން ބޭރަށެވެ. އެހެންނަމަވެސް އޭގެ ތިން މިނެޓު ފަހުން އޭނާ ވަނީ ލަނޑެއް ކާމިޔާބުކޮށް އެޓްލެޓިކޯ އަށް ނަތީޖާ ހަމަހަމަކޮށްދީފައެވެ.

މެޗުގެ އިތުރުވަގުތުގައި ބާސާގެ ލުއިސް ސުއަރޭޒް އަށް ރެފްރީ ދެވަނަ ރީނދޫ ކާޑާއެކު ރަތް ކާޑު ދެއްކިއިރު، މެޗުގެ ފަހު މިނެޓުތައް އެޓީމު ނިންމާލީ ނުވަ ކުޅުންތެރިންނާއެކުގައެވެ.

މި ނަތީޖާއާއެކު 2-3 ގެ އެގްރިގޭޓް ނަތީޖާއަކާއެކު ބާސާ ފައިނަލަށް ދަތުރުކޮށްފައިވާއިރު، އެޓީމާ ދެކޮޅަށް ކޫޅޭ ޓީމެއް ކަށަވަރުވާނީ ބުރާސްފަތި ދުވަހުގެ ރޭ އަލަވޭސް އަދި ސެލްޓަވިގޯ ބައްދަލުކުރާ މެޗަށްފަހު އެވެ.

އެންމެ ފަހުން އަޕްޑޭޓް ކުރީ: 2042 އަހަރު ކުރިން | ރިވިއު ކުރީ:

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.


އެންމެ ފަހުގެ


މި ލިޔުން ކިޔާލުމުން


އަންތަރީސް ވެއްޖެ

އުފާ ވެއްޖެ

ދެރަ ވެއްޖެ

ރުޅި ގަދަ ވެއްޖެ

މޮޔަވެއްޖެ

ދެން އަތްޖަހާ


ކޮމެންޓް