18 ނޮވެންބަރު 2018 | އާދީއްތަ | 05 ނޮރަ
10 ރަބީޢުލްއައްވަލް 1440
ފަތިސް 04:37
އިރުއަރާ 05:52
މެންދުރު 11:55
އަސްރު 15:15
މަޣްރިބް 17:51
އިޝާ 19:06

ޖަމާލް ޚަޝޯގީ

ޚަޝޯގީގެ މަރު: ސައުދީ ކޮންސުލްގެ ގެއިން އެސިޑް ފެނިއްޖެ

  • ޚަޝޯގީ ދިރިހުއްޓައި އެންމެ ފަހުން ފެނިފައިވަނީ އޮކްޓޯބަރު މަހުގެ 2 ވަނަ ދުވަހު
އަބުދުﷲ މުހައްމަދު | 8Abbo

| 8 ނޮވެންބަރު 2018 | ބުރާސްފަތި 19:49 | |

މަގުބޫލް

  1. ރާއްޖެޓީވީގެ ބޭނުމަކީ ހިޔާލުތަފާތު ކުރުމާއި ނަފްރަތު އުފެއްދުން: ރައީސް ނަޝީދު
  2. ރައީސް ޔާމީނާއެކު ސިޔާސީ މަސައްކަތްކުރެއްވި ބޭފުޅުންނަށް މި ސަރުކާރުން ފުރުސަތު ދީގެން ނުވާނެ: ރައީސް ނަޝީދު
  3. ރައީސް ސޯލިހުގެ ކެބިނެޓަށް އަންހެން ހަތް ވަޒީރުން!
  4. ހުވާކުރުމުގެ ރަސްމިއްޔާތު ރައީސް ޔާމީން ބޮއިކޮޓް ކުރައްވައިފި
  5. ހުވާ ކުރާ ރަސްމިއްޔާތަށް ދަނޑުގައި ހަދާފައި ވަނީ މަޖިލީހުގެ މާލަމެއް
  6. އަޅުގަނޑަށް ރަނގަޅީ މެޑަމް ނުވަތަ މަހާރެހެންދި ފަދަ ނަންނަމުން މުހާތަބު ނުކުރެއްވިއްޔާ: ފަޒްނާ
  7. އެންމެ އާދައިގެ ރައްޔިތު މީހާއަށް ވެސް ދައުވަތު ލިބުނު އެންމެ މަތީ ފަންތީގެ ހަފްލާ
  8. ބޮޑު ސުވާލެއް: ޝޭޚް އިމްރާންގެ ވަޒީރުކަމުގެ ޝަރުތު ހަމަވޭތަ؟


ޚަޝޯގީ މަރާލި ދުވަސް ކަމަށްވާ އޮކްޓޯބަރު މަހުގެ 2 ވަނަ ދުވަހު -- ގެޓީ އިމޭޖާސް

އިސްތަންބޫލްގައި ހުންނަ ސައުދީ ކޮންސުލް ޖެނެރަލްގެ ގޭގައި ހުރި ވަޅެއްގެ  ތެރެއިން ހައިޑްރޯފްލޮރިކް އެސިޑާއި އިތުރު ކެމިކަލެއް ފެނިފައިވާކަމަށް ތުރުކީގެ އެޓަރނީ ޖެނެރަލްގެ އޮފީހުގެ މަސްދަރަކުން އަލްޖަޒީރާގައި ބުނެފައިވާކަމަށް އެ އޭޖެންސީން ބުނެފިއެވެ.

އެ މަސްދަރުން ބުނިގޮތުގައި ނޫސްވެރިޔާގެ ހަށިގަނޑުގެ ގުނަންތައް ބުރިބުރި ކުރުމަށްފަހު ކޮންސުލް ޖެނެރަލް މުހައްމަދު އަލް އުތައިބީގެ ގޭގެ ކޮޓަރިއެއްގައިވަނީ އެސިޑަށް އަޅާފައެވެ.

އަލް ޖަޒީރާގެ އެންޑްރޫ ސިމަންސް ބުނެފައިވަނީ ތުރުކީގެ ތަހުގީގު ޓީމުން ކޮންސުލް ޖެނެރަލްގެ ގެކޮޅު ބަލާ ފާސްކޮށްފައިވަނީ ޚަޝޯގީ މަރާލިތާ ދެ ހަފްތާ ފަހުންކަމަށެވެ.

ތުރުކީގެ މީޑިއާތަކުން ރިޕޯޓް ކޮށްފައިވާގޮތުގައި ޚަޝޯގީގެ މަރުގެ މައްސަލަ ފޮރުވުމަށް ކޮންސިއުލޭޓްގެ ސްޓާފުންވަނީ ސެކިއުރިޓީ ކެމެރާތައް ހަލާކުކޮށްލާފައެވެ.

ތުރުކީގެ ސަރުކާރަށް ތާއީދުކުރާ ސަބާ ނޫހުން ބުނެފައިވާގޮތުގައި ޚަޝޯގީ މަރާލި ދުވަސް ކަމަށްވާ އޮކްޓޯބަރު މަހުގެ 2 ވަނަ ދުވަހު ކޮންސިއުލޭޓްގެ ތެރޭގައި ހުރި ކެމެރާތައް އަވަސް އަރުވާލައިިގެންވަނީ ނައްޓާލާފައެވެ.

ހަމަ އެދުވަހު އިމާރާތުގެ ބޭރުގައި ހުންނަ ޕޮލިސް ބޫތުގައި އިންނަ ކެމެރާ ވެސް ނައްޓާލަން މަސައްކަތް ކޮށްފައިވެއެވެ.

މީގެއިތުރުން ކޮންސިއުލޭޓްގެ މުވައްޒަފަކު އޮކްޓޯބަރު މަހުގެ 6 ވަނަ ދުވަހު، ކޮންސިއުލޭޓްގެ ބޭރުގައި ހުންނަ ޕޮލިސް ޕޯސްޓަށްގޮސް ވީޑިއޯ ސިސްޓަމަށް ވަދެފައިވެއެވެ. އަދި އެ ސިސްޓަމްގައި ޑިޖިޓަލް ލޮކް ކޯޑެއްޖަހައި އެއްވެސް ވީޑިއޯއެއް ނުބެލޭނެ ގޮތްވަނީ ހަދާފައެވެ.

އެ ކެމެރާގެ ވީޑިއޯތަކުގެ ތެރޭގައި ޚަޝޯގީ ކޮންސިއުލޭޓަށް ވަންނަނިކޮށް ހުރި ވިޑިއޯ ވެސް ހިމެނެއެވެ.

ޚަޝޯގީ ދިރިހުއްޓައި އެންމެ ފަހުން ފެނިފައިވަނީ ސައުދީ ކޮންސިއުލޭޓަށް ލިއުމެއް ބަލާ އޮކްޓޯބަރު މަހުގެ ދެވަނަ ދުވަހު ދަނިކޮށެވެ. އޭގެ ފަހުން އޭނާގެ ޚަބަރެއް ވެފައި ނުވާއިރު އޭނާ މަރާލާފައިވާ ކަމަށް ތުރުކީން ބުނަމުންދާތާ އެތައް ދުވަހެއްފަހުން ސައުދީއިން އެކަމަށް އެއްބަސްވެފައިވަނީ އޮކްޓޯބަރު މަހުގެ 20 ވަނަ ދުވަހުއެވެ.

 

 

އެންމެ ފަހުން އަޕްޑޭޓް ކުރީ: 1 ހަފްތާކުރިން | ރިވިއު ކުރީ: އަހުމަދު ފައިރޫޒު

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.


އެންމެ ފަހުގެ


މި ލިޔުން ކިޔާލުމުން


އަންތަރީސް ވެއްޖެ

އުފާ ވެއްޖެ

ދެރަ ވެއްޖެ

ރުޅި ގަދަ ވެއްޖެ

މޮޔަވެއްޖެ

ދެން އަތްޖަހާ


ކޮމެންޓް