20 ޖެނުއަރީ 2019 | އާދީއްތަ | 02 ހުވަން
14 ޖުމާދަލްއޫލާ 1440
އިޝާ 19:32
މަޣްރިބް 18:16
އަސްރު 15:41
މެންދުރު 12:21
އިރުއަރާ 06:17
ފަތިސް 05:02

ޔޮޓް ޓުއާސް

440 މިލިއަން ރުފިޔާ ދައްކަން ޔޮޓް ޓުއާސްގެ މައްޗަށް ސިވިލް ކޯޓުން ކުރި ހުކުމް އެ ކުންފުނިން ހައި ކޯޓުގައި އިސްތިއުނާފްކޮށްފި

  • 440 މިލިޔަން ރުފިޔާ ދައްކަން ޔޮޓް ޓުއާސްގެ މައްޗަށް ސިވިލް ކޯޓުން ހުކުމްކުރީ މި ދިޔަ ޖޫން މަހު
ހައްވާ މުހައްމަދު | @hawwimd

| 7 ނޮވެންބަރު 2018 | ބުދަ 15:03 | |

މަގުބޫލް

  1. ފަސް މެމްބަރަކަށް މަޖިލީހަށް ވާދަކުރެއްވުމުގެ ފުރުސަތު ގެއްލިއްޖެ
  2. ނާކާމިޔާބުވި ކެންޑިޑޭޓުން ވީހާ ވެސް އަވަހަށް އަޅުގަނޑާ ގުޅުއްވުން އެދެން: ނަޝީދު
  3. ޑރ އިޔާޒްގެ ހޫނު ރައްދެއް ނާޒިމްއަށް
  4. ނާކާމިޔާބުވި ކެންޑިޑޭޓުންގެ ފަރާތުން ޑިމޮކްރަސީގެ ރީތި ނަމޫނާއެއް!
  5. ރޮޒެއިނާ އާއި ހިސާންގެ ދެމަފިރިކަނބަލުން ވެސް އެމްޑީޕީގެ ޓިކެޓް ކަށަވަރު!
  6. އެމްޑީޕީ ޓިކެޓް މަޖިލީހުގެ ކުރީގެ ބައެއް މެމްބަރުންނަށް
  7. ހިންނަވަރު ދާއިރާގެ ޓިކެޓް ޖީހާން ކާމިޔާބުކޮށްފި
  8. މިހާރުގެ އަށް މެމްބަރަކު އެމްޑީޕީގެ ޓިކެޓް ކަށަވަރު ކުރައްވައިފި


ޔޮޓް ޓުއާރސްގެ ވެރިޔާ އަބްދުﷲ ޖާބިރު -- ފޮޓޯ: ރާއްޖެ އެމްވީ

ދައުލަތަށް 440 މިލިއަން ރުފިޔާ ދައްކަން ޔޮޓް ޓުއާސްގެ މައްޗަށް ސިވިލް ކޯޓުން ކުރި ހުކުމް އެ ކުންފުނިން ހައި ކޯޓުގައި އިސްތިއުނާފް ކޮށްފައިވާ ކަމަށް ޔޮޓް ޓުއާރސްގެ ވެރިޔާ އަބްދުﷲ ޖާބިރު ވިދާޅުވެއްޖެއެވެ.

ހއ. އަލިދޫ ރިސޯޓްގެ ކުއްޔާއި ޖޫރިމަނާގެ ގޮތުގައި ދައުލަތަށް ލިބެންޖެހޭ 29 މިލިއަން ޑޮލަރު (440 މިލިޔަން ރުފިޔާ) ދައްކަން ޔޮޓް ޓުއާސްގެ މައްޗަށް ސިވިލްކޯޓުން މި ދިޔަ ޖޫންމަހު ހުކުމް ކުރީ ފައިސާ ހޯދަން މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން ދައުވާ ކުރުމާ ގުޅިގެންނެވެ.

މީގެ އިތުރުން ހއ. ބީނާފުށްޓާއި ހއ. ކަނޑާލި ފިނޮޅުގެ ކުއްޔާއި ޖޫރިމަނާގެ ގޮތުގައި 3.6 މިލިއަން ޑޮލަރު ދައްކަން ޔޮޓް ޓުއާސްގެ މައްޗަށް ކުރި ހުކުމް ވެސް އެ ކުންފުނިން ހައި ކޯޓުގައި ވަނީ އިސްތިއުނާފްކޮށްފައެވެ.

އެ ދެ މައްސަލައިގައި ލިބެންޖެހޭ ފައިސާތައް ނުދައްކާތީ ޔޮޓް ޓުއާސްގެ އެކައުންޓްތައް މީރާ އިން ފްރީޒްކޮށްފައިވާއިރު، އެކައުންޓްތައް ފްރީޒްކުރުމާ ދެކޮޅަށް ޔޮޓް ޓުއާސް އިން ސިވިލް ކޯޓުގައި ދައުވާ ކުރުމުން އެ ކޯޓުން އޭރު ހުކުމް ކޮށްފައި ވަނީ އެކައުންޓްތައް ފްރީޒްކުރުމަކީ ގާނޫނާ އެއްގޮތަށް ކުރި ކަމެއް ކަމަށެވެ.

އޭރު މީރާއިން ޔޮޓް ޓުއާރސްއަށް އަންގާފައި ވަނީ އެ ފައިސާ އެއް އަހަރު ދުވަހުގެ ތެރޭގައި ދެއްކުމަށެވެ.

ޖާބިރު ވިދާޅުވީ މިކަމުގެ ސަބަބުން ކުންފުންޏަށް އިއާދާ ނުކުރެވޭ ފަދަ ބޮޑެތި ގެއްލުންތައް ވެފައިވާ ކަމަށެވެ.

ޔޮޓް ޓުއާސްގެ އެކައުންޓްތައް މިރާއިން ފްރީޒްކޮށްފައި ވަނީ 22 މަރޗް 2017 ވަނަ ދުވަހުއެވެ. މީރާ އިން ޔޮޓް ޓުއަރސްގެ އެކައުންޓްތައް ފްރީޒްކުރުމާއި ގުޅިގެން ޖާބިރު ވިދާޅުވީ ރާއްޖެ އިން މިހާރު ފެނިގެންދަނީ ޓޫރިޒަމް މިނިސްޓަރުގެ ފޯން ކޯލަކުން މޯލްޑިވްސް އިންލޭންޑް ރެވެނިއު އޮތޯރިޓީ (މީރާ) އިން ވިޔަފާރިވެރިންގެ ކުންފިތަކުގެ އެކައުންޓް ފްރީޒް ކޮށްލަން މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގައި އެދޭ ތަން ކަމަށާއި އެތައް ސަތޭކަ މުވައްޒަފުންނެއް ގެންގުޅޭ ކުންފުނިތަކުގެ އެކައުންޓް ފްރީޒްކޮށްލުން އެހާ ފަސޭހަ ކަމަކަށް ހަދާފައިވާ ކަމަށެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން | ރިވިއު ކުރީ: އަހްމަދުﷲ ޖަމީލް

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.


އެންމެ ފަހުގެ


މި ލިޔުން ކިޔާލުމުން


އަންތަރީސް ވެއްޖެ

އުފާ ވެއްޖެ

ދެރަ ވެއްޖެ

ރުޅި ގަދަ ވެއްޖެ

މޮޔަވެއްޖެ

ދެން އަތްޖަހާ


ކޮމެންޓް