19 ނޮވެންބަރު 2018 | ހޯމަ | 07 ނޮރަ
11 ރަބީޢުލްއައްވަލް 1440
ފަތިސް 04:37
އިރުއަރާ 05:52
މެންދުރު 11:55
އަސްރު 15:15
މަޣްރިބް 17:51
އިޝާ 19:06

ރިޔާސީ އިންތިހާބު 2018

އެމްޑީއޭގެ ކައުންސިލް މެމްބަރު ސިނާން އައިލެންޑް އޭވިއޭޝަން ބޯޑުން ވަކިކޮށްފި

  • އެމްޑީއޭ އާއި ޕީޕީއެމްގެ ގުޅުން ވަނީ ގޯސްވެފައި
  • ސަރުކާރުގެ ތިން ކުންފުންޏެއްގެ ބޯޑުގައި މަސައްކަތް ކުރެއްވި
  • މަގާމުން ވަކިކުރި ސަބަބެއް ހާމަކޮށްފައެއް ނުވޭ
ޙުސައިން ޙަސަން | hucenhassan

| 9 ސެޕްޓެންބަރ 2018 | އާދީއްތަ 16:26 | |

މަގުބޫލް

  1. ރާއްޖެޓީވީގެ ބޭނުމަކީ ހިޔާލުތަފާތު ކުރުމާއި ނަފްރަތު އުފެއްދުން: ރައީސް ނަޝީދު
  2. ފުރަތަމަ ދުވަހު ފުއްދަވާނެކަމަށް ރާއްޖެ ޓީވީގައި ވެވަޑައިގެންނެވި ވައުދުތައް ރައީސް ސޯލިޙް ފުއްދަވައިފި
  3. ރައީސް ޔާމީނާއެކު ސިޔާސީ މަސައްކަތްކުރެއްވި ބޭފުޅުންނަށް މި ސަރުކާރުން ފުރުސަތު ދީގެން ނުވާނެ: ރައީސް ނަޝީދު
  4. ހަތިޔާރު އެޅި ފައުޖާ ނުލައި، ރައީސް ސޯލިހު އާންމުންގެ ތެރެއަށް
  5. އަޅުގަނޑަށް ރަނގަޅީ މެޑަމް ނުވަތަ މަހާރެހެންދި ފަދަ ނަންނަމުން މުހާތަބު ނުކުރެއްވިއްޔާ: ފަޒްނާ
  6. ބޮޑު ސުވާލެއް: ޝޭޚް އިމްރާންގެ ވަޒީރުކަމުގެ ޝަރުތު ހަމަވޭތަ؟
  7. ނުހައްގުން ފްލެޓް ބެހި މީހުންނަށް ފިޔަވަޅު އަޅައި ހަމަހަމަކަމާއެކު ފްލެޓް ދޫކުރަނީ!
  8. ފުރަތަމަ 100 ދުވަހުގެ ތެރޭގައި މިސްކިތްތައް އޭސީ ކުރަނީ


ސިނާން އަލީ: އޭނާ ވަނީ އައިލެންޑް އޭވިއޭޝަންގެ ބޯޑުން ވަކިކޮށްފައި -- ސަން އޮންލައިން

ސަރުކާރު ކޯލިޝަންގައި ހިމެނޭ އެމްޑީއޭގެ އާއި ޕީޕީއެމާ ދެމެދު އޮތް ގުޅުން ގޯސްވެފައި ވަނިކޮށް، އެމްޑީއޭގެ ކައުންސިލް މެމްބަރު ސިނާން އަލީ އައިލެންޑް އޭވިއޭޝަންގެ ބޯޑުން ވަކިކޮށްފިއެވެ.

ގައުމީ އެއާލައިން ހިންގާ، އައިލެންޑް އޭވިއޭޝަންގެ ބޯޑަށް މިދިޔަ އަހަރުގެ ޑިސެމްބަރު މަހު އައްޔަން ކުރި ސިނާން އެ ބޯޑުން ވަކިކުރެއްވިކަން ޕްރައިވަޓައިޒޭޝަން ބޯޑުގެ ރައީސް މުހައްމަދު ނިޒާރު ވަނީ މީޑިއާތަކަށް ކަށަވަރު ކޮށްދެއްވާފައެވެ. ނަމަވެސް އޭނާ މަގާމުން ވަކިކުރެއްވި ސަބަބެއް ބުނެފައެއް ނުވެއެވެ.

ސިނާނަކީ އެމްޑީއޭގެ ކައުންސިލްގެ މެމްބަރެއްގެ އިތުރުން، އޭނާ ގެންދަވަނީ އެ ޕާޓީގެ މީޑިއާ ކޯޑިނޭޓަރުކަން ވެސް ކުރައްވަމުންނެވެ. އައިލެންޑް އޭވިއޭޝަންގެ ބޯޑަށް ސިނާން އައްޔަން ކުރެއްވުމުގެ ކުރިން އޭނާ ހުންނެވީ ސްޓެލްކޯގެ ޗެއާމަންގެ މަގާމުގައެވެ. އެ މަގާމަށް އޭނާ ބަދަލު ކުރެއްވުމުގެ ކުރިން ހުންނެވީ އެމްޓީސީސީ ބޯޑުގައެވެ.

އައިލެންޑް އޭވިއޭޝަންގެ ބޯޑުން ސިނާން ވަކިކުރައްވާފައި ވަނީ އެމްޑީއޭ އާއި ޕީޕީއެމާ ދެމެދު އޮތް ގުޅުން ގޯސްވެ، ޕީޕީއެމްގެ ރިޔާސީ ކެންޑިޑޭޓް ރައީސް އަބްދުﷲ ޔާމީންގެ ކެމްޕެއިން ހަރަކާތްތަކުން ސިޔާމް ދުރަށް ޖެހިވަޑައިގެންފައިވަނިކޮށެވެ. ރައީސް ޔާމީންގެ ޒަމާންވީ އެކުވެރިޔާ ސިޔާމް ވަނީ އެމްޑީއޭ ހިންގުން ވެސް ދުރަށް ޖެހިވަޑައިގެން، އެ ޕާޓީގެ ހިންގުން ޕާޓީގެ ނައިބު ލީޑަރު އަލީ މައުރޫފާ ހަވާލު ކުރައްވާފައެވެ.

ރިޔާސީ އިންތިހާބުގައި ތާއިދު ކުރާނެ ކެންޑިޑޭޓަކު އެމްޑީއޭއިން ކަނޑައަޅާފައި ނުވާއިރު، އެމްޑީއޭގެ ބައެއް މެމްބަރުން ފާޅުގައި ގެންދަވަނީ ގުޅިފައިވާ ޕާޓީތަކާއެކު މަސައްކަތް ކުރަމުންނެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން | ރިވިއު ކުރީ: އަހްމަދު ސާއިފް ޝިޔާދް

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.


އެންމެ ފަހުގެ


މި ލިޔުން ކިޔާލުމުން


އަންތަރީސް ވެއްޖެ

އުފާ ވެއްޖެ

ދެރަ ވެއްޖެ

ރުޅި ގަދަ ވެއްޖެ

މޮޔަވެއްޖެ

ދެން އަތްޖަހާ


ކޮމެންޓް