23 އޭޕުރިލް 2019 | އަންގާރަ | 03 ބުރުނު
16 ޝަޢުބާން 1440
ޢިޝާ 19:27
މަޣްރިބް 18:13
އަސްރު 15:21
މެންދުރު 12:08
އިރުއަރާ 05:56
ފަތިސް 04:43

އުތުރު ކޮރެއާ - އެމެރިކާ

ޓްރަމްޕްއަށް އަދިވެސް ކިމް އިތުބާރު ކުރައްވާ: ދެކުނު ކޮރެއާ

  • ދެ ކޮރެއާގެ ވެރިންގެ ބައްދަލުވުން އޮންނާނީ މިމަހުގެ 18 އިން 20 އަށް ޕިޔޮންގްޔަންގް ގައި
  • އެމެރިކާ - އުތުރު ކޮރެއާ މަޝްވަރާތަކުގެ މެދުވެރިއަކަށް ވުމަށް ދެކުނު ކޮރެއާއިން ދަނީ މަސައްކަތް ކުރަމުން
މިއުވާން މުހައްމަދު | Miuvaan

| 6 ސެޕްޓެންބަރ 2018 | ބުރާސްފަތި 19:14 | |

މަގުބޫލް

  1. ޝިމާ އަންދާލާފައިވާ ކަމަށް ބުނެ ލިބުނު މައުލޫމާތަކާ ގުޅިގެން ފުލުހުން ދެ ރަށެއް ބަލައި ފާސްކޮށްފި
  2. އެންމެފަހުން ޢަބްދުއްރަޙީމް ވެސް ރައީސް ޔާމީނާ އިދިކޮޅަށް!؟
  3. ލަންކާގައި ދިން ބޮމުގެ ހަމަލާ: ބޮންގޮއްވި މީހުން އުފުލި ވޭނު ފުލުހުންގެ ބެލުމުގެ ދަށަށް
  4. ބޮމެއް ފެނުމުން ލަންކާގެ މައި އެއާޕޯޓް ބަންދުކޮށްފި!
  5. ލަންކާއިން ގެއްލިގެން ހޯދަމުން ދިޔަ ދެ ދިވެހިން ފެނިއްޖެ
  6. މަރުތަކުގެ މޯޓިވް ދެނެގަނެވިއްޖެ، އެކަމަކު ދައުވާ ކުރެވޭކަށް ނެތް: ސުއޫދު
  7. ފެނަކައިގެ މުވައްޒަފުން ސިޔާސީ ކަންކަމުގައި ބައިވެރިވުމަށް މަޖުބޫރުނުކުރާތީ އުފާފާޅު ކޮށްފި
  8. ގޮވާތަކެތި ހުރި ލޮރީއަކާއި ވޭނެއް ކޮޅުނބަށް އެތެރެވެއްޖެ ކަމުގެ އިންޒާރާ އެކު ލަންކާ އެލާޓަށް!


ޓްރަމްޕް (ކ) އާއި ކިމް (ވ) މިދިޔަ ޖޫން މަހު ސިންގަޕޫރުގައި ބައްދަލުކުރައްވަނީ -- އޭއެފްޕީ

އުތުރު ކޮރެއާގެ ލީޑަރު ކިމް ޖޮން އުން އާއި އެމެރިކާގެ ރައީސް ޑޮނަލްޑް ޓްރަމްޕްގެ ބައްދަލުވުމަށްފަހު ދެޤައުމުގެ މެދުގައި ދޭތެރެއަކުން ބަހުގެ ހަމަލާތައް ބަދަލުކުރެވުނުނަމަވެސް، ކިމް އަދިވެސް ޓްރަމްޕްއަށް އިތުބާރުކުރައްވާކަަމަށް ދެކުނު ކޮރެއާގެ އޮފިޝަލުން ބުނެފިއެވެ.

ދެކުނު ކޮރެއާއިން މިހެން ބުނެފައިވަނީ އެޤައުމުގެ މަތީ ފަންތީގެ ވަފުދެއް އުތުރު ކޮރެއާއަށް ޒިޔާރަތްކޮށް، ކިމް އާއި ބައްދަލު ކުރުމަށްފަހުގައެވެ. ދެކުނު ކޮރެއާގެ އޮފިޝަލުން އުތުރު ކޮރެއާއަށް ދިޔައީ މިމަހު ދެކުނު ކޮރެއާގެ ރައީސް މޫން ޖައެ-އިން އާއި ކިމްގެ ބައްދަލުވުމެއް ބޭއްވޭތޯ ކުރަމުންދާ މަސައްކަތުގެ ދަށުންނެވެ. 

މިދިޔަ ޖޫން މަހު ޓްރަމްޕްއާއި ކިމް ސިންގަޕޫރުގައި ބައްދަލުކުރެއްވުމަށްފަހު، ކިމް ވަނީ އުތުރު ކޮރެއާގެ ނިއުކްލިއަރ ހަތިޔާރު ނައްތާލައި، ދެކުނު ކޮރެއާއާއިއެކު ސުލްހައިގެ އެއްބަސްވުމަކަށް އައުމަށް އެއްބަސްވެވަޑައިގެންފައެވެ. އެހެންނަމަވެސް އެބައްދަލުވުމުގެ ފަހުން މަޝްވަރާކުރެވުނު އެއްވެސް ކަމަކަށް އުތުރު ކޮރެއާއިން އިޖާބަދީފައި ނުވާއިރު، އުތުރު ކޮރެއާއިން ކުރަން ޖެހޭ މަސައްކަތްތައް އަދިވެސް ވަރަށް ގިނަކަމަށް އެމެރިކާގެ ޚާރިޖީ ވަޒީރު މައިކް ޕޮމްޕެއޯ ވަނީ ވިދާޅުވެފައެވެ. 

ދެކުނު ކޮރެއާގެ އޮފިޝަލުންނާއިއެކު ކުރެވުނު މަޝްވަރާތަކުގައި ކިމް ވިދާޅުވީ ޓްރަމްޕްއަށް އިތުބާރު އެބައޮތްކަަމަށާއި، ޓްރަމްޕްގެ ވެރިކަމުގެ ފުރަތަމަ ދައުރުގެ ތެރޭގައި ކޮރެއާ ސަރަަހައްދަކީ ނިއުކްލިއަރ ހަތިޔާރު ނެތް ތަނަކަށް ހައްދަވާނެކަމަށެވެ. 

ދެކޮރެއާގެ ލީޑަރުންގެ ބައްދަލުވުމެއް މިމަހު ބޭއްވިއްޖެނަމަ އެކަން ވެގެންދާނީ ފާއިތުވި ދިހަ ވަރަކަށް އަހަރުތެރޭ ދެކުނު ކޮރެއާގެ ލީޑަރަކު ޕިޔޮންގްޔަންގްއަށް ވަޑައިގަންނަވާ ފުރަތަމަ ދަތުރުފުޅަށެވެ. ދެކޮރެއާގެ ލީޑަރުންގެ ބައްދަލުވުން އޮންނާނެކަމަށް ބެލެވެނީ މިމަހުގެ 18 އިން 20 އަށް އުތުރު ކޮރެއާގެ ވެރިރަށް ޕިޔޮންގްޔަންގްގައެވެ. މި ބައްދަލުވުމުގައި އެމެރިކާއާއި އުތުރު ކޮރެއާއާއި ދެމެދު އަނެއްކާވެސް ވާހަކަތައް ފެށުމަށް މެދުވެރިއެއްގެ ރޯލު ދެކުނު ކޮރެއާއިން އަދާކުރުމާއި މެދު މަޝްވަރާކުރެވޭނެއެވެ. 

ޓްރަމްޕްއަށް އިތުބާރު އެބައޮތްކަމަށް އުތުރު ކޮރެއާއިން ބުނެފައިވާއިރު، އުތުރު ކޮރެއާއިން އެއްބަސްވި ގޮތަށް އަމަލުކުރުމުގައި ލަސްތަކެއް އުޅޭކަމަށް ބުނެ، މިދިޔަ މަހު އެމެރިކާގެ ޚާރިޖީ ވަޒީރު މައިކް ޕޮމްޕެއޯ އުތުރު ކޮރެއާއަށް ކުރައްވަން ހަމަޖެހިފައި އޮތް ދަތުރުފުޅު އެންމެ ފަހުވަގުތު ޓްރަމްޕްގެ ލަފާފުޅުގެ މަތިން ވަނީ ކެންސަލް ކޮށްފައެވެ.

އެންމެ ފަހުން އަޕްޑޭޓް ކުރީ: 8 މަސް ކުރިން | ރިވިއު ކުރީ: އަހްމަދު ސާއިފް ޝިޔާދް

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.


އެންމެ ފަހުގެ


މި ލިޔުން ކިޔާލުމުން


އަންތަރީސް ވެއްޖެ

އުފާ ވެއްޖެ

ދެރަ ވެއްޖެ

ރުޅި ގަދަ ވެއްޖެ

މޮޔަވެއްޖެ

ދެން އަތްޖަހާ


ކޮމެންޓް