17 ނޮވެންބަރު 2018 | ހޮނިހިރު | 04 ނޮރަ
09 ރަބީޢުލްއައްވަލް 1440
އިޝާ 19:06
މަޣްރިބް 17:51
އަސްރު 15:15
މެންދުރު 11:55
އިރުއަރާ 05:51
ފަތިސް 04:36

ރިޔާސީ އިންތިހާބު 2018

ރައީސް ޔާމީނަށް އިތުރަށް ދެއްކޭނެ ބިރެއް ނޯންނާނެ: އިބޫ

  • ގާނޫނު އަސާސީ ދިފާއު ކުރުމަށް ނިކުންނަން ޖެހޭނެ
  • ކޮލަމާފުށިން ހައްޔަރުކުރި އެންމެން ދޫކޮށްލަންޖެހޭ
ފާތިމަތު ޝަނާ މުހައްމަދު | FathimathShana

| 1 ސެޕްޓެންބަރ 2018 | ހޮނިހިރު 14:32 | |

މަގުބޫލް

  1. ބޮޑު ޖަރީމާއެެއް! ރައީސްގެ ރަސްމީ ކާރުކޮޅު މުސްތަފާގެ ނަމަށް ރަޖިސްޓްރީކޮށްފި
  2. ޖޫރިމަނާ ފާއިސާ އަނބުރާ ލިބިއްޖެ ނަމަ ހަދިޔާކުރާނީ ހާއްސަ އެހީއަށް ބޭނުންވާ ފަރާތްތަކަށް: ރާއްޖެޓީވީ
  3. އަދީބުގެ ކިޑްނީގައި އުފެދުނު ހިލަ ފެންނަ އެކްސްރޭ އާންމުކޮށްފި
  4. އެނބުރި އަންނާނެ ކަމަށް އެމްޑީޕީއިން ވީ ވައުދު ހަގީގަތަކަށް
  5. ހުވާކުރުމުގެ ރަސްމިއްޔާތު ރައީސް ޔާމީން ބޮއިކޮޓް ކުރައްވައިފި
  6. އިންތިޚާބީ ރައީސްގެ އޮފީހަށް ދައުވަތު ކާޑު ލިބުނީ އެއްބަސްވެފައިވާ ވަރަށް ވުރެ މަދުން
  7. ޤާސިމްގެ އެޑްވައިޒަރުގެ މަޤާމުން އަބްދުﷲ ރިޔާޒް އިސްތިއުފާ ދެއްވައިފި
  8. ރާއްޖޭގެ އައު ރައީސް ހުވާކުރައްވާ ތާރީޚީ ރަސްމިއްޔާތަށް މާދަން މާލެ ދަން: މޯދީ


ގުޅިފައިވާ ސިޔާސީ ޕާޓީތަކުގެ ކެންޑިޑޭޓް އިބްރާހިމް މުހައްމަދު ސޯލިހު -- ރާއްޖެއެމްވީ

ރައީސް ޔާމީނަށް ދެއްކޭނެ ބިރެއް ނޯންނާނެ ކަމަށާއި ވެރިކަމުގައި ހުންނަން ދެން އޮތީ ވަރަށް މަދު ދުވަސްކޮޅެއް ކަމަށް ގުޅިފައިވާ ސިޔާސީ ޕާޓީތަކުގެ ކެންޑިޑޭޓް އިބްރާހިމް މުހައްމަދު ސޯލިހު (އިބޫ) ވިދާޅުވެއްޖެއެވެ.

ގއ. ކޮލަމާފުށީގައި ބޭއްވި ޖަލްސާގައި ވާހަކަފުޅު ދައްކަވަމުން އިބޫ ވިދާޅުވީ ކޮންމެ ބަޔަކަށް ވެސް ސިޔާސީ ހަރަކާތްތައް ހިންގުމުގެ ފުރުސަތު ލިބިގެންވާ ކަމަށާއި އެކަން މައްސަލައަކަށް ވެގެން ނުވާނެ ކަމަށެވެ. ކޮލަމާފުށިން ހައްޔަރު ކުރެވުނު މީހުންގެ ތެރޭގައި އެވަގުތު މޫދަށް އެރި އުޅުނު މީހުންނާއި ކުލަލަން އެހެން ސަރަހައްދެއްގައި ތިބި މީހުން ވެސް ހިމެނޭ ކަމަށާއި މިހާރުން މިހާރަށް ހުރިހާ ފަރާތްތަކުން ދޫކޮށްލަން ޖެހޭ ކަމަށް އިބޫ ވިދާޅުވިއެވެ.

މިދިޔަ އޯގަސްޓް 29 ވަނަ ދުވަހު ކޮލަމާފުށީގައި ހިންގި ހަމަނުޖެހުންތަކުގައި އެރަށުގެ 18 މީހަކު ވަނީ ހައްޔަރުކޮށްފައެވެ. މިހާދިސާގައި މުޅިންހެން ހައްޔަރުކޮށްފައި ވަނީ ގުޅިފައިވާ ސިޔާސީ ޕާޓީތަކަށް ނިސްބަތްވާ ފަރާތްތަކެވެ.

ސިޔާސީ ހަރަކާތްތައް ހިންގުމަށް އެއްވެސް ޖެހިލުމެއް ނެތި ސަރުކާރު ވަޒީފާތަކުގައި ތިބި ފަރާތްތަކުން ވެސް ފަހަތަށް ނުޖެއްސޭނެ ކަމަށް އެމަނިކުފާނު ވިދާޅުވިއެވެ.

"ތިބޭފުޅުން ކުރައްވަން ޖެހޭނެ ކަމަކީ ގާނޫނުތައް ދިފާއު ކުރުން. ވަކި ފަރާތެއް ވަކި މީހަކު ބުނާ ބަހަކަށް ނޫން ތިބޭފުޅުން މަސައްކަތް ކުރައްވަންޖެހޭނީ. އަޅުގަނޑު މިއަދު ރަށުގައި ތިބި ގުޅިފައިވާ ޕާޓީތަކަށް ނިސްބަތްވާ ފަރާތްތަކަށް މި ދަންނަވަނީ ހަރަކާތް ކުރިއަށް ގެންދަވާށޭ. ފަހަތަށް ޖެހިވަޑައިނުގަންނަވާށޭ." އިބޫ ވިދާޅުވިއެވެ.

ސަރުކާރުގެ މުވައްޒަފުންނަށް ބިރުދައްކައިގެން ރައްޔިތުންގެ އަޑު ކަނޑުވާ ނުލެވޭނެ ކަން ކޮލަމާފުށިން ފެނިގެން ގޮސްފައިވާ ކަމަށާއި ސްކޫލުގެ ޓީޗަރުންނާއި ސަރުކާރުގެ ވަޒީފާތަކުގެ އިސްވެރިން ވެސް ތިބީ ގުޅިފައިވާ ސިޔާސީ ޕާޓީތަކާ އެކު ކަމަށެވެ.

އެންމެ ފަހުން އަޕްޑޭޓް ކުރީ: 3 މަސް ކުރިން | ރިވިއު ކުރީ: އަލީ ޔޫސުފް

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.


އެންމެ ފަހުގެ


މި ލިޔުން ކިޔާލުމުން


އަންތަރީސް ވެއްޖެ

އުފާ ވެއްޖެ

ދެރަ ވެއްޖެ

ރުޅި ގަދަ ވެއްޖެ

މޮޔަވެއްޖެ

ދެން އަތްޖަހާ


ކޮމެންޓް