18 ނޮވެންބަރު 2018 | އާދީއްތަ | 05 ނޮރަ
10 ރަބީޢުލްއައްވަލް 1440
ފަތިސް 04:37
އިރުއަރާ 05:52
މެންދުރު 11:55
އަސްރު 15:15
މަޣްރިބް 17:51
އިޝާ 19:06

ގެމްބިއާ

ގެމްބިއާގެ އާ ރައީސް އަލުން ގައުމަށް އެނބުރިވަޑައިގަންނަވާނޭ ކަމަށް ވިދާޅުވެއްޖެ

  • އަންނަ ހަފްތާގައި ގައުމަށް އެނބުރިވަޑައިގަންނަވާނެ
ރުޝްދާ ރަޝީދު | rushdhar

| 25 ޖެނުއަރީ 2017 | ބުދަ 14:23 | |

މަގުބޫލް

  1. ރާއްޖެޓީވީގެ ބޭނުމަކީ ހިޔާލުތަފާތު ކުރުމާއި ނަފްރަތު އުފެއްދުން: ރައީސް ނަޝީދު
  2. ރައީސް ސޯލިހުގެ ކެބިނެޓަށް އަންހެން ހަތް ވަޒީރުން!
  3. ރައީސް ޔާމީނާއެކު ސިޔާސީ މަސައްކަތްކުރެއްވި ބޭފުޅުންނަށް މި ސަރުކާރުން ފުރުސަތު ދީގެން ނުވާނެ: ރައީސް ނަޝީދު
  4. ހުވާކުރުމުގެ ރަސްމިއްޔާތު ރައީސް ޔާމީން ބޮއިކޮޓް ކުރައްވައިފި
  5. އެނބުރި އަންނާނެ ކަމަށް އެމްޑީޕީއިން ވީ ވައުދު ހަގީގަތަކަށް
  6. ހުވާ ކުރާ ރަސްމިއްޔާތަށް ދަނޑުގައި ހަދާފައި ވަނީ މަޖިލީހުގެ މާލަމެއް
  7. އެންމެ އާދައިގެ ރައްޔިތު މީހާއަށް ވެސް ދައުވަތު ލިބުނު އެންމެ މަތީ ފަންތީގެ ހަފްލާ
  8. އަޅުގަނޑަށް ރަނގަޅީ މެޑަމް ނުވަތަ މަހާރެހެންދި ފަދަ ނަންނަމުން މުހާތަބު ނުކުރެއްވިއްޔާ: ފަޒްނާ


ގެމްބިއާގެ އާ ރައީސް އެޑަމާ ބެރޯ -- ރާއްޖެއެމްވީ ފޮޓޯ : މުހައްމަދު ޝަރުހާން

ގެމްބިއާގެ އާ ރައީސް އެޑަމާ ބެރޯ ހަފްތާއެއްގެ ތެރޭގައި އަލުން ގައުމަށް އެނބުރިވަޑައިގަންނަވާނޭ ކަމަށް ވިދާޅުވެއްޖެ އެވެ.

 

މިދިޔަ ޑިސެމްބަރު މަހު ބޭއްވި އިންތިޚާބުގެ ނަތީޖާ ގަބޫލުނުކޮށް މަގާމުގައި ދެމިހުންނެވުމަށް މަސައްކަތް ކުރެއްވުމުން ކުރީގެ ރައީސް ޔަހްޔާ ޖަމްމޭހް ވަކި ކުރެވުނީ އަވަށްޓެރި ގައުމުތަކުން މެދުވެރިއެއްގެ ރޯލު އަދާކޮށް ވާހަކަ ދައްކައިގެން އަސްކަރީ ބިރު ދައްކައިގެންނެވެ. އިންތިހާބުން ކާމިޔާބު ހޯއްދެވި ބެރޯ މަގާމުގެ ހުވާ ކުރައްވާފައި ވަނީ މިދިޔަ ބުރާސްފަތި ދުވަހު ސެނެގާލްގަ އެވެ.

 

ސީއެންއެން އަށް ދެއްވި އިންޓަވިއުއެއްގައި ބެރޯ ވިދާޅުވީ އަންނަ ހޯމަ ދުވަހު ކެބިނެޓާއި ނައިބު ރައީސްގެ މަގާމަށް އައްޔަންކުރާ ފަރާތްތައް އިއުލާން ކުރައްވާނޭ ކަމަށެވެ. އަދި، ގައުމުގައި ހުރި މައްސަލަތައް ހައްލުކުރުމުގެ މަސައްކަތް ވަގުތުން ފައްޓަވާނޭ ކަމަށް ވެސް ވިދާޅުވި އެވެ.

 

ޖަމްމޭހް ވެރިކަމުން ފައިބާވަޑައިގެން ގައުމު ދޫކުރައްވާ ވަޑައިގެންނެވިއިރު ޚަޒާނާއިން 11 މިލިއަން އެމެރިކާ ޑޮލަރު މަދު ކަމަށް ބެރޯގެ އެޑްވައިޒަރަކު ވިދާޅުވި ވިދާޅުވުމަށް އިޝާރާތް ކުރައްވާ ބެރޯ ވިދާޅުވީ އެފަދަ ހަބަރުތަކެއް ލިބިފައިވާ ކަމަށެވެ. އަދި، މައްސަލައިގެ ތަހުގީގުގައި ގައުމުގެ ސެންޓްރަލް ބޭންކުން ބޭނުންވާ ޑޮކިއުމަންޓްތައް ހޯދުމަށް ނިންމާފައިވާ ކަމަށް ވެސް އޭނާ ވިދާޅުވި އެވެ.

 

އާ ސަރުކާރު ގާއިމްކޮށް، ކަންކަން ހަމައަކަށް އެޅެންދެން، ގައުމުގައި މިހާރު ގާއިމްވެފައި ތިބި ބޭރު ގައުމުތަކުގެ ސިފައިން ތިބޭނެ ކަމަށް ވެސް ބެރޯ ވިދާޅުވި އެވެ. އަދި، ގެމްބިއާގެ އަސްކަރިއްޔާ އިސްލާހުކޮށް، އިތުރަށް ހަރުދަނާ ކުރުމުގެ މަސައްކަތަކީ އިސްކަންދެއްވާނޭ މައްސަލައެއް ކަމަށް ވެސް އޭނާ ވަނީ ފާހަގަ ކުރައްވާފަ އެވެ. އެގޮތުން، އަސްކަރިއްޔާ އިތުރަށް ތަމްރީނުކުރުމުގެ މަސައްކަތުގައި އެފްރިކާ ބައްރުގެ އެހެން ގައުމުތަކުގެ އެހީތެރިކަން ހޯދާނޭ ކަމަށް ބެރޯ ވަނީ ވިދާޅުވެފަ އެވެ.

 

ޖަމްމޭހް ވެރިކަމުން ބޭލުމަށް އެ ބައްރުގެ ގިނަ ގައުމުތަކުގެ އަސްކަރީ އެހީތެރިކަން ލިބުނު އިރު، ޖަމްމޭހް ވެރިކަމުން ބޭލުމަށް އދ. ގެ ސަލާމަތީ މަޖްލިހުންވެސް ވަނީ ތާއީދުކޮށްފަ އެވެ.

އެންމެ ފަހުން އަޕްޑޭޓް ކުރީ: 11 މަސް ކުރިން | ރިވިއު ކުރީ: އަލީ ޔޫސުފް

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.


އެންމެ ފަހުގެ


މި ލިޔުން ކިޔާލުމުން


އަންތަރީސް ވެއްޖެ

އުފާ ވެއްޖެ

ދެރަ ވެއްޖެ

ރުޅި ގަދަ ވެއްޖެ

މޮޔަވެއްޖެ

ދެން އަތްޖަހާ


ކޮމެންޓް