20 ސެޕްޓެންބަރ 2018 | ބުރާސްފަތި | 14 އުތުރަ
10 މުޙައްރަމް 1439
ފަތިސް 04:43
އިރުއަރާ 05:54
މެންދުރު 12:04
އަސްރު 15:06
މަޣްރިބް 18:05
އިޝާ 19:16

އޮބާމާ ފަލަސްތީނަށް އެހީ ދެއްވ

އޮބާމާ ވެރިކަން ނިންމަވާލެއްވީ ފަލަސްތީނަށް 221 މިލިއަން ޑޮލަރު ދޫކުރައްވާފައި

  • ފައިސާ ދޫކުރެއްވީ ވެރިކަމުގެ އެންމެފަހު ވަގުތުކޮޅު
  • ފައިސާ ދޫކުރައްވާފައިވަނީ ކޮންގްރެސްގެ ބައެއް މެންބަރުން ނުރުހުން ފާޅުކުރައްވަނިކޮށް
އަހުމަދު ފައިރޫޒު | Ahmed_Fairoox

| 24 ޖެނުއަރީ 2017 | އަންގާރަ 17:15 | |

މަގުބޫލް

  1. ޕީޕީއެމްގެ ސައިޒު ދައްކަން ގެނައި މީހުންނަށް ފައިސާ ބެހިކަން ފަޅާ އަރައިފި
  2. ކޮރަޕްޝަނަށް މަގުފަހިވާ ގޮތަށް ފަޅުރަށާއި ފަޅުތައް ދޫކުރުމުގައި ރައީސް ޔާމީންގެ ބައިވެރިވުން ސީދާ އޮތް ކަމަށް އޯސީސީއާރުޕީން ފަޅާއަރުވާލައިފި
  3. މަޤާމުގައި ހުރެގެން ޝަހީމް ކެމްޕޭނުގައި، މުވައްޒަފުންގެ ކަންބޮޑުވުންތަކުގެ ޕެޓިޝަނެއް ރައީސް އޮފީހަށް
  4. ތައުލީމީ ދާއިރާގެ ގިނަ ބަޔަކު އަނެއްކާ ވެސް އިބޫއާ ބައްދަލުކޮށްފި
  5. ސިޔާސީ ހަރަކާތް ހިންގުން މަނާ ޖުމްހޫރީ މައިދާނަށް ޕީޕީއެމްގެ ސަޕޯޓަރުން!
  6. ވައްކަން ކުރުމަށް ހިތްވަރުދޭ ފަދަ ގޮތަކަށް ރައީސް ޔާމީން އަނެއްކާ ވެސް ވާހަކަފުޅު ދައްކަވައިފި
  7. ސަރުކާރުން ޕްރޮމޯޓްކުރާ ޕްރޮޖެކްޓްތައް ހިންގާ ކުންފުނިތަކުން އިސްލާމް ދީނަށް ފުރައްސާރަކުރަނީ!
  8. މިނިސްޓަރު މުއިއްޒު ވެސް ހާޑިންގހަމްއާ އެކު!


އޮބާމާގެ މި ނިންމެވުމާއިމެދު ރައީސް ޓްރަމްޕް ހިތްހަމަ ނުޖެހޭނެ ކަމަށް ބެލެވޭ -- ގޫގުލް

ކޮންގްރެސްގެ ބައެއް މެންބަރުންގެ ނުރުހުން ފާޅުކުރެއްވި ނަމަވެސް އެމެރިކާގެ ކުރީގެ ރައީސް ބަރަކް އޮބާމާ ވެރިކަން ނިންމަވާލެއްވީ ފަލަސްތީނަށް 221 މިލިއަން ޑޮލަރު ދޫކުރައްވާފައި ކަމަށް ސްޓޭޓް ޑިޕާޓްމަންޓުގެ އޮފިޝަލުން ބުނެފިއެވެ.

 

އެމެރިކާގެ ސްޓޭޓް ޑިޕާޓްމަންޓްގެ އޮފިޝަލުންނާ ޙަވާލާދީ ޚަބަރުތައް ބުނާ ގޮތުގައި އޮބާ އެގޮތަށް އަމަލުކުރައްވާފައިވަނީ ވެރިކަމުން ފައިބައިވަޑައިގަތުމުގެ ކުޑަ ވަގުތުކޮޅެއް ކުރިންނެވެ.

 

އޮބާމާ މި ނިންމެވުމަކީ ރައީސް ޑޮނަލްޑް ޓްރަމްޕުގެ ހިތްހަމަނުޖެހުން އުފެދޭނެ ކަމެއް ކަމަށް ބެލެވެއެވެ. ވެރިކަމަށް ވަޑައިގަތުމަށް ފަހުގައާ އޭގެ ކުރިން ވެސް ޓްރަމްޕް ވަނީ އިޒްރޭލަށް ތާއީދުކޮށް ވަރަށް ބޮޑަށް ވާހަކަ ދައްކަވައިފަ އެވެ.

 

އޮބާމާގެ ވެރިކަމުގެ ފަހު ވަގުތުކޮޅުގައި ފަލަސްތީނަށް މި ފައިސާ ދޫކުރި ނަމަވެސް، ކުރިން އެމެރިކާގެ 2015 އަދި 2016 ގެ ބަޖެޓްގައި ފަލަސްތީނަށް އެހީ ދޭން ފާސްކޮށްފައިވެއެވެ.

 

ފަލަސްތީނަށް އެހީވުމަށް ބަޖެޓުގައި ހިމަނާ ފާސްކުރިޔަސް ކޮންގްރެސްގެ ބައެއް ކޮމިޓީތަކުގައި ހިމެނިވަޑައިގަންނަވާ މެންބަރުން ވަނީ އެ ފައިސާ ދޫކުރަން ދެކޮޅު ހަދައިފަ އެވެ.

 

އޮބާމާގެ ވެރިކަމުގެ ފަހު ވަގުތުކޮޅުގައި ފަލަސްތީނަށް ދޫކޮށްފައިވާ 221 މިލިއަން ޑޮލަރަކީ ހުޅަނގު އައްސޭރި އާއި ގާޒާގެ އިންސާނީ އެހީގެ ގޮތުގައި ބޭނުން ކުރުމަށް ދޫކުރި ފައިސާއެވެ. މި ފައިސާ ދޫކުރުމަށް އޮބަމާގެ ވެރިކަމުގައި މަސައްކަތްތަކެއް ކޮށްފައިވެއެވެ.

 

ފަލަސްތީނާށް އެހީވުމަށް ފައިސާ ދޫކުރުމަށް ކޮންގްރެސް އިން ފާސްކުރުމުން އެކަން ހުއްޓުވުމަކީ ޤާނޫނީ ގޮތުން އެމެރިކާގައި ކުރެވޭ ކަމެއް ނޫނެވެ. ނަމަވެސް ކޮންގްރެސްގެ މެންބަރުން ދެކޮޅު ހަދާނަމަ އެމެރިކާގައި އޭރަކު އޮންނަ ސަރުކާރަކުން އެކަމަށް އިހުތިރާމްކުރެއެވެ.

 

ސްޓޭޓް ޑިޕާޓްމަންޓުގެ އޮފިޝަލުންނާއި ޙަވާލާދީ ޚަބަރުތައް ބުނާގޮތުން 221 މިލިއަން ޑޮލަރު ފަލަސްތީނަށް ދޫކުރީ ހުކުރު ދުވަހު ހެނދުނު އެވެ. އަދި ކޮންގްރެސް އަށް ލިޔުމުން އެންގީ އެމެރިކާގެ އައު ރައީސް ޑޮނަލްޑް ޓްރަމްޕް ހުވާ ކުރެއްވުމުގެ ކުޑަ ވަގުތު ކޮޅެއް ކުރިންނެވެ.

 

ރައީސް އޮބާމާގެ ވެރިކަމުގެ ފަހު ވަގުތުކޮޅު، ޓްރަމްޕް ހުވާކުރުމަށް ގާތްވެފައިވަނިކޮށް އެ ފައިސާ ފަލަސްތީނަށް ދޫކުރާކަން ކޮންގްރެސްއަށް އެންގެވީ ކުރީގެ ޚާރިޖީ ވަޒީރު ޖޯން ކެރީއެވެ.

 

އެންމެ ފަހުން އަޕްޑޭޓް ކުރީ: 9 މަސް ކުރިން | ރިވިއު ކުރީ: އަލީ ޔޫސުފް

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.


އެންމެ ފަހުގެ


މި ލިޔުން ކިޔާލުމުން


އަންތަރީސް ވެއްޖެ

އުފާ ވެއްޖެ

ދެރަ ވެއްޖެ

ރުޅި ގަދަ ވެއްޖެ

މޮޔަވެއްޖެ

ދެން އަތްޖަހާ


ކޮމެންޓް