18 ނޮވެންބަރު 2018 | އާދީއްތަ | 05 ނޮރަ
10 ރަބީޢުލްއައްވަލް 1440
ފަތިސް 04:37
އިރުއަރާ 05:52
މެންދުރު 11:55
އަސްރު 15:15
މަޣްރިބް 17:51
އިޝާ 19:06

ޕާކިސްތާނުގެ އާއްމު އިންތިޚާބު

ޕާކިސްތާނުގެ އާއްމު އިންތިޚާބު: ހައެއް ޖެހުމާއިއެކު ކިއުތައް ބަންދުކޮށްފި

  • ެއެއްމެ ހާދިސާއެއް ހިނގުން ފިޔަވައި ޖުމްލަކޮށް ސުލްހަވެރި: އިލެކްޝަންސް
  • ވޯޓްލާން ނުކުތް މީހުންގެ އަދަދު އަދި ހާމައެއް ނުކުރޭ
އަބުދުﷲ މުހައްމަދު | 8Abbo

| 25 ޖުލައި 2018 | ބުދަ 18:59 | |

މަގުބޫލް

  1. ރައީސް ސޯލިހުގެ ކެބިނެޓަށް އަންހެން ހަތް ވަޒީރުން!
  2. ހުވާކުރުމުގެ ރަސްމިއްޔާތު ރައީސް ޔާމީން ބޮއިކޮޓް ކުރައްވައިފި
  3. ހުވާ ކުރާ ރަސްމިއްޔާތަށް ދަނޑުގައި ހަދާފައި ވަނީ މަޖިލީހުގެ މާލަމެއް
  4. އެނބުރި އަންނާނެ ކަމަށް އެމްޑީޕީއިން ވީ ވައުދު ހަގީގަތަކަށް
  5. އެންމެ އާދައިގެ ރައްޔިތު މީހާއަށް ވެސް ދައުވަތު ލިބުނު އެންމެ މަތީ ފަންތީގެ ހަފްލާ
  6. އާ ސަރުކާރުގެ ވަޒީރުން ހުވާ ކުރެއްވުން މިރޭ
  7. ބޮޑު ސުވާލެއް: ޝޭޚް އިމްރާންގެ ވަޒީރުކަމުގެ ޝަރުތު ހަމަވޭތަ؟
  8. މާދަމާ ބަންދު ދުވަހެއްގެ ގޮތުގައި ކަނޑައަޅަނީ


25 ޖުލައި 2018 ގައި ޕާކިސްތާނުގެ އާއްމު އިންތިޚާބުގައި ބަލޮޗިސްތާނުގެ ވޯޓް ކިއުއެއްގައި މީހުން މަޑުކޮށްގެން -- ސަމާ ޓީވީ

ޕާކިސްތާނުގައި ކުރިޔަށްދާ އާއްމު އިންތިޚާބުގައި ވޯޓްލާ މަރުކަޒުގެ ކިއުތައް ބަންދުކޮށްފިއެވެ.

ވޯޓްލުން ކުރިޔަށް ގެންގޮސްފައިވަނީ ހެނދުނު އަށަކުން އިރުއޮއްސި ހައެއް ޖެހުމާއިހަމަށެވެ.

ވޯޓްލާ ކިއުތައް ބަންދުކޮށްފައިވާއިރު މުޤްތަދާ ޤައުމީ މޫވްމަންޓް ޕާޓީގެ ކެންޑިޑޭޓް ފާރޫގް ސައްތާރުވަނީ އިތުރު ތިން ގަޑިއިރު ދިނުމަށް ގޮވާލައްވާފައެވެ. އޭނާވަނީ ވޯޓު އޮޅުވާލުމުގެ ކަންކަން ކުރިޔަށްދާކަމަށާއި ވޯޓުލުމުގެ މަރުހަލާތައް ގަސްތުގައި ލަސްކުރަމުންދާކަމަށް ތުހުމަތު ކުރައްވާފައެވެ.

ނަމަވެސް އޭނާވަނީ ކުޑަކުޑަ ތަފާތަކުން އެ ޕާޓީ މޮޅުވާނެކަމަށް ބުނެފައެވެ.

ޕާކިސްތާނުގެ އިލެކްޝަންސް ކޮމިޝަނުގެ ސެކްރެޓަރީ ބާބަރް ޔައުގޫބުވަނީ އިންތިޚާބުގެ ވޯޓްލުމަށް ނުކުތް މީހުންގެ އަދަދާއިމެދު މިވަގުތު އަދި ވާހަކަދައްކަވަން ބޭނުންފުޅު ނުވާކަމަށް ވިދާޅުވެފައެވެ.

އޭނަ ވިދާޅުވިގޮތުގައި ބަލޮޗިސްތާނުގައި ހިނގާދިޔަ ހާދިސާ ފިޔަވައި ހުރިހާ ހިސާބެއްގައިވެސް ވޯޓްލުން ދިޔައީ ޖުމްލަކޮށް ސުލްހަވެރިކަމާއިއެކުއެވެ. މީގެ އިތުރުން އޭނާވަނީ 2013 ވަނަ އަހަރުގެ އިންތިޚާބަށްވުރެ މި އިންތިޚާބުގެ ތައްޔާރީތައް ރަނގަޅުކަމަށް ވިދާޅުވެފައެވެ.

އަށެއް ޖެހިއިރު ވޯޓްލުން ފަށާފައި ވާއިރު 7 ޖެހުމުގެ ކުރިން ގިނަ ސްޓޭޝަންތަކުގެ ކައިރީގައި ކިއު ހަދާފައިވެއެވެ.

ޖުލައި 25 ވަނަ ދުވަހު އޮންނަ އިންތިޚާބުގައި ވޯޓު ލުމަށް 85،000 މަރުކަޒު ކަނޑައަޅާފައިވެއެވެ. އިންތިޚާބުގައި، ނޭޝަނަލް އެސެމްބްލީގެ ގޮނޑިތަކަށް 3،765 ކެންޑިޑޭޓުން ވާދަ ކުރެއެވެ.

ޕާކިސްތާނުގެ އިލެކްޝަންސް ކޮމިޝަނުން މިހަފްތާގައި ބުނެފައިވާ ގޮތުގައި އިންތިހާބީ ދުވަހު ސަލާމަތީ ކަންކަން ބެލެހެއްޓުމަށް 800،000 މީހުން މަސައްކަތް ކުރާނެއެވެ. އޭގެ ތެރޭގައި 370،000 ސިފައިން ވެސް ހިމެނެއެވެ.

މި އިންތިޚާބުގައި ވޯޓްލުމަށް 105.95 މިލިއަން މީހުން ރަޖިސްޓްރީކޮށްފައިވެއެވެ.

ވޯޓްލުމުގެ ހައްގު ލިބިފައިވާ 59 މިލިއަން ފިރެހެނުން ތިބިއިރު ވޯޓްލުމުގެ ހައްގު ލިބިފައިވާ އަންހެނުންގެ އަދަދަކީ 47 މިލިއަނެވެ.

ޕާކިސްތާނުގެ ދީރްގައި ވޯޓްލުމަށްޓަކައި އަންހެނުން ހެނދުނުން ފެށިގެން ކިއޫގައި ތިބި އިރު މިއީ 1977 ގެ ފަހުން އެ ސަރަހައްދުގައި އަންހެނުން ވޯޓްލާ ފުރަތަމަ ފަހަރުކަމަށް ސަމާ ޓީވީން ރިޕޯޓްކޮށްފައިވެއެވެ.

އެންމެ ފަހުން އަޕްޑޭޓް ކުރީ: 4 މަސް ކުރިން | ރިވިއު ކުރީ: އަހްމަދު ސާއިފް ޝިޔާދް

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.


އެންމެ ފަހުގެ


މި ލިޔުން ކިޔާލުމުން


އަންތަރީސް ވެއްޖެ

އުފާ ވެއްޖެ

ދެރަ ވެއްޖެ

ރުޅި ގަދަ ވެއްޖެ

މޮޔަވެއްޖެ

ދެން އަތްޖަހާ


ކޮމެންޓް