18 ފެބުރުއަރީ 2019 | ހޯމަ | 05 ހިޔަވިހާ
13 ޖުމާދަލްއާޚިރާ 1440
ފަތިސް 05:06
އިރުއަރާ 06:19
މެންދުރު 12:24
އަސްރު 15:40
މަޣްރިބް 18:22
އިޝާ 19:34

އެމްއެމްއޭގެ ސަރވޭ

މިދިއަ އަހަރުގެ ފަހު ކުއާޓަރގައި ވިޔަފާރިތަކުން ވަނީ ވަރަށް ބޮޑު ކުރިއެރުންތަކެއް ހޯދާފައި: އެމްއެމްއޭ

  • ފަތުރުވެރިކަމުގެ ދައިރާގެ 45 ޕަސެންޓް ވިޔަފާރިތަކުން ވަނީ އެފަރާތްތަކުގެ މާލީ ހާލަތު ހަތަރު ވަނަ ކުއަޓަރގައި ރަގަޅުކަން ފާހަގަކޮށްފަ
ފާތިމަތު ޝަނާ މުހައްމަދު | FathimathShana

| 20 ޖެނުއަރީ 2017 | ހުކުރު 05:00 | |

މަގުބޫލް

  1. އިންޑިއާ ސިފައިންގެ ބެލުމުގެ ދަށަށް ގެންދިޔަ މަސްދޯނި ރާއްޖެއައުމަށް ދަތުރު ފަށައިފި
  2. ޒަހަމްތަކާއެކު މަރުވެފައި އޮތް މީހަކު ގއ. ވިލިނގިލިން ފެނިއްޖެ
  3. ބްރިޖް ހައިވޭގައި ދުއްވާފައި ދިޔަ ކާރެއް ކޮންޓްރޯލް ނުވެ ގޮސް މޫދު ތޮށްޓަށް
  4. ކަމަދޫ ކައުންސިލްގެ ރައީސް ހައްޔަރުކޮށްފި
  5. މަނީ ލޯންޑްރިންގެ ބޮޑު ދައުވާ: ޝަރުއީ ދާއިރާއަށް އާ ކަމެއް!
  6. ވިލިނގިލީ މަރު: މަރާލި ކަމުގެ ތުހުމަތާއި ކަރަންޓް ޖެހުނު ކަމުގެ ވާހަކަތަކެއް!
  7. އެސްއޯއެފްގެ އެކައުންޓް ސްޓޭޓްމަންޓަކީ ކެރެކްޓަރ ސެޓްފިކެޓެއް ނޫން!
  8. ސިމްބޮލިކް ރިކޯޑްސްއަށް 'ހުރެވެނީ' ކޮން އިންތިޒާރެއްގައި؟


އެމްއެމްއޭ:ކޮންސްޓްރަކްޝަން މަސައްކަތްތައް ކުރާ ފަރާތްތަކުގެ ވިޔަފާރީގެ 40 ޕަސެންޓް ކުރިއެރުން ހޯދާފައިވާ ކަމަށް ސާވޭއިން ދައްކާ -- ގޫގުލް

މިދިއަ އަހަރުގެ އެންމެ ފަހު ކުއާޓަރގައި ރާއްޖޭގައި ހިންގާ ތަފާތު އެކި ވިޔަފާރިތަކުގެ ކުރިއަރުން ވަރަށް ބޮޑުތަން އިތުރުވެފައިވާ ކަމަށް އެމްއެމްއޭ އިން ހާމަކޮށްފި އެވެ.

ދައުލަތުގެ މަރުކަޒީ ބޭންކެ މޯލްޑިވްސް މަނިޓަރީ އޮތޯރިޓީ އެމްއެމްއޭ އިން އާއްމުކޮށްފައިވާ 2016 ވަނަ އަހަރުގެ ހަތަރު ވަނަ ކުއާޓަރގެ ބިޒްނަސް ސަރވޭގައި ވާގޮތުން އެއަހަރުގެ ތިން ވަނަ ކުއާޓަރ އަށް ވުރެ ހުރިހާ ވިޔަފާރިތަކެއްގެ މުއާމަލާތްތައް ވަނީ އިތުރުވެ ކުރިއަރާފަ އެވެ.

އެގޮތުން ކޮންސްޓްރަކްޝަން މަސައްކަތްތައް ކުރާ ފަރާތްތަކުގެ ވިޔަފާރީގެ 40 ޕަސެންޓް ކުރިއެރުން ވަނީ ހޯދާފަ އެވެ.

އެދައިރާގާ މަސައްކަތްކުރި މުވައްޒަފުންގެ ނިސްބަތައް ބަލާ އިރު 2016 ވަނަ އަހަރުގެ ތިން ވަނަ ކުއަޓަރ އާއި އަޅާބަލާ އިރު މާ ބޮޑު ތަފާތެއް ނެތް ކަމަށް ސަރވޭގެ ނަތީޖާއިން އެނގޭކަމަށް އެމްއެމްއޭއިން ހާމަކުރެ އެވެ. އެހެން ނަމަވެސް ކުންފުނިތަކުގެ މާލީ ހާލަތަށް ބަލާ އިރު 44 ޕަސެންޓް ކުންފުނިން މާލީ ހާލަތު ދައްވިކަމަށް ފާހަގަކުރި އިރު 32 ޕަސެންޓް ކުންފުނިންވަނީ މާލީ ހާލަތު ރަގަޅުވިކަން ފާހަގަކޮށްފަ އެވެ. މީގެ އިތުރުން ފައިސާ ހޯދުމުގައި ތިން ވަނަ ކުއަޓަރ އަށްވުރެ ހަތަރުވަނަ ކުއަޓަރގައި އުނދަގޫތަކާ ކުރިމަތިލާން ޖެހިފައިވާ ކަަމަށް ސަރވޭގައި ބައިވެރިވި ފަރާތްތަކުގެ 80 ޕަސެންޓް ވަނީ ބުނެފަ އެވެ.

ހަތަރުވަނަ ކުއަޓަރ އަކީ އާއްމުގޮތެއްގައިވެސް ފަތުރުވެރިކަމުގެ އެންމެ ބޮޑު ފައިދާ އެއް ލިބޭ ދުވަސް ވަރަށްވާ އިރު 2016 ވަނަ އަހަރުގެ ތިން ވަނަ ކުއަޓަރ އަޅާ ބަލާ އިރު ރިސޯޓް ތަކުގެ ބުކިން ވަނީ 88 ޕަސެންޓް އިތުރުވެފަ އެވެ. މީގެ އިތުރުން ރޫމް ރޭޓުތައްވެސް 91 ޕަސެންޓް ވަނީ އިތުރުވެފަ އެވެ.

ފަތުރުވެރިކަމުގެ ދައިރާގެ 45 ޕަސެންޓް ވިޔަފާރިތަކުން ވަނީ އެފަރާތްތަކުގެ މާލީ ހާލަތު ހަތަރު ވަނަ ކުއަޓަރގައި ރަގަޅުކަން ފާހަގަކޮށްފަ އެވެ.

ހޯލް ސޭލް އަދި ރީޓެއިލް ވިޔަފާރިތަކަށް ބަލާ އިރު ތިން ވަނަ ކުއަޓަރ އާއި އަޅާ ބަލާ އިރު ހަތަރުވަނަ ކުއަޓަރގައިވަނީ 87 ޕަސެންޓް ވިޔަފާރީގެ ކުރި އެރުން ހޯދާފަ އެވެ. މިދައިރާގައިވެސް ވަޒީފާއަށް މީހުން އިތުރު ކުރުމުގާއި ތިން ވަނަ ކުއަޓަރ އާއި އަޅާ ބަލާ އިރު ތަފާތެއް ނެތް ކަމަށް ވިޔަފާރިތަކުން ވަނީ ބުނެފަ އެވެ.

އެމްއެމްއޭ އިން އަންނަނީ މަހުންމަހަށް ރާއްޖޭގެ އިގްތިސާދީ ބަދަލުތަކާއި، ވިޔަފާރީގެ ދައިރާ އަށް އަންނަ ބަދަލުތައް އާއްމުކުރަމުން ނެވެ.

 

 

އެންމެ ފަހުން އަޕްޑޭޓް ކުރީ: 1 އަހަރު ކުރި | ރިވިއު ކުރީ:

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.


އެންމެ ފަހުގެ


މި ލިޔުން ކިޔާލުމުން


އަންތަރީސް ވެއްޖެ

އުފާ ވެއްޖެ

ދެރަ ވެއްޖެ

ރުޅި ގަދަ ވެއްޖެ

މޮޔަވެއްޖެ

ދެން އަތްޖަހާ


ކޮމެންޓް