18 ސެޕްޓެންބަރ 2018 | އަންގާރަ | 13 އުތުރަ
08 މުޙައްރަމް 1439
އިޝާ 19:17
މަޣްރިބް 18:06
އަސްރު 15:06
މެންދުރު 12:04
އިރުއަރާ 05:55
ފަތިސް 04:44

އެންޓޮއިން ގްރީޒްމަން

ޗެމްޕިއަންސް ލީގު ހޯދަން މެސީ ބޭނުންވަނީ ގްރީޒްމަން ގެންނަން

  • ގްރީޒްމަން ހޯދުމަށް ބާސާއިން އަންނަނީ މަސައްކަތްކުރަމުން
  • 2015 ވަނަ އަހަރުގެ ފަހުން މެސީގެ ބާސެލޯނާއަށް ޗެމްޕިއަންސްއ ލީގުގެ ތަށި ހޯދިފައިނުވޭ
އަހްމަދު ސާއިފް ޝިޔާދް | Saaif80

| 10 ޖޫން 2018 | އާދީއްތަ 17:33 | |

މަގުބޫލް

  1. ޕީޕީއެމްގެ ސައިޒު ދައްކަން ގެނައި މީހުންނަށް ފައިސާ ބެހިކަން ފަޅާ އަރައިފި
  2. ކޮރަޕްޝަނަށް މަގުފަހިވާ ގޮތަށް ފަޅުރަށާއި ފަޅުތައް ދޫކުރުމުގައި ރައީސް ޔާމީންގެ ބައިވެރިވުން ސީދާ އޮތް ކަމަށް އޯސީސީއާރުޕީން ފަޅާއަރުވާލައިފި
  3. ރައީސް އެވެ، ގޭންގުތަކުގެ ސައިންޓިފިކް ދިރާސާ މިއޮތީ!
  4. އައު ރަންވޭގައި ހުސް ފްލައިޓް ނުޖައްސާ ޤައުމީ ޓީމް ގޮވައިގެން ފްލައިޓް ޖެއްސުމަށް މަހުލޫފް ގޮވާލައިފި
  5. ޕީޕީއެމް ޖަލްސާއަށް ގެންނަ މީހުނަށް އަޅާނުލަކަމުގެ ޝަކުވާތަކެއް!
  6. މާލޭގެ ބޮޑު ސަރަހައްދެއްގެ ބޯފެނަށް ނަޖިހުގެ އަސަރުކުރުމުގެ ފުރުސަތު އެބައޮތް: ތަޖުރިބާކާރެއް
  7. މާމިގިލިން ޕީޕީއެމް އަށް ތާއީދުކުރި ޒުވާނުންތަކެއް އިބޫ ތާއިދުކޮށްފި
  8. މަޤާމުގައި ހުރެގެން ޝަހީމް ކެމްޕޭނުގައި، މުވައްޒަފުންގެ ކަންބޮޑުވުންތަކުގެ ޕެޓިޝަނެއް ރައީސް އޮފީހަށް


އެންޓޮއިން ގްރީޒްމަން -- ގެޓީ އިމޭޖާސް

އަންނަ ސީޒަނުގެ ޔުއެފާ ޗެމްޕިއަންސް ލީގު ހޯދަން ބޭނުންވާނަމަ ފްރާންސްގެ ފޯވާޑް އެންޓޮއިން ގްރީޒްމަން ގެންނަންޖެހޭ ކަމަށް ބާސެލޯނާގެ ކެޕްޓަން ލިއޮނެލް މެސީ ބުނެފިއެވެ.

ގްރީޒްމަންއާ ގުޅިގެން މިގޮތަށް މެސީ ވާހަކަ ދައްކާފައިވާއިރު އަންނަ ސީޒަނުގައި ގްރީޒްމަން ފެންނާނީ ބާސާއިން ކަމަށް ބެލެވެއެވެ. އެގޮތުން އެޓްލެޓިކޯއާއެކު އެންމެ އެދެވޭ ކާމިޔާބު ނުހޯދޭތީ ގްރީޒްމަން އެހެން ޓީމަކަށް ބަދަލުވާން ބޭނުންވާ ކަމަށް ރިޕޯޓްތައް ބުނެއެވެ.

2015 ވަނަ އަހަރުގެ ފަހުން މެސީގެ ބާސެލޯނާއަށް ޗެމްޕިއަންސް ލީގުގެ ތަށި ހޯދިފައިނުވާއިރު އަންނަ ސީޒަނުގެ ޗެމްޕިއަންސް ލީގު ހޯދުމަށް އެ ޓީމުން އަންނަނީ އައު ކުޅުންތެރިން ގެނައުމުގެ މަސައްކަތްކުރަމުންނެވެ. ނޫސްވެރިންނާއި ވާހަކަ ދައްކަމުން މެސީ ބުނީ އަލުން އަނބުރާ ޗެމްޕިއަންސް ލީގު ހޯދަން ބޭނުންވާނަމަ އެންމެ މޮޅު ކުޅުންތެރިން ޓީމުގައި ތިބެން ޖެހޭ ކަމަށާއި ގްރީޒްމަންއަކީ އޭގެތެރޭގައި ހިމެނޭ ކުޅުންތެރިޔެއް ކަމަށެވެ.

މެސީ ބުނީ ބާސާއިން ގްރީޒްމަން ގެނައުން ވެގެންދާނީ ލިބޭ ވަރަށް ބޮޑު ކުރިއެރުމަކަށް ކަމަށާއި އޭނާ ގެންނަން ކުރަމުންދާ މަސައްކަތް ނޭނގޭ ކަމަށެވެ. ގްރީޒްމަން ގެނައުމުގެ ހުރިހާ މައުލޫމާތެއް އެނގޭނީ ކޯޗާއި ޓްރާންސްފާގެ ކަންކަމުގައި އުޅޭ މީހުންނަށް ކަމަށް މެސީ ބުނެފައިވެއެވެ. ހަމައެހެންމެ ޗެމްޕިއަންސް ލީގު ހޯދުމަށް ދުނިޔޭގައި ތިބި އެންމެ މޮޅު ކުޅުންތެރިން ގެންނަންޖެހޭ ކަމަށް މެސީ ބުނެފައިވެއެވެ.

މެސީ ބުނީ ގްރީޒްމަންއަކީ އޭނާއަށް ވަރަށް ކަމުދާ ކުޅުންތެރިޔެއް ކަމަށާއި އަދި އެއީ އެންމެނަށް ވެސް އެނގޭ ކަމެއް ކަމަށެވެ. މެސީ ބުނީ ގްރީޒްމަންއަކީ މިވަގުތު ދުނިޔޭގައި ތިބި އެންމެ މޮޅު ކުޅުންތެރިންގެ ތެރޭގައި ގުނާލެވޭ ކުޅުންތެރިޔެއް ކަމަށެވެ. އޭނާ ބުނީ ގްރީޒްމަން ބާސާއަށް ބަދަލުވާން އުޅޭ ކަމަށް ބުނާ ވަހަކަތަކަށް އެއްވެސް ޖަވާބެއް ދެވެން ނެތް ކަމަށާއި އެހެން ނަމަވެސް ދުނިޔޭގެ އެންމެ މޮޅު ކުޅުންތެރިންގެ ތެރޭގައި ގުނާލެވޭ ކުޅުންތެރިޔަކު އެ ޓީމާއި ގުޅުމަކީ ލިބޭނެ ކުރިއެރުމެއް ކަމަށެވެ.

ބާސާގެ އިތުރުން އިނގިރޭސިވިލާތުގެ މެންޗެސްޓާރ ޔުނައިޓެޑުން ވެސް އަންނަނީ އުމުރުން 27 އަހަރުގެ ފޯވާޑުގެ ސޮއި ހޯދުމުގެ މަސައްކަތް ކުރަމުންނެވެ.

ސްޕެއިންގެ ބައެއް ނޫސްތަކުން ވަނީ އޭނާ ބާސާއަށް ބަދަލުވުމަށް އެ ޓީމާއެކު އެއްބަސްވުމަކަށް އައިސްފައިވާ ކަމަށް ބުނެ ހަބަރު ފަތުރާފައެވެ.

ގްރީޒްމަން ހޯދުމަށް ބާސާއިން ކުރަމުންދާ މަސައްކަތްތަކާއި ގުޅިގެން އެޓްލެޓިކޯއިން ވަނީ ދާދިފަހުން ބާސާއަށް އިންޒާރުދީ ބަޔާނެއް ވެސް ނެރެފައެވެ. އެ ޓީމުން ވަނީ ގްރީޒްމަން ނުވިއްކާނެ ކަމަށް ބުނެ ދައްކަމުންދާ ވާހަކަ ތަކުރާރު ވެސް ކޮށްފައެވެ.

އެޓްލެޓިކޯއާ އެކު ގްރީޒްމަން ހަދާފައިވާ ކޮންޓްރެކްޓްގެ މުއްދަތު ހަމަވަނީ 2022 ވަނަ އަހަރު ކަމަށްވާއިރު އޭނާގެ ރިލީޒްފީއެއްގެ ގޮތުގައި ކޮންޓްރެކްޓްގައި ކަނޑައަޅާފައި ވަނީ 200 މިލިއަން ޔޫރޯއެވެ. އެހެން ނަމަވެސް މިއަހަރުގެ ޖުލައި މަހަށް ފަހު މި އަދަދު 100 މިލިއަން ޔޫރޯއަށް ދަށްވެގެން ދާނެއެވެ.

ގްރީޒްމަން ވަނީ މި ސީޒަނުގައި ވެސް މޮޅު ކުޅުމެއް ދައްކާފައެވެ. އެޓްލެޓިކޯއާއެކު ޔުއެފާ ޔުރޮޕާ ލީގު ކާމިޔާބުކުރި ގްރީޒްމަން ވަނީ އެ ޓީމަށް ކުޅުނު 48 މެޗުގައި މި ސީޒަނުގައި 29 ލަނޑު ޖަހާފައެވެ.

އެންމެ ފަހުން އަޕްޑޭޓް ކުރީ: 3 މަސް ކުރިން | ރިވިއު ކުރީ: ރާއްޖެއެމްވީ ލޯކަލް

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.


އެންމެ ފަހުގެ


މި ލިޔުން ކިޔާލުމުން


އަންތަރީސް ވެއްޖެ

އުފާ ވެއްޖެ

ދެރަ ވެއްޖެ

ރުޅި ގަދަ ވެއްޖެ

މޮޔަވެއްޖެ

ދެން އަތްޖަހާ


ކޮމެންޓް