21 ފެބުރުއަރީ 2019 | ބުރާސްފަތި | 08 ހިޔަވިހާ
16 ޖުމާދަލްއާޚިރާ 1440
އިޝާ 19:34
މަޣްރިބް 18:22
އަސްރު 15:39
މެންދުރު 12:24
އިރުއަރާ 06:18
ފަތިސް 05:06

ޖިއަންލުއީޖީ ބުފޮން

ބުފޮން ތިން މެޗަށް ސަސްޕެންޑްކޮށްފި

  • އޭނާ ސަސްޕެންޑްކުރީ ރެފްރީއާ ޒުވާބުކުރުމުން
އަހްމަދު ސާއިފް ޝިޔާދް | Saaif80

| 7 ޖޫން 2018 | ބުރާސްފަތި 01:51 | |

މަގުބޫލް

  1. ސުޝާންތްއާ އެކު ޑޭޓްނުކުރުމަށް ސާރާއަށް ނަސޭހަތްތެރިވިން: ކަރީނާ
  2. ރައީސް ޔާމީނުގެ ހާލަތު ޅެން ބައިތަކުން
  3. ނިހާން ފުލުހުންގެ ވެހިކަލަކަށް ހުރަސްއަޅާ ވީޑީއޯއެއް އާންމުވެއްޖެ
  4. ޝަމީމާ ބޭގަމް އޭނާގެ ގައުމަށް އެނބުރި ދިއުމަށް އާއިލާއިން ދެކޮޅު ހަދައިފި
  5. ފާއިތުވި މުއްދަތުގެ މުސާރައާއެކު ސިމާދަށް އަލުން ވަޒިފާ ދޭން ހުކުމް ކޮށްފި
  6. ރާއްޖެ ހަމަ މަގަށް އެޅޭނީ ރައީސް ކަމަށް ގާސިމް ގެނެސްގެން: އަދުރޭ
  7. ޖުޑީޝަރީ އިސްލާހު ކުރަން ތާއިދު ކުރައްވައި، ސަރުކާރު އެހީއަށް އުއްތަމަ ފަނޑިޔާރު އެދިވަޑައިގެންފި
  8. މަސްވެރިޔާ ކާޑު ރައީސް ސޯލިހް މާދަމާ ރޭ ތައާރަފުކޮށް ދެއްވަނީ


ޖިއަންލުއީޖީ ބުފޮން -- ގެޓީ އިމޭޖާސް

ޔޫރަޕުގެ ފުޓްބޯޅައިގެ މައި އިދާރާއިން އިޓަލީގެ ތަޖުރިބާކާރު ކީޕަރު ޖިއަންލުއީޖީ ބުފޮން ތިން މެޗަށް ސަސްޕެންޑްކޮށްފިއެވެ.

ބުފޮން ތިން މެޗަށް ސަސްޕެންޑްކުރަން ޔުއެފާއިން ނިންމީ މިނިމުނު ސީޒަނުގައި ޔުއެފާ ޗެމްޕިއަންސް ލީގުގެ ކުއާޓަރ ފައިނަލުގައި ރެއާލް މެޑްރިޑާއި ދެކޮޅަށް ކުޅުނު ދެވަނަ ލެގުގެ މެޗުގައި އޭނާއަށް ދެއްކި ރަތް ކާޑާއި ވިދިގެންނެވެ.

އޭނާއަށް ރަތް ކާޑު ދައްކާފައިވަނީ އެމެޗުގައި ރެފްރީކަންކުރި މައިކަލް އޮލިވަރ އާއި ޒުވާބުކުރުމުންނެވެ. ބުފޮން ރެފްރީއާ ޒުވާބުކުރީ ރެއާލްއަށް ޕެނަލްޓީއެއް ދިނުމާއި ގުޅިގެންނެވެ. ރެފްރީ ޕެނަލްޓީ ނުދިންނަމަ މި މެޗު ދާނީ އެކްސްޓްރާ ޓައިމްއަށެވެ. މި މެޗުން ޔުވެންޓަސް ބަލިވެ މުބާރާތުން ކެޓީ ރެއާލްއަށް ލިބުނު ޕެނަލްޓީ ކްރިސްޓިއާނޯ ރޮނާލްޑޯ ކާމިޔާބުކުރުމާއެކު 4-3 ގެ އެގްރިގޭޓް ނަތީޖާއަކުން ބަލިވުމުންނެވެ.

ރެފްރީ ޕެނަލްޓީ ދިނުމާއެކު ދަނޑުން ފޮނުވާލަންދެން ބުފޮން ވަނީ ރެފްރީއާ ޒުވާބުކޮށް އެ ނިންމުމާއި މެދު ނުރުހުންފާޅުކޮށްފައެވެ. މެޗު ނިމުމަށްފަހު ވެސް ބުފޮން ވަނީ ރެފްރީއާ  ބަހުގެ ހޫނު ހަމަލާތަކެއް އަމާޒުކޮށްފައެވެ. މެޗުގައި ރެފްރީކަންކުރި މައިކަލް އޮލިވަރއަށް އަމާޒުކޮށް ބުފޮން ބުނީ އޭނާގެ ހިތެއް ނޯންނަ ކަމަށާއި ހިތެއްގެ ބަދަލުގައި އޮންނަނީ ޑަސްބިނެއް ކަމަށެވެ. އޭނާ ވަނީ މެޗުގެ ނަތީޖާ ރެއާލް ކޮޅަށް އެނބުރީ ރެފްރީ އެކަމަށް އެހީތެރިވުމުން ކަމަށް ބުނެފައެވެ.

ބުފޮންއާ ދެކޮޅަށް މިކަމުގައި ޔުއެފާއިން ތިން ތުހުމަތެއްކުރި ނަމަވެސް އޭނާއާ ދެކޮޅަށް ފިޔަވަޅު އަޅާފައިވަނީ ދެކަމެއްގައެވެ.

ބުފޮން ވަނީ ޔުވެންޓަސްއިން އަންނަ ސީޒަނުގައި ނުފެންނާނެ ކަމަށް ބުނެފައެވެ. އަންނަ ސީޒަނުގައި އޭނާ ފެނުން އެންމެ އެކަށީގެންވަނީ ޔޫރަޕުގެ ގަދަ ބާރަކަށްވުމަށް މަސައްކަތްކުރަމުންދާ ފްރާންސްގެ ޕެރިސް ސެއިންޓް ޖާމަން (ޕީއެސްޖީ) އިންނެވެ.

ޔުއެފާއިން ވަނީ ބުފޮންގެ އިތުރުން އިޓަލީގެ ރޯމާ އަދި އެތުލެޓިކް ބިލްބާއޯގެ އިތުރުން ސްޕާޓަކް މޮސްކޯއާ ދެކޮޅަށް ވެސް ފިޔަވަޅު އަޅާފައެވެ.

އެންމެ ފަހުން އަޕްޑޭޓް ކުރީ: 9 މަސް ކުރިން | ރިވިއު ކުރީ: ރާއްޖެއެމްވީ ލޯކަލް

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.


އެންމެ ފަހުގެ


މި ލިޔުން ކިޔާލުމުން


އަންތަރީސް ވެއްޖެ

އުފާ ވެއްޖެ

ދެރަ ވެއްޖެ

ރުޅި ގަދަ ވެއްޖެ

މޮޔަވެއްޖެ

ދެން އަތްޖަހާ


ކޮމެންޓް