21 އޭޕުރިލް 2019 | އާދީއްތަ | 14 އައްސިދަ
14 ޝަޢުބާން 1440
ޢިޝާ 19:27
މަޣްރިބް 18:13
އަސްރު 15:20
މެންދުރު 12:09
އިރުއަރާ 05:57
ފަތިސް 04:44

ފުޓުބޯޅަ

ގަވައިދުން ފުރުސަތު ލިބޭ ޓީމަކަށް މިބަލަނީ، ހަފްތާއެއްގެ ތެރޭ ގޮތެއް ނިމޭނެ: އިންމަ

  • ގަވައިދުން ފުރުސަތު ލިބޭ ޓީމަކަށް މިބަލަނީ. އިންމަ
  • ް ކުރިއަށް އޮތް ހަފްތާ ތެރޭ ގޮތެއް ނިންމާނަން. އިންމަ
  • ބެންޗުގައި އިނުމަކީ މިހާރު ބޭނުންވާ ކަމެއް ނޫން. އިންމަ
ނާފިއު ރަޝީދު | NaphiuR

| 12 ޖެނުއަރީ 2017 | ބުރާސްފަތި 19:10 | |

މަގުބޫލް

  1. މަޖީދިއްޔާގެ ޓައިމް ކެޕްސޫލުން ފެނުނު އަސަރު ގަދަ ސިޓީ
  2. ރީތިރަށުގެ ފަޅުތެރޭގައި އިންސާނަކު އުދުހެނީ!
  3. ރައީސްގެ ފޭސްބުކް އެކައުންޓް ވެރިފައި ކޮށްފި
  4. ލަންކާގައި ހިިނގި ބޮމުގެ ހަމަލާއަކީ ޓެރަރިޒަމްގެ ފިނޑި އަމަލެއް: ރައީސް
  5. މިނިސްޓަރު އަލީ ވަހީދުގެ ކާފާފުޅު އުމުރުފުޅުން 100 އަހަރުގައި އަވަހާރަ ވެއްޖެ
  6. އައިޝްވަރިޔާ އާއި އަބީޝެކް ރާއްޖޭގައި
  7. ވިލިނގިލީ ބަނދަރު ހަލާކުވެ ރަށުތެރެއަށް އުދަ އަރަނީ
  8. ރައީސްގެ ދަތުރުފުޅަކީ އިންޑިއާގެ ދައުވަތަކަށް ކުރައްވާ ދަތުރުފުޅެއް، ޚަރަދުތައްވެސް އެ ޤައުމުން!


ފާއިތުވި ދެ ސީޒަންގައި ޓީސީގެ ގޯލު ބެލެއްޓި އިމްރާން މުހައްމަދު (އިންމަ) ގައުމީ ޖާޒީގައި -- ރާއްޖެއެމްވީ

ކުރިއަށް ފުޓުބޯޅަ ސީޒަނުގައި ގުޅޭނެ ޓީމެއް އަދި މިހާތަނަށް ނިންމާފައި ނުވާ ކަމަށާއި އެހެން ނަމަވެސް ކުރިއަށް އޮތް ހަފްތާ ތެރޭގައި ގޮތެއް ނިންމާނެ ކަމަށް ފާއިތުވި ދެ ސީޒަނުގައި ޓީސީ ސްޕޯޓްސް ކްލަބުގެ ގޯލް ބެލެހެއްޓި އެޓީމުގެ ކުރީގެ ކީޕަރު މުހައްމަދު އިމްރާން (ކުޑަ އިންމަ) ބުނެފި އެވެ.

 

ރާއްޖެއެމްވީ އަށް މައުލޫމާތު ދެމުން އިންމަ ބުނީ ޓީސީ ދޫކޮށްލުމަށް ފަހު މިވީ މުއްދަތުގެ ތެރޭގައި މާލޭގެ ގިނަ ކްލަބުތަކަކުން އޭނާއާ މަޝްވަރާކޮށްފައިވާ ކަމަށާއި އެހެން ނަމަވެސް ކޮންމެ ކްލަބަކުން ވެސް އޭނާ ބޭނުން ކުރަން ނިންމާފައި ވަނީ ބަދަލު ކުޅުންތެރިއެއްގެ ގޮތުގައި ކަމަށެވެ.

 

ރާއްޖޭގެ އެއް ނަމްބަރު ގޯލް ކީޕަރު އިމްރާން މުހައްމަދު ގައުމީ ޓީމުން ރިޓަޔާ ކުރި ފަހުން ގައުމީ ޓީމުގެ ގޯލުގެ ބެލެހެއްޓުމުގެ ޒިންމާ ހަވާލުވެފައި ވަނީ މުހައްމަދު އިމްރާން (ކުޑަ އިންމަ) އަށެވެ. އެހެން ކަމުން ކްލަބުތަކުން ބޭނުންވާ ގޮތަށް ބެންޗުގައި އިނުމަކީ މިވަރުގެ ކުޅުންތެރިއަކު ބޭނުންވާނެ ކަމެއް ނޫނެވެ.

 

އިންމަ ބުނީ ރާއްޖޭގައި މިވަގުތު ތިބި ކީޕަރުންގެ ތެރެއިން މައިގަނޑު ގޮތެއްގައި ކޮންމެ ކްލަބެއްގައި ވެސް ރަނގަޅު ކީޕަރުން އެބަ ތިބި ކަމަށާއި އެގޮތުން އެ ކީޕަރުން ވެސް ބޭރުގެ ކީޕަރުންނަށް އެއް ނަމްބަރު ކީޕަރުގެ މަގާމު ދޫކޮށްލާފައި ބެންޗުގައި ތިބުމުގެ ބޭނުމެއް ނެތް ކަމަށެވެ.

 

އިންމަ ބުނީ ކޮންމެ ކީޕަރަކު ވެސް މަސައްކަތް ކުރަން ޖެހޭނީ ގަވައިދުން މެޗުތައް ކުޅެވޭ ފެންވަރުގެ ތަޖުރިބާ ހުރި މޮޅު ކީޕަރަކަށް ކަމަށާއި އެ އަޒުމުގައި ނުކުމެއްޖެ ނަމަ ބޭރު ކީޕަރުންނަށް ކްލަބުތަކުން ބަރޯސާ ނުވެ މިގައުމަށް އުފަން ކީޕަރުންނަށް އެ ފުރުސަތުތައް ލިބިގެންދާނެ ކަމަށެވެ.

 

ކުރިއަށް އޮތް ސީޒަނަށް ކްލަބުތަކުން ތައްޔާރުވަމުންދާއިރު، ގިނަ ކްލަބުތަކުން ދަނީ ބިދޭސީ ކީޕަރުން ހޯދަމުންނެވެ. އެގޮތުން މާޒިޔާ އާއި ވިކްޓްރީ ސްޕޯޓްސް ކްލަބާއި ކްލަބު އީގަލްސް އާއި ޓީސީ ސްޕޯޓްސް ކްލަބުން ވެސް އެޓީމުތަކަށް ބިދޭސީ ކީޕަރުން ގެނެސްފަ އެވެ. ދެން ބާކީ ތިބި ކްލަބުތަކުގެ ތެރެއިން މިވަގުތު ރަނގަޅު ކީޕަރެއް ނެތް ހަމައެކަނި ކްލަބަކީ މިދިޔަ ސީޒަންގައި ބޮޑެތި ކްލަބުތަކުން ސިއްސުވާލި ޔުނައިޓެޑް ވިކްޓްރީ (ޔޫވީ) އެވެ.

 

އެހެން ކަމުން ބެލެވޭ ގޮތުގައި ކުރިއަށް ސީޒަނުގައި އެޓީމުގެ ގޯލު ބެލެހެއްޓުމުގެ ޒިންމާ އެންމެ ފަހު ވަގުތު ނަގާނެ ކުޅުންތެރިއަކަށް އިންމަ ވުމަކީ ވެސް އެކަށީގެންވާ ކަމެކެވެ.

 

އިންމަ ވަނީ ފާއިތުވި ދެ ސީޒަނުގައި ޓީސީ އަށް މޮޅު ކުޅުމެއް ދައްކާފަ އެވެ. އަދި އޭގެ ކުރިން އޭނާ ވަނީ މާޒިޔާ އަދި ވިކްޓްރީ އަށް ވެސް ކުޅެފަ އެވެ.

އެންމެ ފަހުން އަޕްޑޭޓް ކުރީ: 1 އަހަރު ކުރި | ރިވިއު ކުރީ: އަލީ ޔޫސުފް

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.


އެންމެ ފަހުގެ


މި ލިޔުން ކިޔާލުމުން


އަންތަރީސް ވެއްޖެ

އުފާ ވެއްޖެ

ދެރަ ވެއްޖެ

ރުޅި ގަދަ ވެއްޖެ

މޮޔަވެއްޖެ

ދެން އަތްޖަހާ


ކޮމެންޓް