21 ފެބުރުއަރީ 2019 | ބުރާސްފަތި | 09 ހިޔަވިހާ
16 ޖުމާދަލްއާޚިރާ 1440
އިޝާ 19:34
މަޣްރިބް 18:22
އަސްރު 15:39
މެންދުރު 12:24
އިރުއަރާ 06:18
ފަތިސް 05:06

އާޔެން ރޮބެން

އައު ކޮންޓްރެކްޓްގައި ރޮބެން ސޮއިކޮށްފި

  • ރޮބެން ސޮއިކުރީ އެއް އަހަރު ދުވަހުގެ އެއްބަސްވުމެއްގައި
އަހްމަދު ސާއިފް ޝިޔާދް | Saaif80

| 17 މެއި 2018 | ބުރާސްފަތި 20:22 | |

މަގުބޫލް

  1. ނިހާން ފުލުހުންގެ ވެހިކަލަކަށް ހުރަސްއަޅާ ވީޑީއޯއެއް އާންމުވެއްޖެ
  2. ރައީސް ޔާމީނުގެ ހާލަތު ޅެން ބައިތަކުން
  3. ޝަމީމާ ބޭގަމް އޭނާގެ ގައުމަށް އެނބުރި ދިއުމަށް އާއިލާއިން ދެކޮޅު ހަދައިފި
  4. ފާއިތުވި މުއްދަތުގެ މުސާރައާއެކު ސިމާދަށް އަލުން ވަޒިފާ ދޭން ހުކުމް ކޮށްފި
  5. ސަދަގާތް ފައުންޑޭޝަނުން އެސްޓީއޯ އިން ނެގި ކާޑުގެ ބާވަތްތަކަށް ފައިސާ ދެއްކީ ތަހުގީގު ފެށުމުން!
  6. ޔާމިން ދޫކޮށްލަން ގޮވާލި މުޒާހަރާ: ފާޑުކިޔުން ރައީސާއި އެމްޑީޕީއަށް
  7. ޔާމީން އެޑްމިޓް ކުރީ 24 ގަޑިއިރަށް، ފަރުވާ ދެނީ ހިތުގެ ޑިޕާޓްމަންޓުން: އައިޖީއެމްއެޗް
  8. ރައީސް ޔާމީން އައިޖީއެމްއެޗަށް ގެނައުމުން، ސަޕޯޓަރުން އެއްވެ ހަމަނުޖެހުން ހިންގައިފި


އާޔެން ރޮބެން ކޮންޓްރެކްޓް އާކުރުމަށްފަހު -- އޭއެފްޕީ

ޖަރުމަނުގެ ބަޔާން މިއުނިކާއެކު ހަދާފައިވާ އެއްބަސްވުން އެ ޓީމަށް ކުޅެމުން އަންނަ ނެދަލޭންޑްސްގެ ވިންގަރ އާޔެން ރޮބެން އާކޮށްފިއެވެ.

ބަޔާންއާއެކު އޭނާ ހަދާފައިވާ އެއްބަސްވުން މި ސީޒަނުގެ ނިޔަލަށް ހަމަވާއިރު ރޮބެން ވަނީ އިތުރު އެއް އަހަރު ބަޔާންގައި މަޑުކުރުމަށް އެއްބަސްވެ އާ ކޮންޓްރެކްޓެއްގައި ސޮއިކޮށްފައެވެ. ރޮބެންގެ އިތުރުން އެ ޓީމަށް ކުޅެމުން އަންނަ ބްރެޒިލްގެ ޑިފެންޑަރު ރަފީންޔާ އަދި ފްރާންސްގެ ވިންގަރ ފްރޭންކް ރިބެރީ ވެސް ވަނީ އެ ޓީމާއެކު ހަދާފައިވާ އެއްބަސްވުން އެއް އަހަރު ދުވަހުގެ މުއްދަތަކަށް އިތުރުކޮށްފައެވެ.

ބެލެވޭ ގޮތުގައި އުމުރުން 34 އަހަރުގެ ރޮބެން މި ސީޒަން ނިންމާލުމަށްފަހު ޗައިނާގެ ކްލަބަކަށް ބަދަލުވާން އޮތީ އެއްބަސްވެފައެވެ. އެގޮތުން އޭނާ ވެސް ވަނީ ކޮންޓްރެކްޓް އާކުރުމުގެ ކުރިން އެހެން ކްލަބަކަށް ބަދަލުވާނެ ކަމުގެ އިޝާރާތެއް ދީފައެވެ. އެގޮތުން އޭނާގެ އުމުރުގެ ސަބަބުން ބަޔާންއަށް އިތުރު ސީޒަނެއް ކުޅެވޭނެ ކަމުގެ ޔަގީންކަން ނެތްކަމަށް ރޮބެން ބުނެފައިވެއެވެ.

މި ސީޒަނުގައި ރޮބެން ބަޔާންއަށް ކުޅުނު މެޗުތަކުގައި އެ ޓީމަށް ފަސް ލަނޑު ޖަހައިދީފައިވާއިރު އެ ޓީމާއެކު އޭނާ ވަނީ ޖަރުމަނު ބުންޑެސްލީގާ ކާމިޔާބުކޮށްފައެވެ. ހަމައެހެންމެ ރަފީންޔާ ވެސް ވަނީ މި ސީޒަނުގައި ރަނގަޅު ކުޅުމެއް ދައްކާފައެވެ. ރަފީންޔާ ބަޔާންއާ ގުޅުނީ 2011 ވަނަ އަހަރު އިޓަލީގެ ޖެނޯއާ ދޫކޮށްލުމަށްފަހުއެވެ.

ބަޔާންގެ ސްޕޯޓިން ޑިރެކްޓަރ ހަސަން ސަލިހަމިޑްޒިޗް ބުނެފައިވަނީ މި ރޮބެންއަކީ ވަރަށް މޮޅު ކުޅުންތެރިޔެއް ކަމަށާއި ރޮބެންގެ ކޮންޓްރެކްޓް އާކުރުމަކީ ބަޔާންއަށް ލިބުނު ކުރިއެރުމެއް ކަމަށެވެ. ހަމައެހެންމެ އޭނާއަކީ އަންނަ ސީޒަނުގައި ވެސް ބަޔާންގައި މުހިންމު ދައުރެއް އަދާކުރާނެ ދެ ކުޅުންތެރިޔެއް ކަމަށް އޭނާ ބުނެފައިވެއެވެ.

ވަކިން ހާއްސަކޮށް 2013 ވަނަ އަހަރުގެ ޗެމްޕިއަންސް ލީގުގެ ފައިނަލްގައި ރޮބެން ޖެހި ލަނޑުން އޭނާއަކީ ކޮން ފެންވަރެއްގެ ކުޅުންތެރިޔެއްކަން އެންމެނަށް ވެސް އެނގޭނެ ކަމަށް ސަލިހަމިޑްޒިޗް ބުނެފައިވެއެވެ. އޭނާ ބުނީ ރޮބެންއަކީ މިހާރު ބަޔާންގައި ވަރަށް ނުފޫޒް ގަދަ ކުޅުންތެރިޔެއް ކަމަށެވެ.

ބަޔާން މިއުނިކްއިން އަންނަނީ އަންނަ ސީޒަނަށް އެ ޓީމު ވަރުގަދަ ކުރުމަށް ގިނަ މަސައްކަތްތަކެއް ކުރަމުންނެވެ. އެގޮތުން މި ސީޒަނަށްފަހު ވަގުތީ ކޯޗެއްގެ މަގާމުގައި ހުރި ޖުޕް ހެއިންކޭސް އެ މަގާމު ދޫކޮށްލަން ހަމަޖެހިފައިވުމާއެކު އެ ޓީމުން ވަނީ ދާއިމީ ކޯޗެއްގެ ގޮތުގައި ކްރޮއޭޝިއާގެ ގައުމީ ޓީމުގެ ކުރީގެ ކެޕްޓަން ނިކޮލައި ކޮވާޗް ހަމަޖައްސާފައެވެ.

އެންމެ ފަހުން އަޕްޑޭޓް ކުރީ: 9 މަސް ކުރިން | ރިވިއު ކުރީ: ރާއްޖެ އެމްވީ

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.


އެންމެ ފަހުގެ


މި ލިޔުން ކިޔާލުމުން


އަންތަރީސް ވެއްޖެ

އުފާ ވެއްޖެ

ދެރަ ވެއްޖެ

ރުޅި ގަދަ ވެއްޖެ

މޮޔަވެއްޖެ

ދެން އަތްޖަހާ


ކޮމެންޓް