13 ޑިސެންބަރު 2018 | ބުރާސްފަތި | 05 މުލަ
06 ރަބީޢުލްއާޚިރު 1440
އިޝާ 19:16
މަޣްރިބް 17:58
އަސްރު 15:24
މެންދުރު 12:04
އިރުއަރާ 06:01
ފަތިސް 04:45

ލީކުވި ބަޔާންތައް

ބަޔާންތައް ލީކު ކުރީ ކޯޓުގެ ތެރެއިން ކަމަށް ތުހުމަތު ކޮށްފި!

  • ފުލުހުން ދަނީ އެމައްސަލާގައި ކްރިމިނަލް ކޯޓުގެ މުވައްޒަފުންނާ ސުވާލުކޮށް ތަހުގީގު ކުރަމުން
  • ލީކުވި ބަޔާންތަކުގައި ބައެއް ގާޒީންގެ ބަޔާންތައް ހިމެނޭ
  • ސަރުކާރު ވައްޓާލަން އުޅުނު ކަމުގެ ތުހުމަތުގައި 9 މީހެއްގެ މައްޗަށް ދައުވާ ކޮށްފައިވޭ
މުހައްމަދު ފަޒީން | phaxyn

| 16 މެއި 2018 | ބުދަ 12:01 | |

މަގުބޫލް

  1. ބަހުގެ ހަމަލާއަކާއިއެކު ރައީސް މައުމޫނަށް ރައީސް ނަޝީދު މަރުޙަބާ ވިދާޅުވެއްޖެ!
  2. އަހަރުގެ ޒުވާން ކެޔޮޅު ބުނަނީ މިއަށްވުރެ ހަލާލު މަސައްކަތެއް ނެތް ކަމަށް!
  3. އާޒިމާއާއި އެކު ވަޑައިގަތުމުން ޒަމީރުއާ ފުލުހުން ސުވާލެއް ނުކުރި
  4. އެތެރޭގެ އުދުހުންތަކުގެ އަގު ހެޔޮކޮށް ދެ ދުވަސްތެރޭގައި އިއުލާން ކުރެވޭނެ: މިނިސްޓަރ
  5. ފައިރޫޝް، ރިޔާޒް އަދި އެސްއޯ ޑީޑީއަށް އަލުން ވަޒީފާ ދިނުމަށް ސިވިލް ކޯޓުން ޙުކުމްކޮށްފި
  6. އިންޑިއާ ދަތުރުފުޅުގައި ރައީސް ސޯލިހް ހުންނަވާނީ އިންޑިއާގެ ރައީސްގެ ރަސްމީ ގެކޮޅުގައި!
  7. 21 އަހަރު ވަންދެން ދައުލަތަށް ޚިދުމަތް ކުރީ އިޚްލާސްތެރިކަމާއެކު: ހަމްދޫން
  8. ރާއްޖެޓީވީގެ ކުރީގެ ސީއޯއޯ ފިޔާޒުއަށް ނޫސްވެރިކަމުގެ ރަން ގަލަން


ކްރިމިނަލް ކޯޓުގެ ދޮރުމަތީގައި ސަރުކާރު ވައްޓާލަން އުޅުނުކަމުގެ ތުހުމަތު ކޮށްފައިވާ ރައްޔިޔުންގެ މަޖިލީހުގެ މެމްބަރު އަހުމަދު ފާރިސް މައުމޫން -- ފޮޓޯ : މުހައްމަދު ޝަރުހާން

ސަރުކާރު ވައްޓާލަން އުޅުނު ކަމަށް ބުނެ، ޓެރަރިޒަމްގެ ދައުވާ އުފުލާފައިވާ މީހުންގެ މައްޗަށް ކުށް ސާބިތު ކުރުމަށް އެކި ފަރާތްތަކުން ފުލުހުންގެ ތަހުގީގަށް ދީފައިވާ ބަޔާންތައް ލީކު ކޮށްލާފައިވަނީ ކްރިމިނަލް ކޯޓުގެ ތެރެއިން ކަމަށް ތުހުމަތު ކޮށްފި އެވެ.

އެނގިފައިވާ ގޮތުގައި ބަޔާންތައް ލީކު ކުރި މައްސަލާގައި ފުލުހުން ދަނީ ކްރިމިނަލް ކޯޓުގެ މުވައްޒަފުންނާ ސުވާލުކޮށް ތަހުގީގު ކުރަމުންނެވެ. 

ފުލުހުން އެ މައްސަލަ ތަހުގީގު ކުރަމުން ދަނިކޮށް، ރަމަޟާން މަސް ފެށޭތީއާއެކު ކޯޓުގެ މުވައްޒަފުންނާ އެކޯޓުގެ އިސް ގާޒީއާއި އިތުރު ގާޒީއެއް އަންގާރަ ދުވަހު ވަނީ ކޯޓުގެ މުވައްޒަފުންނާ ބައްދަލު ކުރައްވާ، ރޯދަ މަހުގެ މާތްކަމުގެ ވާހަކައާއި އަމަލުތައް އިސްލާހު ކުރުމުގެ ވާހަކަ ދައްކަވާފަ އެވެ.

ރާއްޖެއެމްވީއަށް މައުލޫމާތު ލިބިފައިވާ ގޮތުގައި، ސަރުކާރު ވައްޓާލަން އުޅުމުގެ ތުހުމަތުގައި ހައްޔަރު ކޮށްފައިވާ ބައެއް ފަރާތްތަކުގެ މައްސަލަތައް ބައްލަވާ ގާޒީ އިބްރާހީމް އަލީ ވަނީ އެ ބައްދަލުވުމުގައި އެ ބަޔާންތައް ލީކުކޮށްލީ ކޯޓުގެ ތެރެއިން ކަމަށް ތުހުމަތު ކުރައްވާފަ އެވެ. 

ސަރުކާރު ވައްޓާލަން އުޅުނު ކަމުގެ ތުހުމަތު އުއްތަމަ ފަނޑިޔާރު އަބްދުﷲ ސައީދާއި ސުޕްރީމް ކޯޓުގެ ފަނޑިޔާރު އަލީ ހަމީދާއި އަދި ކުރީގެ ރައީސް މައުމޫން އަބްދުލް ގައްޔޫމްގެ އިތުރުން ރައްޔިތުންގެ މަޖިލީހުގެ މެމްބަރުންތަކެއް ވެސް ހިމެނޭގޮތަށް ޖުމްލަ ނުވަ ބޭފުޅަކަށްކޮށް ދައުވާ ކުރަމުންދާ އިރު ގިނަ އަދަދެއްގެ ތަހުގީގު ބަޔާންތައް ވަނީ ލީކުވެފައެވެ. 

ލީކުވި ބަޔާންތަކުގެ ތެރޭގައި ސިވިލް ކޯޓުގައި ރައީސް އަބްދުﷲ ޔާމީން އަބްދުލްގައްޔޫމްގެ މަސްލަހަތު ހިމެނޭ ބައެއް މައްސަލަތައް ބެއްލެވި ގާޒީ މުހައްމަދު ހަލީމް އާއި ކްރިމިނަލް ކޯޓުގެ އިސްގާޒީ އާދަމް އާރިފްގެ އިތުރުން ފުލުހުންގެ އިސްވެރިންގެ ބަޔާންތައް ވެސް ހިމެނެއެވެ.   

ބަޔާންތައް ލީކު ކޮށްލި މައްސަލާގައި ކްރިމިނަލް ކޯޓުގެ މުވައްޒަފުންގެ މައްޗަށް ކުރެވޭ މިތުހުމަތާއި ގުޅިގެން އެކޯޓުގެ މީޑިއާ އޮފިޝަލަށް ގުޅާލުމުން ވިދާޅުވީ އެކަމާ ގުޅޭ އެއްވެސް މައުލޫމާތެއް ނޭނގޭ ކަމަށެވެ.

އެންމެ ފަހުން އަޕްޑޭޓް ކުރީ: 7 މަސް ކުރިން | ރިވިއު ކުރީ: ހުޝާމް މުހަޢްމަދް

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.


އެންމެ ފަހުގެ


މި ލިޔުން ކިޔާލުމުން


އަންތަރީސް ވެއްޖެ

އުފާ ވެއްޖެ

ދެރަ ވެއްޖެ

ރުޅި ގަދަ ވެއްޖެ

މޮޔަވެއްޖެ

ދެން އަތްޖަހާ


ކޮމެންޓް