14 ނޮވެންބަރު 2018 | ބުދަ | 01 ނޮރަ
06 ރަބީޢުލްއައްވަލް 1440
އިޝާ 19:05
މަޣްރިބް 17:50
އަސްރު 15:14
މެންދުރު 11:54
އިރުއަރާ 05:51
ފަތިސް 04:36

ރޯދަ އާއި ސިއްހަތު

ރަމަޟާން މަހަށް ތައްޔާރުވުމަށް ކުރެވިދާނެ 9 ކަމެއް

  • ރޯދަ މަހަށް ކުރިއާލާ ތައްޔާރުވުމަށް ގިނަ ކަންތައްތަކެއް ކުރަންޖެހޭ
  • ކެޔުމުގައި ވެސް ވަކި އާދަތަކެއް ހިފަހައްޓަންޖެހޭ
ފާތިމަތު ޝަނާ މުހައްމަދު | FathimathShana

| 14 މެއި 2018 | ހޯމަ 18:36 | |

މަގުބޫލް

  1. ނަޝީދު މިނިވަންކުރުމާ ދެކޮޅު ހެއްދެވީ ޕީޕީއެމްގެ ނުވަ މެމްބަރުން
  2. ރައީސް ނަޝީދު އައިޑީކާޑް ހެއްދެވުމަށް އުކުޅަހު ކައުންސިލަށް ހުށަހަޅުއްވައިފި
  3. އާ ސަރުކާރުގެ މިނިސްޓްރީތައް މިއަދު އިއުލާންކުރަނީ
  4. ދަރިވަރުންނަށް ހިލޭ ނާސްތާ، ޑިގްރީއަށް ކިޔަވައި ދިނުން ވެސް ހިލޭ!
  5. މަހުލޫފު އެމްޑީޕީއަށް ސޮއި ކުރައްވައިފި
  6. ވެލެޒިނީ ހައްޔަރު ކޮށްފި
  7. ރައީސްގެ ރަސްމީ ގެކޮޅަށް ދައުލަތުން ދުވާލަކު ލައްކައަކަށް ވުރެ ގިނަ ރުފިޔާ!
  8. ބަޖެޓްގައި ފްލެޓް މަޝްރޫއުގެ ވާހަކައެއް ނެތް، ސަޕްލިމެންޓަރީ ބަޖެޓަކަށް ވިސްނަނީ!


މިދިޔަ އަހަރުގެ ރަމަޟާން މަހުގެ އެންމެ ފަހު ދުވަހުގެ މިސްކިތެއްގައި ރޯދަ ވީއްލުމަށް ތައްޔާރުކޮށްފައި -- ފޮޓޯ : އަޝްވާ ފަހީމް

ރަމަޟާން މަހަށް ހަށިގަނޑު ތައްޔާރު ކުރުމަކީ ކޮންމެހެން މުހިއްމު ކަމެކެވެ. ކުއްލިއަކަށް ކެޔުމަށް ބޮޑު ބަދަލެއް ގެނައުމުގެ ބަދަލުގައި ދުރާލައި ރާވާލައިގެން ރަމަޟާން މަހަށް ތައްޔާރުވުމުން، ކުރިމަތިވާ އުނދަގޫތައް ކުޑަ ކުރެވިދާނެ އެވެ. އެގޮތުން ހަށިގަނޑު ތައްޔާރުކުރުމުގައި ބަލަންޖެހޭ 09 ކަމަކަށް ބަލައިލާނަމެވެ.

  1. ކެޔުމުގެ މިންވަރު: ކެޔުމުގައި އާންމުކޮށް ކާ މިންވަރަށްވުރެ މަދުން ކެޔުން މުހިއްމެވެ. ރަމަޟާން މަސް އައުމުގެ ކުރިން މިގޮތަށް ކެޔުން މަދުކޮށްފި ކަމުގައިވާ ނަމަ، ނުކައި ގިނަ އިރު ހުރުމަށް ހަށިގަނޑަށް ފަސޭހަ ވެގެންދެ އެވެ.
  2. ހެނދުނުގެ ނާސްތާ އަވަސް ކުރުން: ރަމަޟާން މަހުގައި އިރު އެރުމުގެ ކުރިން ހާރު ކާންޖެހޭ އިރު ހާރު ކެޔުން ދޫކޮށް ނުލުމަކީ ކޮންމެހެން މުހިއްމު ކަމެކެވެ. އަދި ރަމަޟާން މަސް އައުމުގެ ކުރިން ވީހާވެސް އަވަށް ހެނދުނުގެ ނާސްތާ ނެގުން އާދަކުރުމުން، ހާރު ކެޔުމުގެ ވަގުތަށް ހަށިގަނޑު ތައްޔާރުކޮށްދޭނެ އެވެ.
  3. ތިން އިރު ރަގަޅަށް ކެޔުން: ރަމަޟާން މަސް އައުމުގެ ކުރިން ކޮންމެ ދުވަހަކުވެސް ކާން ޖެހޭ ވަގުތުތަކުގައި ރަގަޅަށް ކާން އާދަކުރަންޖެހެ އެވެ. އަދި ހެނދުނު ސަޔާއި މެންދުރު ކެޔުމާއި ރޭގަނޑުގެ ކެޔުން ނޫން އިތުރު ވަގުތުތަކުގައި ހެދިކާއާއި އެހެން ކެޔުންތައް ކެޔުން ހުއްޓާލަންޖެހެ އެވެ.
  4. ކޮފީ ބުއިން މަދު ކުރުން: އާންމުކޮށް ކޮންމެ ދުވަހަކު ކޮފީ ބުއިމުގެ އާދަ ހުންނަ މީހުންވެސް ރަމަޟާން މަސް ކައިރިވުމުން ކޮފީ ބޭނުން ކުރާ މިންވަރު މަދު ކުރަންޖެހެ އެވެ. އެހެން ނޫން ނަމަ ރަމަޟާން މަހުގެ ފުރަތަމަ ދުވަސް ތަކުގައި ބޮލުގައި ރިހުން ފަދަ ކަންކަން ކުރިމަތިވެދާނެ އެވެ. ކޮފީ ބުއިން މަދު ކުރުމުގެ ސަބަބުން ހަށިގަނޑުން ކެފެއިންގެ މާއްދާ ރަމަޟާން މަހުގައި މަދު ކުރެވޭނެ އެވެ.
  5. ދުންފަތުގެ އިސްތިއުމާލު ކުރުން މަދު ކުރުން: ދުންފަތުގެ އިސްތިއުމާލު ކުރާ މީހުން ރަމަޟާން މަސް ކައިރިވުމުން ސިނގިރޭޓް ބޯ މިންވަރު މަދު ކުރަންޖެހެ އެވެ. އެހެން ނޫން ކަމުގައިވަނީ ނަމަ ރުޅި ގަދަވުމާއި ވަރުބަލިވުންފަދަ ކަންކަން އިހްސާސްކުރެވޭނެ އެވެ. އެހެން ކަމުން ރަމަޟާން މަސް އައުމުގެ ކުރިން ދުންފަތުގެ އިސްތިއުމާލުކުރުން ފަދަ ނޭދެވޭ އަމަލުތައް މަދު ކުރަންޖެހެ އެވެ. ރަމަޟާން މަހަކީ ދުންފަތުގެ އިސްތިއުމާލު ކުރުމުން ދުރުވުމަށްވެސް އެންމެ ފަސޭހަ ދުވަސްވެރެވެ. 
  6.  ސުންނަތް ރޯދަ ހިފުން އިތުރު ކުރުން: ރަމަޟާން މަހަށް ހަށިގަނޑު ތައްޔާރު ކުރުމަށްޓަކާއި ރަމަޟާން މަސް ކައިރިވުމުން ސުންނަތް ރޯދަ ހިފަން ފެށުމުން ރޯދައަށް ހުރުމަށް ހަށިގަނޑު ތައްޔާރުކޮށްދެ އެވެ.
  7. ރަގަޅަށް ނިދުން: ނިދުމުގައި ވަކި އާދަތަކެއްގައި ހިފަހައްޓަންޖެހެ އެވެ. ރަމަޟާން މަހުގައި ހާރު ކެޔުމަށް ތެދުވަންޖެހޭ އިރު ރޭގަނޑު ނިދުމަށްފަހު އަވަހަށް ހޭލުމުގެ އާދައެއް ގެންގުޅުން މުހިންމެވެ .
  8. ރަމަޟާން މަހުގައި އާންމުކޮށް ކާ ތަކެއްޗަށް ހަށިގަނޑު ހޭނުން: ރަމަޟާން މަހުގައި ކެޔުމަށް ބޮޑު ބަދަލެއް އަންނަ އިރު، ކާތަކެތިވެސް އާންމުގޮތެއްގައި ބަދަލުވެ އެވެ. އެހެން ކަމުން ރަމަޟާން މަސް ފެށުމުގެ ކުރިން އާންމުކޮށް ރަމަޟާން މަހުގައި ކާ ތަކެއްޗަށް ހަށިގަނޑު ހޭނުން މުހިއްމެވެ.
  9. ބޮޑީ ޗެކްއަޕްއެއް ހެދުން: ރަމަޟާން މަހު ރޯދައަށް ހުރުމުގެ ގާބިލްކަން ހަށިގަނޑުގައި ހުރިކަން ބެލުމަށްޓަކާއި ޑޮކްޓަރެއްގެ ލަފާ ހޯދަންޖެހެ އެވެ. ހާއްސަކޮށް ހަކުރު ބައްޔާއި ބަލަޑް ޕްރެޝާގެ މައްސަލަތައް ދިމާވާ ފަރާތްތަކުން ރަމަޟާން މަސް އައުމުގެ ކުރިން ޑޮކްޓަރަށް ދައްކާލާ ބޮޑީ ޗެކްއަޕްއެއް ހެދުން މުހިއްމެވެ.

 

އެންމެ ފަހުން އަޕްޑޭޓް ކުރީ: 6 މަސް ކުރިން | ރިވިއު ކުރީ: ހުސެން ފިޔާޒް

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.


އެންމެ ފަހުގެ


މި ލިޔުން ކިޔާލުމުން


އަންތަރީސް ވެއްޖެ

އުފާ ވެއްޖެ

ދެރަ ވެއްޖެ

ރުޅި ގަދަ ވެއްޖެ

މޮޔަވެއްޖެ

ދެން އަތްޖަހާ


ކޮމެންޓް