15 ނޮވެންބަރު 2018 | ބުރާސްފަތި | 02 ނޮރަ
07 ރަބީޢުލްއައްވަލް 1440
އިޝާ 19:05
މަޣްރިބް 17:50
އަސްރު 15:14
މެންދުރު 11:55
އިރުއަރާ 05:51
ފަތިސް 04:36

ޖެމީ ފޮކްސްއަށް ޙަމަލާ ދިނުން

ޖެމީ ފޮކްސްއަށް ހޮލީވުޑް ރެސްޓޯރަންޓެއްގައި ބަޔަކު ޙަމަލާ ދީފި

  • ޙަމަލާ ދިނީ އަޑުގަދަ ކުރާ ކަމަށް ބުނެ
އާލާ އިބުރާހިމް | aalu_aala

| 10 ޖެނުއަރީ 2017 | އަންގާރަ 17:21 | |

މަގުބޫލް

  1. އިންތިހާބީ ނައިބު ރައީސަށް އަނިޔާވެ، އެޑްމިޓްކޮށްގެން ފަރުވާ ދީފި
  2. ނަޝީދު މިނިވަންކުރުމާ ދެކޮޅު ހެއްދެވީ ޕީޕީއެމްގެ ނުވަ މެމްބަރުން
  3. ރައީސްގެ ރަސްމީ ގެކޮޅަށް ދައުލަތުން ދުވާލަކު ލައްކައަކަށް ވުރެ ގިނަ ރުފިޔާ!
  4. ރައީސް ނަޝީދު އައިޑީކާޑް ހެއްދެވުމަށް އުކުޅަހު ކައުންސިލަށް ހުށަހަޅުއްވައިފި
  5. އާ ސަރުކާރުގެ މިނިސްޓްރީތައް މިއަދު އިއުލާންކުރަނީ
  6. ދަރިވަރުންނަށް ހިލޭ ނާސްތާ، ޑިގްރީއަށް ކިޔަވައި ދިނުން ވެސް ހިލޭ!
  7. ދުވަހަކުވެސް ދެކިލައްވަން ބޭނުންފުޅުނުވި މަންޒަރު ވެރިކަމުގައި ހުންނަވަނިކޮށް ބައްލަވަން މަޖުބޫރުވީ
  8. ނޮވެމްބަރު 19 ގައި ރައީސް ސޯލިހު އާއި ގާސިމްގެ ކުރިމަތިލުމެއް!


ޖެމީ ފޮކްސް -- ގޫގުލް

މަޝްހޫރު ކޮމޭޑިއަން އެރިކް މޯލަން ބައިޝޮޕް ނުވަތަ މަޝްހޫރު ނަމުން ނަމަ ޖެމީ ފޮކްސްއަށް ހޮލީވުޑް ރެސްޓޯރަންޓެއްގައި ބަޔަކު ޙަމަލާ ދީފިއެވެ.

 

މަޝްހޫރު ސެލެބްރިޓީން ޢާއްމުކޮށް ގޮސް އުޅޭ ހޮލީވުޑް ރެސްޓޯރަންޓެއް ކަމަށްވާ ލޮސް އެންޖެލީސްގައި ހުންނަ ކެޗް ރެސްޓޯރަންޓުގައި މިޙާދިސާ ހިނގަން މެދުވެރިވީ ޖެމީ ފޮކްސް އާއި އޭނާގެ ރަޙުމަތްތެރިން އިށީނދެގެން ތިބި މޭޒު ކައިރިއަށް އައި މީހަކު އިންޒާރު ދިނުމާ ގުޅިގެންނެވެ.

 

ސެލެބްރިޓީ ނޫސް ޓީއެމްޒީގައި ޝާޢިއުކޮށްފައިވާ ރިޕޯޓެއްގައި ބުނެފައިވާ ގޮތުން ޖެމީ ފޮކްސް އާއި ރަހުމަތްތެރިން އިށީނދެގެން ތިބި މޭޒު ކައިރިއަށް އައި މީހާ އެންމެ ފުރަތަމަ ޝަކުވާ ކުރީ އަޑުގަދަ ކަމަށް ބުނެއެވެ. އޭގެ ފަހުން "ތިމަންނަ އާއި ނުބެހޭށޭ، ތިމަންނަ އަކީ ނިއުޔޯކަށް ނިސްބަތްވާ މީހެއް" ކަމަށް އޭނާ ބުނި ކަމަށް މަންޒަރު ދުށް މީހަކާ ޙަވާލާދީ ރިޕޯޓްކޮށްފައި ވެއެވެ.

 

ޚަބަރުތައް ބުނާ ގޮތުގައި އެމީހާ އިންޒާރު ދިނުމާއެކު ޖެމީ ފޮކްސްއާއެކު ހުރި އޭނާގެ ރަޙުމަތްތެރިއަކު އިންޒާރު ދިން މީހާއަށް ވަގުތުން ހަމަ އެ މޭރުމުން ރައްދު ދިނެވެ. އެގޮތުން ހުތުރު ބަހުން ވެސް މުޢާމަލާތް ކޮށްފައިވާއިރު، އެ މޭޒު ކައިރިއަށް ދިޔަ މީހާ ޖެމީ ފޮކްސް ކޮއްޕާލި ކަމަށް ޓީއެމްޒީގައި ރިޕޯޓްކޮށްފައި ވެއެވެ.

 

މި ހަމަނުޖެހުމުގެ ބައެއް ވީޑިއޯތައް ސޯޝަލް މީޑިއާ އާއި ޔޫޓިއުބްގައި ދައުރުވަމުން ދާއިރު، ހަމަނުޖެހުމެއް ހިނގައިގެން މީހުން ޖަމާވެގެން އުޅޭ މަންޒަރު ވީޑިއޯއިން ފެނެއެވެ. އެހެންނަމަވެސް، އެތަނުގައި ވީ ކީއްކަމެއް ވީޑިއޯއަކުން މާބޮޑަށް ސާފެއް ނުވެއެވެ.

 

ބައެއް ޚަބަރުތައް ބުނާ ގޮތުގައި އިންޒާރު ދިން މީހާ ޖެމީ ފޮކްސް މޭޒު ދަށަށް ދަމާފައި ވެއްދިއެވެ. އެހެންނަމަވެސް، ޖެމީ ފޮކްސް އެ ޙަމަލާއިން ރެކެން ކުރި މަސައްކަތުގެ ތެރެއިން އެ ޙަމަލާ ދިން މީހާގެ ކަރުގައި ހިފި ކަމަށް ރިޕޯޓްތައް ބުނެއެވެ.

 

އެ ހަމަނުޖެހުމަށް ފަހު ހަމަނުޖެހުން ހިންގި "އެންމެން" ރެސްޓޯރަންޓުން ބޭރުކޮށްލާފައިވާ ކަމަށް ޚަބަރުތައް ބުނާއިރު، ޖެމީ ފޮކްސް އާއި އޭނާގެ ރަޙުމަތްތެރިން ބޭރުކޮށްލި ކަމެއް ނުވަތަ ނޫން ކަމެއް ސީދާ ސާފެއް ނުވެއެވެ.

 

ޙާދިސާ ހިނގި ވަގުތު ހޮލީވުޑްގެ އެހެނިހެން ބައެއް ސެލެބްރިޓީން ވެސް ރެސްޓޯރަންޓް ތެރޭގައި ތިބި ކަމަށް ބައެއް ރިޕޯޓްތައް ބުނެއެވެ.

އެންމެ ފަހުން އަޕްޑޭޓް ކުރީ: 10 މަސް ކުރިން | ރިވިއު ކުރީ: އަލީ ޔޫސުފް

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.


އެންމެ ފަހުގެ


މި ލިޔުން ކިޔާލުމުން


އަންތަރީސް ވެއްޖެ

އުފާ ވެއްޖެ

ދެރަ ވެއްޖެ

ރުޅި ގަދަ ވެއްޖެ

މޮޔަވެއްޖެ

ދެން އަތްޖަހާ


ކޮމެންޓް