13 ޑިސެންބަރު 2018 | ބުރާސްފަތި | 05 މުލަ
06 ރަބީޢުލްއާޚިރު 1440
އިޝާ 19:16
މަޣްރިބް 17:58
އަސްރު 15:24
މެންދުރު 12:04
އިރުއަރާ 06:01
ފަތިސް 04:45

ޔާމިން ރަޝީދުގެ މަރު

ޔާމިން ރަޝީދުގެ މަރުގެ ޝަރީއަތް ސިއްރު ކުރަންވީ ސަބަބެއް ނެތް

  • ޔާމިން މަރާލާފައިވަނީ މިދިޔަ އަހަރުގެ އޭޕްރީލް 23ގައި
މުރުޝިދް އަބްދުލް ހަކީީމް | Murshidhu

| 22 އޭޕުރިލް 2018 | އާދީއްތަ 18:43 | |

މަގުބޫލް

  1. ބަހުގެ ހަމަލާއަކާއިއެކު ރައީސް މައުމޫނަށް ރައީސް ނަޝީދު މަރުޙަބާ ވިދާޅުވެއްޖެ!
  2. އަހަރުގެ ޒުވާން ކެޔޮޅު ބުނަނީ މިއަށްވުރެ ހަލާލު މަސައްކަތެއް ނެތް ކަމަށް!
  3. އާޒިމާއާއި އެކު ވަޑައިގަތުމުން ޒަމީރުއާ ފުލުހުން ސުވާލެއް ނުކުރި
  4. އެތެރޭގެ އުދުހުންތަކުގެ އަގު ހެޔޮކޮށް ދެ ދުވަސްތެރޭގައި އިއުލާން ކުރެވޭނެ: މިނިސްޓަރ
  5. ފައިރޫޝް، ރިޔާޒް އަދި އެސްއޯ ޑީޑީއަށް އަލުން ވަޒީފާ ދިނުމަށް ސިވިލް ކޯޓުން ޙުކުމްކޮށްފި
  6. އިންޑިއާ ދަތުރުފުޅުގައި ރައީސް ސޯލިހް ހުންނަވާނީ އިންޑިއާގެ ރައީސްގެ ރަސްމީ ގެކޮޅުގައި!
  7. 21 އަހަރު ވަންދެން ދައުލަތަށް ޚިދުމަތް ކުރީ އިޚްލާސްތެރިކަމާއެކު: ހަމްދޫން
  8. ރާއްޖެޓީވީގެ ކުރީގެ ސީއޯއޯ ފިޔާޒުއަށް ނޫސްވެރިކަމުގެ ރަން ގަލަން


ވަޅިން ހަމަލާދީ މަރާލި ލިޔުންތެރިޔާ، ޔާމީން ރަޝީދު -- ޓްވިޓަރ

ވަޅިން ހަމަލާދީ މަރާލި ލިޔުންތެރިޔާ، ޔާމީން ރަޝީދުގެ މަރުގެ މައްސަލައިގެ ޝަރީއަތް އާއްމުކޮށް ހުޅުވާލައިގެން ކުރިއަށް ގެންދިއުމުގެ ބަދަލުގައި ޝަރީއަތުގެ އަޑުއެހުންތައް ވަނީ ސިއްރުކޮށްފަ އެވެ. ސުވާލަކީ އޭގައި ފޮރުވަން އޮތީ ކޯއްޗެއް ހެއްޔެ؟

އޭޕްރީލް، 23، 2017 ގައި ޔާމީން މަރާލި މައްސަލައިގައި ދައުލަތުން ވަނީ ހަތް މީހެއްގެ މައްޗަށް ދައުވާ އުފުލައިފަ އެވެ. އެ މައްސަލައިގެ ޝަރީއަތް މިދިޔަ ސެޕްޓެމްބަރު މަހު ފަށާފައިވާއިރު، މިހާތަނަށް ހުރިހާ އަޑުއެހުމެއް ވެސް ބޭއްވީ ސިއްރުކޮށްގެންނެވެ

މިކަމާ ގުޅިގެން މީހަކު ފަހަރެއްގައި ބުނެދާނެ އެވެ. އެމީހުންގެ މައްޗަށް ހިންގާ ޝަރީއަތް ތަކުގެ އަޑުއެހުންތަކަށް ނުވަނަސް ހުކުމް ކުރީމަ އެނގޭނެ ނޫން ހެއްޔެ؟ ނަމަވެސް ގާނޫނު އަސާސީގައި ހުޅުވާލެވިފައިވާ މިނިވަން އިންސާފުވެރި ޝަރީއަތްތަކެއް ހިންގުމަށް ބާރު އަޅަނީ ލިބެން ޖެހޭ ހައްގެއް ކަމަށްވާތީ އެވެ. އިސްތިސްނާވެގެންވާ ވަކި ހާލަތްތަކެއްގައި މެނުވީ ޝަރީއަތެއް ސިއްރު ކުރެވިގެންނުވާނެ ކަމާއި އެ ސަބަބުތައް ލިޔެފައިވަނީ ވެސް އެހެންވެ އެވެ. މައްސަލައިގައި ހިމެނޭ ދެ ހަސްމުން ގެނެސް ޝަރީއަތް ކުރާ ގާޒީ މައްސަލައެއް ބަލާ ހުކުމް ކުރުމަކީ އިންސާފު ލިބުން ކަމަށް މިހާރު ނުބެލެވެ އެވެ. އިންސާފު ލިބޭކަން އެހެން މީހުނަށް ކަށަވަރުވާން ވެސް ޖެހޭނެ އެވެ.

ޔާމިން މަރުގެ މައްސަލައިގައި ކޮށްފައިވާ ދައުވާއާ ގުޅިގެން ކުރާ ޝަރީއަތްތައް އަޑުއަހަން ޔާމިންގެ އާއިލާ އާއި ނޫސްވެރިންނާއި އަދި އެހެނިހެން މީހުން ވަންނަން ބޭނުންވަނީ އެ މައްސަލައިގައި ދައުވާ ލިބޭ މީހުންގެ މައްޗަށް ކުށް ސާބިތުވާން ޖެހޭނެ ކަމަށް ގަބޫލު ކޮށްގެނެއް ނޫނެވެ. ނަމަވެސް  އޭގެ އެއް ބޭނުމަކަށް ވާނީ ދައުލަތުން ކޮށްފައިވާ ދައުވާގައި ފުލުހުންނަށް ހޯދުނު އެއްޗަކީ ކޮބައިތޯ އާއި ފުލުހުން ކޮށްފައިވާ މަސައްކަތް ބަލާލުމެވެ. އަދި ދައުލަތުން އެމީހުންނާ ދެކޮޅަށް ހުރި ހެކިތަކާއި ގަރީނާތައް ވަޒަންކޮށްފައިވާ މިންވަރާއި އަދި އެ މައްސަލާގައި ހުށަހަޅާފައިވާ ހެކިތައް ވެސް ބަލާލުމުގެ ބޭނުމުގަ އެވެ. އަދި ހުކުމް އަންނާނީ އޭގެ ފަހުން ކަމަށްވާތީ ހުކުމާ ހިސާބަށް ވާސިލް ވުމާ ހަމައަށްވެސް ޝަރީއަތުގެ އަޑުއެހުންތައް ބަލާލުމުގެ އެންމެ ބޮޑު ބޭނުމަކީ މިއީ އެވެ. އިންސާފުވެރި ވިސްނުމަކުން ވިސްނާ މީހަކަށް އެ ހިސާބުން ކޮންމެ ހުކުމެއް ކުރި ނަމަވެސް އެ ހުކުމާމެދު މާ ބޮޑު ޝަކުވާއެއް ނުކުރާނެ އެވެ.

އެހެން ނަމަވެސް މި ގޮތަށް އެކަށީގެންވާ ސަބަބެއް އޮތް ކަމަށް ގަބޫލުނުކުރޭ ގޮތަކަށް ޝަރީއަތް ސިއްރު ކުރުމުން ފެންނާނީ މައްސަލައިގައި ގާޒީ ކޮށްފައިވާ ހުކުމެވެ. ސާބިތު ނުވި ނަމަ ނުވީ ކީއްވެ ކަމެއް އަދި ދައުލަތުން ހުށަހަޅި ހެކިތަކަކީ ކޮބައިކަމެއްވެސް މީހުނަކަށް ނޭނގޭނެ އެވެ.

ރަހްމު ކުޑަ ގޮތެއްގައި މަރާލެވިފައިވާ ބައެއް މީހުންގެ މަރުގެ މައްސަލަތަކުގެ ޝަރީއަތްތައް މީގެ ކުރިންވެސް ހުޅުވާލެވިގެން ކުރިއަށް ގެންގޮސްފައިވާއިރު ޔާމިން ރަޝީދުގެ މަރުގެ މައްސަލަ މިހާ ސިއްރުކުރަން ޕީޖީ އޮފީހުން އެދެންވީ ސަބަބެއް ނޭނގެ އެވެ. އޭގެ ސަބަނުން ޔާމިން ރަޝީދުގެ މަރުގެ މައްސަލަ ދައުލަތުގެ ބައެއް މުވައްސަސާތަކުން ސިއްރުކޮށް ފޮރުވަން އުޅޭ ކަމަށް ތުހްމަތު ކުރުމުގެ ފުރުސަތު އިންތިހާއަށް އެބަ ލިބިގެންދެ އެވެ. އާއިލާއިން އެދެނީ އެ ޝަރީއަތުގެ އަޑުއެހުންތައް ދާގޮތް ބަލާލުމަށެވެ. ނޫސްވެރިން ބޭނުންވާނީ އެހަބަރު އާންމުންނަށް ގެނެސްދިނުމެވެ. ޕީޖީ އޮފީހުގެ ދައުރަކަށް ވާންވާނީ ދައުލަތުގެ މަސްލަހަތާ އެއްގޮތައް ކުރިއަށް ގެންދާކަން ކަށަވަރުކުރުމުގެ އިތުރުން އެކަން ދައްކަދިނުމެވެ.

އެންމެ ފަހުން އަޕްޑޭޓް ކުރީ: 8 މަސް ކުރިން | ރިވިއު ކުރީ: އިސްމާއިލް ނާއިލް ނަޝީދު

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.


އެންމެ ފަހުގެ


މި ލިޔުން ކިޔާލުމުން


އަންތަރީސް ވެއްޖެ

އުފާ ވެއްޖެ

ދެރަ ވެއްޖެ

ރުޅި ގަދަ ވެއްޖެ

މޮޔަވެއްޖެ

ދެން އަތްޖަހާ


ކޮމެންޓް