19 އޭޕުރިލް 2019 | ހުކުރު | 12 އައްސިދަ
12 ޝަޢުބާން 1440
ފަތިސް 04:45
އިރުއަރާ 05:57
މެންދުރު 12:09
އަސްރު 15:19
މަޣްރިބް 18:14
ޢިޝާ 19:27

ވޮލީ ބޯޅަ

ވޮލީބޯލް ކޯޗިން ކޭމްޕެއް ހިންގުމަށް ޗިޗޫ ސިންގަޕޫރަށް (2 ޖެނުއަރީ)

ނާފިއު ރަޝީދު | NaphiuR

| 7 ޖެނުއަރީ 2017 | ހޮނިހިރު 06:40 | |

މަގުބޫލް

  1. ފްރާންސް އަންހެން ކުއްޖާ ކުރި ތުހުމަތުތައް ގާޒީ އާދަމް އާރިފް ދޮގުކުރައްވައިފި
  2. ސަލްމާންގެ ޒުވާންކަމުގެ އަސަރު ޕެރިސް ހިލްޓަން އަށް ކޮށްފި!
  3. އެސްއެމްއީ ބޭންކުން އިތުރު ދެ ލޯނެއް ތައާރަފްކޮށްފި
  4. މި ހިނގާ މަޖިލީހަކީ އެންމެ ހަޑި މުޑުދާރު މަޖިލިސް: ނާޝިދު
  5. އެމްޑީޕީ ޕާލަމެންޓްރީ ގްރޫޕުގައި ސިއްރު ވޯޓު ނެގުމާމެދު ހިޔާލުތަފާތު ވެއްޖެ
  6. ފަތަހަ ސުންބުލި ކައިރިން ފައިސާތަކެއް ފޭރެން މަސައްކަތްކުރި މީހަކު ފުލުހުން ހައްޔަރުކޮށްފި
  7. ބްރޯޑްކޮމް މިހާރު ހުދުކާފޫރަށް ވީތޯ؟
  8. ބޮޑު ހިޔާނާތާ ގުޅިގެން އިންޓަޕޯލުން ރެޑް ނޯޓިސް ނެރުނު މީހުންގެ ނަންތައް ނަގައިފި


އެފްއައިވީބީ ލެވެލް ތްރީގެ ސެޓްފިކެޓް ހާސިލްކޮށްފައިވާ ރާއްޖޭގެ އިންޓަނޭޝަނަލް ރެފްރީ އިސްމާއިލް ރިފާއު (ޗިޗޫ)- ފޮޓޯ: ރާއްޖެއެމްވީ -- ރާއްޖެއެމްވީ ފޮޓޯ : އަޒުމޫން އަހުމަދު

ސިންގަޕޫރުގެ އިންޓަނޭޝަނަލް ވޮލީ ކްލަބުން ހިންގުމަށް ހަމަޖެހިފައިވާ ވޮލީބޯލް ކޯޗިން ކޭމްޕުގައި ކިޔަވައިދިނުމަށް ރާއްޖޭގެ ވޮލީ ކޯޗިން ޓްރެއިނަރު އިސްމާއިލް ރިފާއު (ޗިޗޫ) އަށް ފުރުސަތު ލިބިއްޖެ އެވެ.

ޗިޗޫ ވަނީ މިދިޔަ 2016 ވަނަ ބަހުރެއިންގައި ވޮލީ ކޯޗިންގެ ރޮނގުން ހޯދޭނެ އެންމެ މަތީ ކާމިޔާބީ ކަމަށްވާ އެފްއައިވީބީ ލެވެލް ތްރީގެ ސެޓްފިކެޓް ހާސިލްކޮށްފަ އެވެ.

ހޯމަ ދުވަހު ހެނދުނު ސިންގަޕޫރަށް ފުރުމުގެ ކުރިން ރާއްޖެއެމްވީ އަށް މައުލޫމާތުދެމުން ޗިޗޫ ބުނީ މި ކޭމްޕަކީ ސިންގަޕޫރުގެ އިންޓަނޭޝަނަލް ވޮލީ ކްލަބުން އިންތިޒާމްކޮށްގެން އެ ގައުމުގެ އެމެރިކަން ސްކޫލުގައި ހިންގުމަށް ހަމަޖެހިފައިވާ ކޯޗިން ކޭމްޕެއް ކަމަށާއި އަދި މި ކޭމްޕުގައި ކިޔަވައިދޭނީ މުޅިން ވެސް ސިންގަޕޫރުން ބޭރުގެ ޓްރެއިނަރުން ކަމަށެވެ.

ޗިޗޫ ބުނީ މިފަދަ ފުރުސަތެއް ރާއްޖޭގެ ފަރާތަކަށް ލިބިގެން ދިއުމަކީ ރާއްޖޭގެ ވޮލީ އަދި ރާއްޖޭގައި ތިބި ވޮލީ ކޯޗުންނާއި ކޯޗުން ތަމްރީނުކުރާ ފަރާތްތަކަށް ހުޅުވިގެންދިޔަ ދޮރެއް ކަމަށާއި އަދި މިފަދަ ފުރުސަތުތަކުން ރާއްޖޭގެ ވޮލީ އެހެން ހަރުފަތަކަށް ދިއުމަށް މަގުފަހިވެގެންދާނެ ކަމަށް ބެލެވޭ ކަމަށެވެ.

ޗިޗޫ ބުނީ މިފަދަ ފުރުސަތެއް ލިބުމުން އެކަމާ ވަރަށް އުފާކުރާ ކަމަށާއި އަދި އެކަމާ ފަހުރުވެރިވާ ކަމަށެވެ. މީގެ އިތުރުން ޗިޗޫ ވަނީ ވޮލީބޯލް އެސޯސިއޭޝަންގެ މިހާރާއި އޭރުގެ ދައު ރުގައި ތިއްބެވި އިސްފަރާތްތަކަށް ޝުކުރު އަދާކޮށްފަ އެވެ.

ބީޗު ވޮލީ ރެފްރީއެއްގެ ދައުރުވެސް އަދާކުރަމުން އަންނަ ޗިޗޫ ބުނީ މި ކޭމްޕުން އޭނާއަށް ވެސް ވަރަށް ގިނަ ކަންތައްތަކެއް ދަސްވާނެ ކަމަށް އުންމީދު ކުރެވޭ ކަމަށާއި އަދި ކޭމްޕް ނިންމާލައި އެނބުރި ގައުމަށް އައުމަށްފަހު ކޭމްޕުން ދަސްވި އެއްޗެއްގެ ބޭނުން ރާއްޖޭގައި ހިންގޭ ކޯސްތަކުގައި ވެސް ބޭނުންކުރާނެ ކަމަށެވެ.

ވީއޭއެމްގެ މިހާރުގެ ރައީސް ވަނީ އެ އެސޯސިއޭޝަންގެ ރައީސްގެ މަގާމަށް އިންތިހާބުވުމަށްފަހު ރާއްޖެގެ ހުރިހާ ކަންކޮޅުތަކެއްގައި ވޮލީ ކޯޗުން ތަމްރީނުކުރުމަށް ވައުދުވެވަޑައިގެންފަ އެވެ. އެގޮތުން މި ފެށުނު 2017 ވަނަ އަހަރަކީ އެކަމުގެ މަސައްކަތް އަމަލީ ގޮތުން ފެށުމަށް ހަމަޖެހިފައިވާ އަހަރަށް ވުމާއެކު ޗިޗޫގެ ބޭނުން ހިފާނެ ކަމަށް ވެސް އެ އެސޯސިއޭޝަނުން ވަނީ ހާމަކޮށްފަ އެވެ.

ޖުމްލަ 8 ދުވަހުގެ މުއްދަތަށް ސިންގަޕޫރުގައި ކުރިއަށްދާ މި ޓްރެއިނިން ކޭމްޕުގައި ޖުމްލަ 4 އުމުރުފުރާއަކުން އަންހެން އަދި ފިރިހެން ކުދިން ބައިވެރިވާނެ އެވެ.

އެންމެ ފަހުން އަޕްޑޭޓް ކުރީ: 1 އަހަރު ކުރި | ރިވިއު ކުރީ: ހުސައިން ފިޔާޒު މޫސާ

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.


އެންމެ ފަހުގެ


މި ލިޔުން ކިޔާލުމުން


އަންތަރީސް ވެއްޖެ

އުފާ ވެއްޖެ

ދެރަ ވެއްޖެ

ރުޅި ގަދަ ވެއްޖެ

މޮޔަވެއްޖެ

ދެން އަތްޖަހާ


ކޮމެންޓް