25 އޭޕުރިލް 2019 | ބުރާސްފަތި | 04 ބުރުނު
18 ޝަޢުބާން 1440
ޢިޝާ 19:27
މަޣްރިބް 18:13
އަސްރު 15:21
މެންދުރު 12:08
އިރުއަރާ 05:55
ފަތިސް 04:42

މައުމޫން

!ފޭދޫފިނޮޅު ވިއްކާލުމުން އިންޑިއާގެ ކަންބޮޑުވުން: ދިވެހި ފޮރިން މިނިސްޓަރާ މަޝްވަރާ ކުރުން އެކަށީގެންވޭ

ފާތިމަތު ސާޔާ އަހުމަދު | F_SayaAhmed

| 7 ޖެނުއަރީ 2017 | ހޮނިހިރު 00:35 | |

މަގުބޫލް

  1. އެންމެފަހުން ޢަބްދުއްރަޙީމް ވެސް ރައީސް ޔާމީނާ އިދިކޮޅަށް!؟
  2. ލަންކާއިން ގެއްލިގެން ހޯދަމުން ދިޔަ ދެ ދިވެހިން ފެނިއްޖެ
  3. ގޮވާތަކެތި ހުރި ލޮރީއަކާއި ވޭނެއް ކޮޅުނބަށް އެތެރެވެއްޖެ ކަމުގެ އިންޒާރާ އެކު ލަންކާ އެލާޓަށް!
  4. ލަންކާ މީހަކު ރިސޯޓެއްގައި ދަންޖެހިގެން މަރުވެއްޖެ
  5. ދުލެއް ނުކުރާނަން- ރައީސް ވެސް ބައިވެރިވެވަޑައިގަންނަވާ!
  6. ގޮއްވުންތަކުގެ ކުރިން ތަކުރާރު ކޮށް ޖާސޫސީ އިދާރާތަކުން އިންޒާރު ދިން: ހެލްތް މިނިސްޓަރު
  7. ލަންކާގެ ބޮމުގެ ހަމަލާތައް: ހަމަލާ ދިން މީހުން އައިސިސްއަށް ބައްޔަތު ހިފާ ވީޑިއޯއެއް އާންމުވެއްޖެ
  8. ސަރުކާރު ހިއްސާވާ އެއްވެސް ކުންފުންޏަކަށް ރޯދަ އިނާޔަތުގެ ގޮތުގައި ދޭންޖެހޭ މިންވަރަށް ވުރެ އިތުރަށް ދިނުން މަނާ


ފޭދޫ ފިނޮޅު--- -- ގޫގުލް

ރާއްޖޭގެ ރަށެއް ޗައިނާގެ ކުންފުންޏަކަށް ވިއްކާލާފައިވާ މި ދަނޑިވަޅުގައި ރާއްޖޭގެ ރަށްތައް ބޭރުގެ ކުންފުނިތަކަށް ވިއްކާ މައްސަލައިގައި އިންޑިއާ އިން ކަންބޮޑުވުން ފާޅުކޮށް، އެކަމާ ބެހޭ މަޝްވަރާތައް ރާއްޖެއާއެކު ކުރުން އެކަށީގެންވާ ކަމަށް އިންޑިއާގެ ނޫހަކުން ބުނެފި އެވެ.

އިންޑިއާގެ "ދަ އިކޮނޮމިކް ޓައިމްސް" ނޫހުން ބުނީ ފޭދޫފިނޮޅު ޗައިނާގެ ކުންފުންޏަކަށް ހަތަރު މިލިއަން ޑޮލަރަށް ވިއްކާލާފައިވާ މައްސަލާގައި އިންޑިއާ އިން ކަންބޮޑުވެފައިވާ ކަމަށާއި، އެކަމުގެ މަޝްވަރާތައް ކުރާނެ ކަމަށް ބެލެވޭ ކަމަށެވެ.

އެގޮތުން އަންނަ ޖެނުއަރީ މަހު ރާއްޖޭގެ ފޮރިން މިނިސްޓަރު މުހައްމަދު އާސިމް އިންޑިއާގެ ވެރިރަށް ނިއުދިއްލީ އަށް ކުރެއްވުމަށް ހަމަޖެހިފައިވާ ރަސްމީ ދަތުރުފުޅުގައި މިކަމާ ބެހޭ މަޝްވަރާތައް ކުރުން އެކަށީގެންވާ ކަމަށް އެނޫހުގައި ބުނެފައި ވެއެވެ.

އެ ނޫހުން އިތުރަށް ބުނެފައި ވަނީ ރާއްޖޭގެ މައި އެއާޕޯޓާ ކައިރީގައިވާ ފޭދޫފިނޮޅު ޗައިނާގެ ކުންފުންޏަކަށް ވިއްކާލުމަކީ އިންޑިއާ ކަނޑުގައި އިންޑިއާ އަށް ގެއްލުންތަކެއްވުން އެކަށީގެންވާ ކަމެއް ކަމަށެވެ.

އޭގެ އިތުރުން އިންޑިއާ ކަނޑުގައި ޗައިނާގެ ނުފޫޒު ގަދަ ކުރުމަށް އެކި ފުރުސަތުތައް ހޯދުމަށް އެގައުމުން މަސައްކަތް ކުރަމުންދާ ކަމަށާއި، އެހެންކަމުން ރާއްޖޭގެ ރަށްތައް ބޭރުގެ ކުންފުނިތަކަށް ވިއްކުމަކީ އިންޑިއާ އިން ކަންބޮޑުވާނެ ކަމެއް ކަމަށް ބުނެފައި ވެއެވެ.

ދިވެހި ފުލުހުންގެ އެކި ބޭނުންތަކަށް ދޫކޮށްފައި އޮތް ފޭދޫފިނޮޅު ޗައިނާގެ ކުންފުންޏަކަށް ހަތަރު މިލިއަން ޑޮލަރަށް ވިއްކާލާފައިވާއިރު، އެ ކުންފުނީގެ ހިއްސާދާރެއްގެ ގޮތުގައި އައްޑޫއަށް ނިސްބަތްވާ ދިވެހި ވިޔަފާރިވެރިއަކު ހިމެނޭކަން ރާއްޖެ ޓީވީ އަށް ވަނީ އެނގިފަ އެވެ.

ބިޑު ކުރުމެއް ނެތި ރާއްޖޭގެ ރަށްތައް ވިއްކާލެވޭ ގޮތަށް ޓޫރިޒަމް ގާނޫނަށް ގެނައި އިސްލާހާއެކު ޓޫރިޒަމް މިނިސްޓްރީން ވަނީ ބިޑު ކުރުމެއް ނެތި 11 ރަށަކާއި، ދެ ފަޅެއް ވިއްކާލުމަށް އިއުލާންކޮށްފަ އެވެ.

އެންމެ ފަހުން އަޕްޑޭޓް ކުރީ: 2042 އަހަރު ކުރިން | ރިވިއު ކުރީ: އަލީ ޔޫސުފް

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.


އެންމެ ފަހުގެ


މި ލިޔުން ކިޔާލުމުން


އަންތަރީސް ވެއްޖެ

އުފާ ވެއްޖެ

ދެރަ ވެއްޖެ

ރުޅި ގަދަ ވެއްޖެ

މޮޔަވެއްޖެ

ދެން އަތްޖަހާ


ކޮމެންޓް