25 އޭޕުރިލް 2019 | ބުރާސްފަތި | 04 ބުރުނު
18 ޝަޢުބާން 1440
ޢިޝާ 19:27
މަޣްރިބް 18:13
އަސްރު 15:21
މެންދުރު 12:08
އިރުއަރާ 05:55
ފަތިސް 04:42

ﷲގެ ޤުދުރަތްތެރިކަން

އިންސާނުންގެ ނަފުސުތަކުން ވެސް ﷲ ގެ ޤުދުރަތްތެރިކަން އެމީހުންނަށް ދައްކަވައެވެ.

  • ﷲގެ ޢަޒަލީ ޤާނޫނަކީ ފިރުޢައުން ފަދަ މީހުން ބޭނުންވާހާ ގޮތަކަށް ބަދަލުކޮށް ބޭނުންހާ ގޮތެއް ހެދޭނެ ކަމަކަށް ނުވާތީ، ފިރުޢައުނުގެ ނިމިދިއުން ވެސް ވީ ﷲ އަށް އީމާން ނުވާ އެފަދަ އެހެން މީހުން ވެސް ނިމިދިޔަ
އަހްމަދުﷲ ޖަމީލް | adjameel

| 3 ޖެނުއަރީ 2018 | ބުދަ 11:03 | |

މަގުބޫލް

  1. އެންމެފަހުން ޢަބްދުއްރަޙީމް ވެސް ރައީސް ޔާމީނާ އިދިކޮޅަށް!؟
  2. ލަންކާއިން ގެއްލިގެން ހޯދަމުން ދިޔަ ދެ ދިވެހިން ފެނިއްޖެ
  3. ގޮވާތަކެތި ހުރި ލޮރީއަކާއި ވޭނެއް ކޮޅުނބަށް އެތެރެވެއްޖެ ކަމުގެ އިންޒާރާ އެކު ލަންކާ އެލާޓަށް!
  4. ލަންކާ މީހަކު ރިސޯޓެއްގައި ދަންޖެހިގެން މަރުވެއްޖެ
  5. ދުލެއް ނުކުރާނަން- ރައީސް ވެސް ބައިވެރިވެވަޑައިގަންނަވާ!
  6. ގޮއްވުންތަކުގެ ކުރިން ތަކުރާރު ކޮށް ޖާސޫސީ އިދާރާތަކުން އިންޒާރު ދިން: ހެލްތް މިނިސްޓަރު
  7. ލަންކާގެ ބޮމުގެ ހަމަލާތައް: ހަމަލާ ދިން މީހުން އައިސިސްއަށް ބައްޔަތު ހިފާ ވީޑިއޯއެއް އާންމުވެއްޖެ
  8. ސަރުކާރު ހިއްސާވާ އެއްވެސް ކުންފުންޏަކަށް ރޯދަ އިނާޔަތުގެ ގޮތުގައި ދޭންޖެހޭ މިންވަރަށް ވުރެ އިތުރަށް ދިނުން މަނާ


އެކި އުމުރުގެ މީހުން -- ރާއްޖެއެމްވީ ފޮޓޯ : މުހައްމަދު ޝަރުހާން

 ނަވާރަސަތޭކަ އަށްޑިހައިގެ އަހަރުތަކުގެ ތެރޭގައި ރަޝިޔާގައި ކޮމިޔުނިސްޓް ވެރިކަން އޮތް ދުވަސްވަރު ކޮމިޔުނިސްޓް ޕާޓީގެ އިސްވެރިޔަކު ވަރަށް ބޮޑަށް ބަލިވެ އެބަލިން އޭނާ ރަނގަޅުނުވެ ގިނަ ދުވަސްވުމުން އޭނާ އެބަލިން ސަލާމަތްވުމަށް އެދިގެން ދުޢާ ކުރަން އިންދައި މީހަކަށް އެތަން ފެނިގެން އެމީހުން އެފަދަ ފަރާތެއް ވާކަމަށް ކުރިން ޤަބޫލު ނުކުރާ ވާހަކަ ބުންޏެވެ. އެ ވާހަކަ ބުނުމުން އޭނާ ބުނިކަމަށްވެއެވެ. ތިމަންމެން އެގޮތަށް ބުނިކަމުގައި ވިނަމަވެސް އެފަދަ ފަރާތެއް ވާކަމުގައި އަބަދުވެސް ހިތުގެ އަޑިން ޤަބޫލުކުރެވެއެވެ. ނަމަވެސް އެހެން މީހުންނަށް އެކަން ފާޅު ނުކުރަނީއެވެ. މިއަދު މިޙާލަތަށް އައުމުން އެފަރާތުގެ މަދަދަށް ނުވަތަ އެހީއަށް އެދެން މަޖްބޫރުވީއެވެ.

މިއީ ޙަޤީޤަތެވެ. އޭގައި އެއްވެސް ޝައްކެއް ވަސްވާހެއް އޮތް ކަމެއް ނޫނެވެ. އެފަދަ ކިތައްމެ ބައެއް މިދުނިޔޭގައި އެބަ ތިއްބެވެ. އަދި މީހާރު ވެސް އުޅެމުންދެއެވެ. އަދި މުސްތަޤުބަލުގައި ވެސް އުޅޭނޭކަން ކީރިތި ޤުރްއާނުން ވެސް އެނގެން އެބައޮތެވެ. ފިރުޢައުނަކީ ވެސް އެއްކައުވަންތަ ކަމަށް ނުވަތަ އިލާހެއް ކަމަށް ދަޢުވާކުރި މީހެކެވެ. އެންމެ ފަހު ވަޤުތު ފިރުޢައުނު ވެސް ވަނީ ތިމަން ވެސް ވަނީ ބަނޫއިސްރާއީލުގެ މީހުން އީމާންވާ ފަރާތަށް އީމާން ވެއްޖައީމޭ ބުނެ ދަޢުވާ ކޮށްފައެވެ. ނަމަވެސް ﷲގެ ޢަޒަލީ ޤާނޫނަކީ ފިރުޢައުން ފަދަ މީހުން ބޭނުންވާހާ ގޮތަކަށް ބަދަލުކޮށް ބޭނުންހާ ގޮތެއް ހެދޭނެ ކަމަކަށް ނުވާތީ، ފިރުޢައުނުގެ ނިމިދިއުން ވެސް ވީ ﷲ އަށް އީމާން ނުވާ އެފަދަ އެހެން މީހުން ވެސް ނިމިދިޔަ ގޮތަށެވެ.

މިކައުނު އުފެދިފައިވާ ގޮތުގައި މިކައުނުގައިވާ ތަކެތި އުފެދިފައިވާ ގޮތާއި މިފަދަކަންތައްތައް ދިރާސާ ކުރާ ސައިންސްވެރިންގެ ދިރާސާތަކުން ﷲ ގެ ޢަޡަމަތްތެރިކަމާއި އެކަލާނގެ ކުޅަދުންވަންތަ ވެރިކަން ދޭހަ ނުވާ އެއްވެސް ދިރާސާއެއް ސައިންސްވެރިންނަށް ކުރެވިފައެއް ނުވެއެވެ. މާރިޔާ ސުޓެންލީއަކީ ބުރުޓޫން ޔުނިވަރސިޓީ އިން ބައިލޮޖީގެ ދާއިރާ އިން ޕީ.އެޗް.ޑީ ހަދާފައިވާ މީހެކެވެ. އޭނާ ލިޔެފައި ވާ ގޮތުގައި މި ކައުނުގައިވާ ހުރިހާ ތަކެއްޗެއް މާތްﷲ ވޮޑިގެންވާ ކަމަށް ހެކިދެއެވެ. އަދި މާތްﷲ ގެ ޤުދުރަތްތެރި ކަމާއި އެކަލާނގެ ޢަޡަމަތްތެރިކަމަށް ވެސް ހެކިދެއެވެ. އަދި އެއްވެސް ކަމެއްގައި އެކަމެއްގައި އޮތް އެންމެ ފުރިހަމަ ގޮތަކީ މިއީއެވެ. ބުނެވޭ ވަރަށް އެމީހުންނަށް ހޯދިފައި ނުވާކަމުގައެވެ. އެއީ ވަކި ގޮތަކަށް ދިރާސާތަކެއް ކުރުމަށްފަހު ދުވަސްކޮޅަކުން ނުވަތަ ޒަމާން ތަކަކަށް ފަހު ދިރާސާއެއް ކުރާއިރު އެކަން ބައެއް ފަހަރަށް ބަދަލުވެފައިވާތީއެވެ.

އައްނަމްލު ސޫރަތުގެ 93 ވަނަ އާޔަތުގައި މާތްﷲ ވަޙީކުރައްވާފައިވާ ބަސްފުޅުގެ މާނައިގައި ވެއެވެ. "އަދި ކަލޭގެފާނު ވިދާޅުވާށެވެ! حمد ހުރީ اللَّه އަށެވެ. އެކަލާނގެ ކުޅަދުންވަންތަކަމުގެ ހެކިތައް ތިޔަބައިމީހުންނަށް ނިކަން ހުރެ އެކަލާނގެ ދައްކަވާހުއްޓެވެ. ދެން އެކަންތައްތައް ތިޔަބައި މީހުންނަށް އެނގޭނެތެވެ. ކަލޭގެފާނުގެ ވެރިރަސްކަލާނގެ ތިޔަބައިމީހުން ކުރާ عمل ތަކާ މެދު غافل ވެ ވޮޑިގެނެއް ނުވެތެވެ."

 

އެންމެ ފަހުން އަޕްޑޭޓް ކުރީ: 1 އަހަރު ކުރި | ރިވިއު ކުރީ: ހުޝާމް މުހަޢްމަދް

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.


އެންމެ ފަހުގެ


މި ލިޔުން ކިޔާލުމުން


އަންތަރީސް ވެއްޖެ

އުފާ ވެއްޖެ

ދެރަ ވެއްޖެ

ރުޅި ގަދަ ވެއްޖެ

މޮޔަވެއްޖެ

ދެން އަތްޖަހާ


ކޮމެންޓް