22 އޭޕުރިލް 2018 | އާދީއްތަ | 01 ބުރުނު

އައްޑޫ ސިޓީގައި 3 ކާރެއްގައި އަލިފާން ރޯކޮށްލައިފި

  • ރޯކޮށްލާފައިވަނީ ތިން ކާރުގެ ވެސް އިންޖީނުގައި
  • މައްސަލައިގެ ތުހުމަތުގައި ދެމީހަކު ވަނީ ހައްޔަރުކޮށްފައި
  • އެތަނުން އެއްކާރަކީ ހިތަދޫ ރީޖަނަލް ހޮސްޕިޓަލްގައި ވަޒީފާ އަދާކުރާ އަންހެން މުއައްޒަފެއްގެ ކާރެއް
އަމިނަތް ނުޒުހާ | Nuzuha

| 17 ޖުލައި 2017 | ހޯމަ 02:12 | |



މިރޭ ރޯކޮށްލާފައިވާ ކާރެއް -- ޓްވިޓަރ

އައްޑޫ ސިޓީގައި ތިން ކާރެއްގައި އަލިފާން ރޯކޮށްލައިފިއެވެ.

 

ރާއްޖެއެމްވީއަށް މައުލީމާތު ދެއްވަމުން ފުލުހުންގެ މީޑިއާ އޮފިޝަލް ވިދާޅުވީ، އައްޑޫ ސިޓީގެ ތިން ސަރަހައްދަކުން ތިން ކާރު ރޯކޮށްލައިގެން އުޅޭކަމުގެ މައުލޫމާތު ފުލުހުންނަށް ރިޕޯޓްކޮށްފައިވާކަމަށެވެ.

 

ފުލުހުން ބުނީ، ތިން ކާރުވެސް ރޯކޮށްލާފައިވަނީ، އައްޑޫ ސިޓީ، ހިތަދޫގައިކަމަށެވެ. އަދި ތިން ކާރަކީވެސް ހިތަދޫ އެއްސަރަހެއްދެއްގައި ހުރި ތިން ގެއެއްގެ ތިންކާރުކަމަށް ފުލުހުން ބުންޏެވެ. އެ ތިން ކާރުގައިވެސް ރޯކޮށްލާފައިވަނީ ކާރުގެ ކުރީކޮޅުން އިންޖީނުގައިކަމަށް ފުލުހުން ބުންޏެވެ. އަދި އަލިފާން ރޯކޮށްލިކަމުގެ މައުލޫމާތު ފުލުހުންނަށް ރިޕޯޓްކުރީ އާދިއްތަ ދުވަހުގެރޭ މެންދަމު 12.11 ހާއިރުކަމަށާއި އަދި މިހާރު އަލިފާން ނިއްވާލާފައިވާކަމަށް ފުލުހުން ބުންޏެވެ.

 

ކާރުތައް ރޯކޮށްލި ކަމުގެ ތުހުމަތުގައި ދެ މީހަކު ހައްޔަރުކޮށް، މައްސަލަ އިތުރަށް ތަހުގީގުކުރަމުންދާކަމަށްވެސް ފުލުހުން ބުންޏެވެ.

 

ހިތަދޫއިން މައުލޫމާތު ދިން މީހަކު ބުނީ، އެތަނުން އެއްކާރަކީ ހިތަދޫ ރީޖަނަލް ހޮސްޕިޓަލްގައި ވަޒީފާ އަދާކުރާ އަންހެން މުއައްޒަފެއްގެ ކާރެކެވެ.  

އެންމެ ފަހުން އަޕްޑޭޓް ކުރީ: 9 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.


އެންމެ ފަހުގެ

މި ލިޔުން ކިޔާލުމުން


އަންތަރީސް ވެއްޖެ

އުފާ ވެއްޖެ

ދެރަ ވެއްޖެ

ރުޅި ގަދަ ވެއްޖެ

މޮޔަވެއްޖެ

ދެން އަތްޖަހާ


ކޮމެންޓް