26 ސެޕްޓެންބަރ 2018 | ބުދަ | 06 އަތަ
16 މުޙައްރަމް 1439
ފަތިސް 04:42
އިރުއަރާ 05:53
މެންދުރު 12:02
އަސްރު 15:07
މަޣްރިބް 18:02
އިޝާ 19:13

ރޯދަ މަސް

ކަރާގެ ބޭރު ތޮށިގަނޑު އެއްލާލުމަށް ވުރެ ލިބޭ ފައިދާ މާބޮޑު!

  • ކަރާގެ 91 ޕަސެންޓް އަކީ ފެން
  • ކަރައިން ސިއްހީގޮތުން ބޮޑެތި ފައިދާތަކެއް ލިބޭ
ފާތިމަތު ޝަނާ މުހައްމަދު | FathimathShana

| 29 މެއި 2017 | ހޯމަ 16:58 | |

މަގުބޫލް

  1. ރައީސް ޔާމީން އިންތިޚާބުން ފެއިލްވީ ލީޑަރޝިޕުގެ އަމިއްލަ އެދުމާހުރެ: ޑޭވް
  2. އިންތިހާބުގެ ފަހުން ހަދާ އެއްބަސްވުންތަކާ ދެމުންދާ ވަޒީފާތަކަށް ޒިންމާއެއް ނުވާނަން: ހަސަން
  3. އިންތިހާބު އޮތް ދުވަހު ދިވެހިން ދެއްކި ރީތި ނަމޫނާ އިން ބޭރުގެ އޮބްޒަރވަރުން ހައިރާންކުރުވައިފި
  4. މަހްލޫފު މިނިވަންވެ، ދަރިފުޅު ބަލާ މިރޭ ފުވައްމުލަކަށް
  5. ކަސްޓަމްސްގެ އިސް މުވައްޒަފުންތަކެއް އިންތިޚާބީ ރައީސް އިބޫއާ ބައްދަލުކޮށްފި
  6. މުލިއާގެއިން ނެރުނީ ކޯންޗެއް ހެއްޔެވެ؟
  7. ދައުލަތުގެ ލިޔެކިޔުންތައް ނައްތާލާ، ޝްރެޑް ކުރަމުންދާ މައްސަލަ ފުލުހުންނަށް ހުށަހަޅައިފި
  8. އަޅުގަނޑަށް އޮތީ 19 އަހަރުގެ ހުކުމެއް ކުރަން ތައްޔާރުކޮށްފައި: އިލްހާމް


ލޯކަލް މާރުކޭޓުގައި ކަރާ ވިއްކުމަށް ބެހެއްޓިފައި -- ރާއްޖެއެމްވީ

ކަރައަކީ ރަމަޟާން މަހުގައި ރާއްޖޭގައި ވަރަށް ގިނައިން ބޭނުން ކުރެވޭ އެއްޗެކެވެ. މިއީ ޒަމާނުއްސުރެއް ރާއްޖޭގެ ސަގާފަތުގެ ތެރެއަށް ވަދެފައިވާ އާދަ އެކެވެ.

ރާއްޖޭގައި ރަމަޟާން މަހުގައި ކަރާ ގިނައިން ބޭނުން ކުރާ އިރު، ކަރައަކީ ސިއްހީ ގޮތުން ބޮޑެތި ފައިދާތަކެއް ލިބޭ އެއްޗެކެވެ. ކަރާގައި އެންޓިއޮކްސިޑެންޓް  ލައިކޮޕީން މާއްދާ ޓޮމާޓޯ އަށް ވުރެ ގިނައިން ހުރެ އެވެ. އެގޮތުން 1.5 މިންވަރު ޓޮމާޓޯ އަށް ވުރެ ގިނައިން ކަރާގައި ލައިކޮޕީން ހުރެ އެވެ. އެންޓިއޮކްސިޑެންޓް ލައިކޮޕީން އަނީ ކެންސަރައި  ހިތުގެ ބަލިތަކުން ސަލާމަތް ކުރުމަށް، ނުވަތަ ރައްކާތެރިވުމަށް ވަރަށް މުހިއްމު މާއްދާ އެކެވެ. މި މައްދާ ހަށިގަނޑަކަށް އެކަށީގެންވާ މިންވަރަށް ލިބޭ ނަމަ، ސްޓްރޯކް ޖެހުމުން 19 ޕަސެންޓް ދުރުކޮށްދިނުމަށް މަގުފަހިވެ އެވެ.

ހަށިގަނޑަށް ލިބިދޭ ލައިކޮޕީންއާ ގުޅޭ ގޮތުން 2014 ވަނަ އަހަރު ކުރެވުނު ހޯދުންތަކުން ދައްކާގޮތުގައި ލައިކޮޕީންގެ ސަބަބުން އޯވަރީގެ ކެންސަރުން ދުރުކޮށްދެ އެވެ. ކެންސަރަށް ކުރާ ފަރުވާއަށް މި މާއްދާގެ ސަބަބުން އިތުރުބާރެއް ލިބެ އެވެ.

ދިރާސާތަކުން ދައްކާގޮތުން ކަރާގައި ހިމެނޭ ލައިކޮޕީންގެ ސަބަބުން ޓިއުމަރު އުފެދުމުން ދުރުކޮށްދެ އެވެ. ކަރާ ކެއުމުގެ ސަބަބުން ހަށިގަނޑުގެ ތަންތަނުގައި ރިއްސުންތައް ކުޑަ ކޮށްދެ އެވެ. ކަރާގެ ބޭރުފަށައަލައިން ކުރާ ފައިދާ ވެސ ވަކި ކުޑައެއް ނޫނެވެ. ކަރާގެ ބޭރު ތޮށިގަނޑުން ހަށިގަނޑަށް ބޮޑެތި ފައިދާތަކެއް ލިބުނު ނަމަވެސް ގިނަ ފަހަރަށް ބޭރުތޮށިގަނޑު އެއްލާލެވޭ ގޮތް ދިމާވެ އެވެ.

ކަރާގެ ބޭރު ތޮށިގަނޑުން ކިޑްނީގެ ބަލިތަކާއ ހިތުގެ ބަލިތަކުން ރައްކާތެރިވުމުގެ އިތުރުން ހަށިގަނޑުގެ ދިފާއީ ނިޒާމު ވަރުގަދަ ކުރުމަށް މަގުފަހިވެ އެވެ. މީގެ އިތުރުން ހަށިގަނޑުގެ ބްލަޑް ޕްރެޝަރ އެއްވަރެއްގައި ހިފެހެއްޓުމަށް ވެސް މަގުފަހިވެ އެވެ. ކަރާގެ ބޭރު ތޮށިގަނޑުގެ އިތުރަށް ކަރާގެ އޮށަކީވެސް އޭގެއިން ބޮޑެތި ފައިދާތަކެއް ހަށިގަނޑަށް ލިބޭ އެއްޗެކެވެ. އެގޮތުން ދަގަނޑުގެ ބާވަތާއި ޕްރޮޓީން އަދި ފައިބާ ލިބުމަށް މަގުފަހިވެ އެވެ.

ކަރައިން ހަށިގަނޑަށް ބޮޑެތި ފައިދާތަކެއް ލިބިދޭ އިރު މިއީ ހޫނު މޫސުމުގައި ބޭނުން ކުރުމަށް އެންމެ ރަގަޅު އެއް މޭވާ އެވެ. އަދި ރަމަޟާން މަސްފަދަ، ދުވާލުގަޑީގައި ކެއުމާއި ދުރުގައި ހުރުމަށްފަހު، ރޯދަވީއްލާ ގަޑީ ކެއުމަށްވެސް އެންމެ ރަގަޅު އެއް މޭވާ އަކީ ކަރައެވެ.

ކަރާގެ 91 ޕަސެންޓް ހިމެނެނީ ފެނެވެ. އެހެން ކަމުން ކަރާ ކެއުމުގެ ސަބަބުން ޑީހައިޑްރޭޝަނުން ދުރުކޮށްދެ އެވެ. އާންމުކޮށް އެތެރެ ރަތްކޮށް ހުންނަ ކަރާ ބޭނުން ކުރި ނަމަވެސް އެތެރެ ރީނދޫކޮށް ހުންނަ ކަރައިންވެސް ސިއްހީ ބޮޑެތި ފައިދާތަކެއް ލިބިގެންދެ އެވެ.

ކަރާ އަކީ ކިއުކަމްބާ އާއި ބަރަބޯ އައިލާ އަށް ނިސްބަތްވާ މޭވާއެކެވެ. ކަރާއަކީ މިސްރަށް ނިސްބަތްވާ މޭވާ އެއް ނަމަވެސް، ދުނިޔޭގެ އެކި ކަންކޮޅުތަކުގައި ކަރާ އުފައްދަން ޖެހެ އެވެ.

އެންމެ ފަހުން އަޕްޑޭޓް ކުރީ: 1 އަހަރު ކުރި | ރިވިއު ކުރީ:

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.


އެންމެ ފަހުގެ


މި ލިޔުން ކިޔާލުމުން


އަންތަރީސް ވެއްޖެ

އުފާ ވެއްޖެ

ދެރަ ވެއްޖެ

ރުޅި ގަދަ ވެއްޖެ

މޮޔަވެއްޖެ

ދެން އަތްޖަހާ


ކޮމެންޓް